Luka 5:12 - AHYERƐLƐ KRONGRON

¹² Na ɔwale kyɛ, né Yesu wɔ nguro nemɔ ko aso, na biaa bie bɔ kwata ayɛ ye nwo amukoraa ɔ ɔwale berɛ. Onwuni Yesu nen, ɔfale ye nyunu butuli aseɛnwo berɛ srɛle ye kyɛ, “Awurade, sɛ ekuro a, ɛkɔhora kɔma me nwo kofi.”

Luka 5:12 Iomraidhean Croise

Gyenesise 18:14

Aso nikyee bie wɔ berɛ bɔ ɔyɛ se ma AWURADE hɔ ɔ? Na mmerɛ bɔ mahyɛ ne, afoɛ bieku bekye sɔa ala, ngosa ngɔwa wɔ wa, na Sara konya baa bienzua.”

1 Ahemvo 18:39

Mmenia ne amukoraa benwuni ye ne, bɛfale bɛ nyunu bebutubutuli ase, na besele kyɛ, “AWURADE te Nyameɛ amba; AWURADE te Nyameɛ amba.”

2 Ahemvo 5:1

Naaman te Siria hene ye koɛhonɛfoɛ so safohene. Né ɔte sona titire bɔ ye mene Siria hene kuro ye dwirɛ ɔ, ofikyɛ ɔnate ye so, AWURADE mane Siria lili ngonim wɔ koɛ nu. Ɔwɔ nu kyɛ né biaa ne te koɛhonɛniɛ titire paa de, nakoso né kwata anwonyerɛ ayɛ ye.

2 Ahemvo 5:27

Ɔnate ye sɔ ti, Naaman kwata anwonyerɛ ne kɔte kɔha wɔ ne wɔ boso ama so afebɔɔ.” Yiti Gehasi fili Elisa nyunu berɛ hɔle bɔ né kwata anwonyerɛ ayɛ ye ma ye nwo ayɛ horaenn kyɛ asukɔtwea ɔ.

2 Ahemvo 7:3

Mmienzua kwatafoɛ nna biemɔ, bɔ né bɛte kuro berɛ pambim ne asi dɔ ɔ, besisele bɛ nwo kyɛ, “Nzu ati yeɛ odi kyɛ yɛtena wa ma ɛhɔen ku yɛ maa yɛwu ɔ?

1 Aberɛso Dwirɛ 21:16

Dawide mane ye ti so, na onwuni AWURADE abɔfo ne kyɛ ogyi nyameɛso ne aseɛ b’afia, bɔ watengyɛ ye ngrandɛ wɔ Yerusalem so ɔ. Na Dawide ne ye mbanyi mɔ bɔ baherahera ɛsɛen tena ɔ, bɛfale bɛ nyunu bebutubutuli berɛ.

Edwein 50:15

Sũ frɛ me wɔ w’amaneɛnwunɛ mmerɛ nu, na ngɔpepɛ ngole wɔ, amaa ɔnate so ahyɛ me animnyam.”

Edwein 91:15

Sɛ osũ frɛ me a, ngotie ye sufrɛ. Ngogyina ye si wɔ ye amaneɛnwunɛ nu; ngɔpepɛ ngole ye, ná mahyɛ ye animnyam.

Ɛksadɔso 4:6

Na AWURADE sá sele ye kyɛ, “Fa wɔ sa wura wɔ hue so.” Ɔfale ye sa wurale ye hue so, na ɔyele ye sa fili ye hue so nen, né kwata ayɛ ye sa ne amaa wayɛ fufue kyɛ asukɔtwea.

Lewitikɔso 13:16

Nakoso sɛ naen monɛ ne sá kakyi yɛ fufue a, odi kyɛ sɔ sona ne ba ɔsɔfo ne berɛ.

Lewitikɔso 9:24

See fili AWURADE berɛ ɔɔyerale naen yeralɛ afɔleɛ ne, ɔne ɛloe bɔ ɔwɔ afɔleɛ bokyea ne aso ne. Mmerɛ bɔ mmenia ne amu benwuni ye ne, bɛteateane nu, na bɛfale bɛ nyunu bebutubutuli ase.

Mateo 26:6

Na mmerɛ bɔ né Yesu wɔ Betania, wɔ Simɔn kwataniɛ n’awuro berɛ nen,

Mateo 9:28

Odwuli awuro nen, anyesiniwaafoɛ nemɔ wale ye berɛ, na Yesu bisale bɛ kyɛ, “Aso ɛmɔde bedi kyɛ ngɔhora ngɔsa ɛmɔ anwonyerɛ?” Na bebuale kyɛ, “Yoo, Awurade.”

Marko 5:23

na ɔsrɛle ye paa kyɛ, “Mma abaayaa pena wu, yiti mesrɛ wɔ, baafa wɔ sa gua ye so maa ɔte apɔ, ná onya ngoa.”

Luka 17:16

na ɔfale ye nyunu butuli ase wɔ Yesu gya bo lale ye ase. Né ye de, ɔte Samarianiɛ.

Luka 5:13

Na Yesu tengyɛle ye sa hane ye, na ɔhane kyɛ, “Mekuro, wɔ nwo fi!” Na berɛ ne ala, kwata ne fili ye nwo.

Deuteronomi 24:8

“Sɛ kwata anwonyerɛ yɛ wɔ a, nikyee biala bɔ Lewifoɛ bɔ bɛte asɔfo ne kohyire wɔ kyɛ ɛyɔ ne, nea kyɛ ɛkɔyɔ ye pɛpɛɛpɛ ɔ; na kyɛbɔ mahyɛ bɛ nen, sɔ ala yeɛ yɔ ɔ.

Hebrifoɛ 7:25

Yiti ɔkora de bɛ bɔ bɛfa ye so bɛba Nyameɛ berɛ ne ngoa bɔkɔɔ; ofikyɛ ɔte ase afebɔɔ, na odi bɛ ti dwirɛ ma bɛ.

Yosua 5:14

Na obuale kyɛ, “Nna nu biala ɔ, na mmom nde AWURADE lɔen so safohene bɔ afei mawa ɔ.” Yosua fale ye nyunu butuli berɛ sɔnene ye, na obisale ye kyɛ, “Me mene, nzikyɛ dwirɛ yeɛ ele ye ma w’akoaa ɔ?”