Luka 4:40 - AHYERƐLƐ KRONGRON

⁴⁰ Na eyia kwaatɔ ne, bɛ bɔ bele ayarefoɛ bɔ anwonyerɛ ahoroɔ abɔ bɛ amukoraa, bɛfale bɛ brɛle ye; na ɔfale ye sa guale ebiala so sale bɛ anwonyerɛ.

Luka 4:40 Iomraidhean Croise

Mateo 11:5

anyesiniwaafoɛ nwu nikye, bubuafoɛ nate, kwatafoɛ nwo fi, asotiniwaafoɛ te dwudwolɛ, awufoɛ tingye, na bɛkã nzɛmba ne bekyire ehiafoɛ.

Mateo 14:13

Yesu tele edwirɛ bɔ wasi nen, ɔfale ɛlɛen ofili berɛ hɔle nekaa bie bɔ berɛ te dinn ɔ. Nakoso ɛlɔen ne tele nen, bɛfale ase befili nguro nemɔ aso bɛpole ye.

Marko 3:10

Né wasa mmenia pee anwonyerɛ, na ɔnate sɔ ati, bɛ bɔ bɛnde apɔ amukoraa piane bɛ nwo wii kyɛ bekonya ye nu bɛkɔsɔ ɔ.

Marko 5:23

na ɔsrɛle ye paa kyɛ, “Mma abaayaa pena wu, yiti mesrɛ wɔ, baafa wɔ sa gua ye so maa ɔte apɔ, ná onya ngoa.”

Marko 6:5

Na wangora wanyɔ anwanwadeɛ biala wɔ berɛ, sana ayarefoɛ kãa bie yeɛ ɔfale ye sa guale bɛ so maa bɛ nwo sale ɔ.

Asomafoɛ 19:12

na bɛfale ye nwo duku anaa ye ataadeɛ ngatanyunu po beguale ayarefoɛ so maa bɛtele apɔ, na sunzummɔne tutu fili bɛ nu.

Asomafoɛ 5:15

Na ɔnate bɔ né asomafoɛ nemɔ bɛyɔ ne ati, mmenia soale ayarefoɛ bɛwale dwaaso, na bɛfale bɛ beguale mba ne bɛen so, kyɛbɔ ɔkɔyɛ ná Petro pɛ nu a, ye wawoɛ kɔtɔ bɛ nu bie so ɔ.