Luka 4:25 - AHYERƐLƐ KRONGRON

²⁵ Nahorɛ nu, mekã mekyire ɛmɔ kyɛ, Elia aberɛ so bɔ anwuro nu tole afoɛ nza ne bue, bɔ ɛhɔen piri bie wale aseɛ ne aso amukoraa nen, né akunafoɛ mmrasua pee wɔ Yisrael,

Luka 4:25 Iomraidhean Croise

1 Ahemvo 17:1

Tisibeniɛ Elia bɔ ofi Tisibe bɔ ɔwɔ Gileade ne, osele Ahabo kyɛ, “AWURADE Yisrael Nyameɛ teasefoɛ bɔ yeɛ ngyi ye nyunu ne, kyɛbɔ ɔte ase ye de, mekã kyɛ, bosue anaa esue ngɔpe ase afoɛ ye mɔ anu, sana mafa me noa dwirɛ mama ye nwo ate koraka.”

Yesaya 55:8

Ofikyɛ nna m’adwene ole ɛmɔ adwene, yeɛ nna ɛmɔ atee ole m’atee, AWURADE noa dwirɛ ɛne.

Mateo 20:15

Nikyee bɔ me bɔbɔ me deɛ ahɔ ne, asoɛ nnne ye nwo ate kyɛ mefa meyɔ bɔ mekuro anaa? Anaakyɛ, nde paa ti yeɛ wɔ nye aboro ye?’

Luka 10:21

Sɔ mmerɛ ne ala nu, olili ahurusi wɔ Sunzum nu, na ɔhane kyɛ, “Baba, anwuro ne aseɛ Mene, meda wɔ ase kyɛ afa edwirɛ hemɔ afea nworɛfoɛ ne nimdeɛfoɛ, ná aye ahyire ngokwaammaa ɔ. Yoo, Baba, sɔ yeɛ ɔte nikyee bɔ ɔyɛ nyemene wɔ wɔ nyunu ɔ.

Romanfoɛ 9:15

Ofikyɛ ɔhã hyirele Mose kyɛ, “Bɔ ngonwu ye anwumvo ne yeɛ ngonwu ye anwumvoin ɔ, yeɛ bɔ ye nwo kɔyɛ me aworabɔ ne yeɛ ye nwo kɔyɛ me aworabɔ ɔ.”

Romanfoɛ 9:20

Nzaade kuro sona, wɔ ole nwa bɔ ɛne Nyameɛ di nyeyeanoɛ ɔ? Bua ngora mmisa bɔ ɔnwone ye ne kyɛ, “Nzu ati yeɛ ɛnwone me sɔa ɔ?”

Ɛfesofoɛ 1:11

Na ye bɔ ɔyɔ ye nikyee biala kyɛbɔ ye nhyehyɛleɛ ne ye pɛ osi te ne, wafa Kristo so waneanea nu waye yɛ kyɛ yɛyɛ ye deɛ;

Ɛfesofoɛ 1:9

Ofikyɛ wamaa yanwu ye mvealeɛ nu apɛdeɛ, kyɛbɔ ye nhyehyɛleɛ botaeɛ bɔ ɔhyehyɛle ye wɔ Kristo nu ne ɔte ɔ.

Yakobo 5:17

Né Elia te sona kyɛ yɛ ala, na ɔbɔle mbaeɛ serɛserɛ kyɛ nnɛma esue tɔ, na esue andɔ aseɛ so alaa afoɛ nza ne bosome nzia.

Nyekyire 11:6

Bele tumi kyɛ bɛto ewienu nu, bɔ esue ndɔ wɔ mmerɛ bɔ bɛhyɛ ngɔm ɔ; yeɛ bele nzue mɔ so tumi kyɛ bɛmaa bɛkakyi mogya, ɔne tumi bɔ ɔmaa bɛfa ɛhawo biala bɛto aseɛ so, mmerɛ pee biala bɔ bekuro ɔ.