Luka 4:7 - AHYERƐLƐ KRONGRON

⁷ Sɛ ɛkɔsɔne me a, ye de, ye mukoraa kɔyɛ wɔ deɛ.”

Luka 4:7 Iomraidhean Croise

Edwein 72:11

Maa ahemvo amukoraa bɛkoto wɔ ye nyunu, ná maen maen amukoraa bɛso ye.

Yesaya 45:14

AWURADE nwa nyoo: “Misraim anwonya ne Yitiopia dwaa nningyein, Sabeafoɛ, mmienzua ndendenn, bɛkɔwa wɔ berɛ bɛkɔɔyɛ wɔ deɛ, bekoli wɔ si, bɛkɔwa wɔ berɛ bɔ ngɔnzɔngɔnzɔ gua bɛ ɔ. Bɛkɔkoto wɔ, ná basrɛ wɔ bahã kyɛ, ‘Amba, Nyameɛ gyi wɔ si, ebiala nne berɛ ko, nyameɛ biala nne berɛ bɔ ɔboka ye so ɔ.’ ”

Yesaya 46:6

Mmenia fura sikaa kɔkorɛ befi bɛ bɔtɔ nu, bɛkari ɛdwetɛ wɔ tonyi so, bɛbɔ sikaa kɔkorɛ dwumvoɛ paa maa ɔfa yɔ bosoen, na bebutu berɛ bɛsɔne ye.

Mateo 2:11

Na bɛworole awuro ne anu nen, benwuni adɔma ne ne oni Maria, na bɛkotole bɛsɔnene ye. Afei bɛsangyele bɛ nningyein nu, na bɛhyɛle ye esikaa kɔkorɛ, ayirefona ne korobo.

Luka 17:16

na ɔfale ye nyunu butuli ase wɔ Yesu gya bo lale ye ase. Né ye de, ɔte Samarianiɛ.

Luka 4:6

na osele ye kyɛ, “Ngɔfa tumi he amukoraa ne nu animnyam ngɔma wɔ, ofikyɛ bafa bawura me sa, na mefa mema ebiala bɔ mekuro ɔ.

Luka 4:8

Na Yesu buale ye kyɛ, “[Dwɔso berɛ kɔ dɔ, Satan!] ofikyɛ bahyerɛ kyɛ, Sɔne Awurade wɔ Nyameɛ, na ye ngome twe yeɛ so ye ɔ!’ ”

Luka 8:28

Na mmerɛ bɔ onwuni Yesu nen, ɔteane nu serɛserɛ tole ye nwo yele ye gya bo, na ɔteane nu hane kyɛ, “Yesu, Anwuro Anwuro Nyameɛ n’Awa, nzikyɛ yeɛ me ne wɔ le yɔ ɔ? Mesrɛ wɔ, nnɛteetee me!”

Nyekyire 22:8

Na me, Yohane, yeɛ nwuni nningyein hemɔ, ná ndele ɔ. Na ndele ná nwuni ye nen, mmutuli berɛ wɔ abɔfo bɔ ohyirele me sɔ nningyein hemɔ ne ye gya bo kyɛ mesɔne ye.

Nyekyire 4:10

mbanyi aburanyɔ ne nna nemɔ bɛfa bɛ nyunu bebutubutu bɔ ɔte ahennie bia ne aso ne nyunu berɛ, na bɛsɔne bɔ ɔte ase afebɔɔ ne; na betutu b’abotire nemɔ begua ahennie bia ne nyunu bɛkã kyɛ,

Nyekyire 5:8

Na mmerɛ bɔ olele nwomaa bɔ babobɔ nen, abɔdeɛ teasefoɛ nna ne ne mbanyi aburanyɔ ne nna ne bɛfale bɛ nyunu bebutubutuli ase wɔ Boaen Ba ne nyunu; bɔ bɛ mukoraa betiratira sangoo ne sikaa kɔkorɛ kulie mɔ bɔ ɛyɛɛ, bɔ ɔte anwoteefoɛ mbaeɛ ɔ wayi bɛ tɛkyɛ ɔ.