Luka 4:29 - AHYERƐLƐ KRONGRON

²⁹ Bedwɔsole besumusumuni Yesu befili kuro berɛ, na bɛfale ye bɛhɔle bokaa bɔ bɛkyekyele kuro ne wɔ so ne aso, kyɛ bɛkwaasumu ye ma ye kɔme kɔwɔ berɛ.

Luka 4:29 Iomraidhean Croise

2 Aberɛso Dwirɛ 25:12

Yudafoɛ sa hyehyele Sɛrefoɛ nemɔ apee buru anyekaenn so. Bɛfale bɛ bɛfo bɛhɔle nyɔbotaen tendenn bie aso. Begyili bɛ befili nyɔbotaen ne ati afia beguale ase maa bɛ mukoraa bɛ nu tetele pasapasa.

Edwein 37:14

Bɔnefoɛ twe ye ngrandɛ, na osina ye agyaen mɔ kyɛ ɔfa kã ehiafoɛ ne bɛ bɔ bɛyɛ anwumvo ɔ ogua ase, ná okũkũ teneneefoɛ.

Numeri 15:35

Yeɛ AWURADE sele Mose kyɛ, “Odi kyɛ beku biaa ne; ma mmenia ne amukoraa bɛboro ye nyɔboɛ wɔ asikyeleɛ ne asi dɔ.”

Luka 4:28

Na mmenia mukoraa bɔ né bɛwɔ nyianu sua ne anu berɛ ne, bɛtele sɔ dwirɛ nen, bɛfɛle yaa hahii.

Yohane 8:37

Mese kyɛ ɛmɔte Abraham bosofoɛ, nakoso ɛmɔpena me beku me, ofikyɛ me dwirɛ ne onnya nekaa ndena wɔ ɛmɔ nu.

Yohane 8:40

na afei de, ɛmɔpena me beku me, me bɔ mahã nahorɛ bɔ nde mvili Nyameɛ berɛ mahyire ɛmɔ ne. Abraham de, wanyɔ sɔ!

Yohane 8:59

Yiti bɛsesale nyɔboɛ kyɛ bɛto bɛbɔ ye, na Yesu fale ye nwo feale, na ɔfale mmenia ne anu fili asɔneyɛɛ sua nu berɛ hɔle.

Hebrifoɛ 13:12

Ye sɔ ne ati, Yesu koso nwuni amaneɛ wɔ kuro piri n’anoa ne asi, amaa ɔnate ye bɔbɔ ye mogya so wate adasa mmaa nwo wafi bɛ bɔne nwo.