Luka 4:42 - AHYERƐLƐ KRONGRON

⁴² Na aleɛ hyene ne, ofili berɛ hɔle ɛserɛ so nekaa bie. Na ɛlɔen ne penane ye si atee, na beedwuli ye nwo berɛ nen, né bɛmbena kyɛ bɛyakyi ye maa ɔkɔ.

Luka 4:42 Iomraidhean Croise

Marko 1:45

Nakoso, biaa ne de, ofili berɛ hɔle nen, ɔhyɛle ye bo ɔbɔle edwirɛ ne dawure maa otenele. Na ye sɔ ati, Yesu angora wanye ye nyunu wangɔ kuro biala so ko; na mmom ɔhale ɛserɛ ne aso berɛ, na mmenia fili nekaa biala bɛwale ye berɛ.

Luka 24:29

na bɛsrɛle ye serɛserɛ so kyɛ, “Maa yɛla, na aleɛ adwo, ewienu pinipini.” Yiti ɔne bɛ bɛhɔle awuro kyɛ ɔne bɛ bɛkwaala berɛ.

Luka 6:12

Sɔ mmerɛ ne anu, Yesu hɔle bokaa bie aso ɔɔbɔle mbaeɛ, na kɔngɔen ne amukoraa ɔbɔle mbaeɛ hyirele Nyameɛ.

Yohane 4:34

Na Yesu sele bɛ kyɛ, “M’aleɛ ole kyɛ ngɔyɔ bɔ ɔsomane me n’apɛdeɛ, na ngoyie ye adwuma ne ɔ.

Yohane 4:40

Yiti mmerɛ bɔ Samariafoɛ nemɔ bɛwale ye nwo berɛ nen, bɛsrɛle ye kyɛ ɔtena bɛ berɛ; na olili bɛ nwo berɛ elenyɔ.

Yohane 6:24

Na ɛlɔen ne nwuni kyɛ Yesu nne berɛ, ná ye asuafoɛ nemɔ koso bɛnne berɛ nen, bɛ koso bɛfofole ɛlɛen nemɔ anu bɛhɔle Kapanɔm bɛɛpenane Yesu.