Luka 4:35 - AHYERƐLƐ KRONGRON

³⁵ Nakoso teateane ye kyɛ, “Mua wɔ noa, ná fi ye nu fite!” Na sunzummɔne ne tele ye fini bɛ nu berɛ, na otu fili ye nu, bɔ wanyɔ ye hwee ɔ.

Luka 4:35 Iomraidhean Croise

Edwein 50:16

Nakoso bɔnefoɛ de, Nyameɛ kã kyire ye kyɛ, “Atee beni yeɛ ele ye kyɛ ɛfa wɔ noa kekã m’ahyɛdeɛ, anaa ɛfa wɔ noa bɔ m’apam so ɔ.

Sakaria 3:2

Yeɛ AWURADE sele Satan kyɛ, “Wɔ, Satan, AWURADE ohwi wɔ nyunu! AWURADE bɔ waneanea nu waye Yerusalem ne, ohwi wɔ nyunu! Ɛhe, aso nna gyetia bɔ baye bafi see nu ɔ?”

Mateo 17:18

Yeɛ Yesu teateane sunzummɔne ne, na ofili ye nu fitele, na akwadaa ne tele apɔ berɛ ne ala.

Mateo 8:26

Na osele bɛ kyɛ, “O ɛmɔ gyidie te kãa, nzu ati yeɛ ɛserɛ ahã ɛmɔ sɔa e?” Afei odwɔsole, na ɔteateane mvrama ne ne asorɔkye ne, na bɛyɛle dinn.

Marko 1:26

Na sunzummɔne ne maa ɔsenzene, ɔteane nu serɛserɛ, na ofili ye nu fitele.

Marko 4:39

Na odwɔsole teateane mvrama ne, na osele ɛpo ne kyɛ, “Yɛ konn, na da berɛ dinn!” Afei mvrama ne yakyili tulɛ, na ɔyɛle dinn paa.

Marko 9:26

Na sunzum ne teane nu, ɔmane akwadaa ne senzene kyeinn, na ofili ye nu fitele. Na akwadaa ne dwole dinn kyɛ sona bɔ wawu ɔ, maa mmeni pee hane kyɛ, “Wawu.”

Luka 11:22

Nakoso sɛ ebie bɔ ye nwo yɛ se tra ye ɔ ɔba ye so ná odi ye so ngonim a, ode ye sa nu akodeɛ bɔ wafa ye nye wato so ne, na ɔkyekyɛ ye koɛ nu nzesadeɛ ne anu.

Luka 4:23

Na Yesu sele bɛ kyɛ, “Ɔnyɛ nwanwa kyɛ ɛmɔkobu anyandera he bekohyire me kyɛ, ‘Safoɛ, sa wɔ nwo anwonyerɛ e! Bɔ yate kyɛ ɛyɔle ye wɔ Kapanɔm nen, yɔ bie wɔ wɔ bɔbɔ wɔ kuro wa e!’ ”

Luka 4:39

Oogyinane ye nwo berɛ, na ɔteateane ɛfokyɛlɛ ne, na otu fili ye nwo; na berɛ ne ala, odwɔsole sole bɛ.

Luka 4:41

Na sunzummɔne mɔ koso betutu befili mmeni pee nu, na bɛteateane nu kyɛ, “Wɔ ole Nyameɛ Awa ne!” Nakoso Yesu teateane bɛ, na wamma bɛ ate ma bandwudwo, ɔnate kyɛ né bɛse kyɛ ye ole Kristo ne.

Luka 8:24

Na bɛhɔle ye nwo berɛ beetingyele ye, na besele kyɛ, “Yɛ mene, Yɛ mene, yawu yayie!” Odwɔsole, na ɔteateane mvrama ne ne asorɔkye wuruwuru ne, na bɛyakyili bɛyɛle dinn.

Luka 9:39

Na hmmm, sunzummɔne bie ba ye so, na ɔtea nu mvum nu, ɔmaa ɔsenze ma ye noa pɛ ahure, ɔha ye paa, na ɔkyɛ koraa né wayakyi ye.

Luka 9:42

Na ɔ́ba nen, sunzummɔne ne tele ye fini, na ɔmaa ɔsenzene. Nakoso Yesu teateane sunzummɔne ne, na ɔsale akwadaa ne anwonyerɛ, na ɔfale ye mane ye baba.

Nyekyire 12:12

Yiti nyameɛso ne ɛmɔ bɔ ɛmɔte nyameɛso ɔ, ɛ́mɔli ahurusi! Nakoso aseɛ ne ɛpo de, bɛ yaakɔ! Ɔnate kyɛ abɔnzam le ɛyaa pirikua wadwu waatoa ɛmɔ wɔ dɔ, ofikyɛ ɔse kyɛ ye mmerɛ aha tikaape bie.”