Luka 5:13 - AHYERƐLƐ KRONGRON

¹³ Na Yesu tengyɛle ye sa hane ye, na ɔhane kyɛ, “Mekuro, wɔ nwo fi!” Na berɛ ne ala, kwata ne fili ye nwo.

Luka 5:13 Iomraidhean Croise

Gyenesise 1:3

Na Nyameɛ hane kyɛ, “Ɔ́ta hyireinn!” Na ɔtale hyireinn.

Gyenesise 1:9

Na Nyameɛ hane kyɛ, “Nzue bɔ ɔwɔ ewienu bo ne, ɔ́boa ye noa neka horɛ, na aseɛ wosee bra!” Na ɔwale nu sɔ.

2 Ahemvo 5:10

Yeɛ Elisa somane sona maa ɔɔhã hyirele ye kyɛ, “Kɔ na kobia asue Yɔɔdan nu pɛen nzoo, na wɔ nwonaen kosa kɔyɛ kyɛ ye daa ne ala, na wɔ nwo kɔte.”

2 Ahemvo 5:14

Yiti osili nu hɔle asue Yɔɔdan nu ɔɔtɔle nu pɛen nzoo, kyɛbɔ Nyameɛ sona ne hane ne ala. Na ye nwonaen sa tɔle so kyɛ akwadaa kaaba deɛ, na ye nwo tele.

Edwein 33:9

Ofikyɛ odwudwole, na ɔyɛle berɛ; ɔhyɛle, na ogyinane berɛ pindinn.

Hesekiel 36:29

Ngɔpepɛ ngole ɛmɔ ngofi ɛmɔ nwo bɔ ɔnde ne amukoraa nu; ngɔfrɛ aleɛ ngɔwa maa okobu, na mengɔma ɛhɔen biala ngɔwa ɛmɔ so.

Hosea 14:4

Ngɔsa bɛ nahorɛ bɔ benni ne anwonyerɛ, ngofia me kunu ngohuro bɛ dwirɛ, ofikyɛ me yaafɛlɛ ne, maye mafi bɛ so.

Mateo 8:3

Na Yesu tengyɛle ye sa fa hane ye, na ɔhane kyɛ, “Mekuro, wɔ nwo fi!” Na berɛ ne ala ye kwata ne hɔle.

Luka 4:39

Oogyinane ye nwo berɛ, na ɔteateane ɛfokyɛlɛ ne, na otu fili ye nwo; na berɛ ne ala, odwɔsole sole bɛ.

Luka 5:12

Na ɔwale kyɛ, né Yesu wɔ nguro nemɔ ko aso, na biaa bie bɔ kwata ayɛ ye nwo amukoraa ɔ ɔwale berɛ. Onwuni Yesu nen, ɔfale ye nyunu butuli aseɛnwo berɛ srɛle ye kyɛ, “Awurade, sɛ ekuro a, ɛkɔhora kɔma me nwo kofi.”

Luka 5:14

Na ɔberale ye kyɛ nnɛmaa ɔbɔ so kyire ebiala; na osele kyɛ, “Kɔfa wɔ nwo kyire ɔsɔfo, ná tua wɔ nwo bɔ wafi ne nwo ayɛyɛdeɛ, kyɛbɔ Mose hyɛle ne, ná ɔyɛ adanzeɛ ma bɛ.”