Luka 4:36 - AHYERƐLƐ KRONGRON

³⁶ Na ɔyɛle bɛ mukoraa nwanwa, na besisele bɛ nwo kyɛ, “Edwirɛ beni yeɛ ɔte sɔaa ye? Ofikyɛ tumi nu ne anwoserɛ nu yeɛ ɔhyɛ sunzummɔne mɔ maa betutu befi nu ɔ!”

Luka 4:36 Iomraidhean Croise

Mateo 9:33

Yesu tuli sunzummɔne ne nen, emumu ne dwudwole; na ɔyɛle ɛlɔen ne nwanwa maa bɛhane kyɛ, “Yɛnnwuni ɛhe bie le wɔ Yisrael!”

Marko 1:27

Na ɛhe mane bɛ mukoraa bɛ nwo dwirili bɛ, maa ɔnate so bebisabisale bɛ nwo kyɛ, “Nzikyɛ dwirɛ ɛhe? Ngyerɛkyerɛ foforɛ beni ɛhe? Ole tumi hyɛ sunzummɔne mɔ po, na betie ye.”

Marko 7:37

Ɛhe yɛle bɛ nwanwa maa ɔbole so, na bɛhane kyɛ, “Wayɔ nikyee mukoraa yé; ɔma asotiniwaafoɛ po bɛte dwudwolɛ, na ɔma emumu mɔ bedwudwo.”

Luka 2:18

Na edwirɛ bɔ mmoaenneafoɛ nemɔ hane ne, ɔyɛle ebiala bɔ ɔtele ne nwanwa.

Luka 4:32

Ye ngyerɛkyerɛ ne yɛle bɛ nwanwa, ofikyɛ né tumi wɔ ye dwirɛ ne anu.

1 Petro 3:22

Ye yeɛ ɔhɔle nyameɛso ne, na ɔte Nyameɛ sa famaa so; na abɔfo mɔ ne anwoserɛ mɔ ne tumi mɔ babrɛ bɛ nwo ase bawura ye bo.