Luka 4:22 - AHYERƐLƐ KRONGRON

²² Na bɛ mukoraa bɛhane edwirɛ paa bɛfale Yesu nwo, na ye noa dwirɛ bɔ ɔte adom dwirɛ ne ɔyɛle bɛ nwanwa; nakoso bebisale kyɛ, “Aso nna Yosef awa ne ɛhe anaa?”

Luka 4:22 Iomraidhean Croise

Edwein 45:2

Wɔ nwo yɛ nyemene tra sona biala; wɔ noa dwirɛ yɛ fɛ, yiti Nyameɛ ayira wɔ afebɔɔ.

Edwein 45:4

Kɔ so di ngonim wɔ w’ahennie animnyam nu, ɔnate nahorɛlilɛ, anwobrɛaseɛ ne tenenee ti; wɔ nningyein suronyisuronyi nemɔ, ma wɔ sa famaa ne ohyirehyire wɔ.

Anyandera 10:32

Teneneeniɛ ye noa se edwirɛ bɔ bɛkã a ɔtɔ asoɛ nu ɔ, nakoso bɔnefoɛ noa de, ɔkã nnakannaka dwirɛ.

Anyandera 16:21

Sona bɔ ɔyɔ ye nningyein nworɛ nu ne, bɛfrɛ ye badwemma, yeɛ sɛ sona noa dwirɛ yɛ fɛ a, ɔma mmenia nya nikyeesualɛ nu ngɔsoɛ.

Anyandera 25:11

Ɛkã edwirɛ wɔ mmerɛ bɔ ɔfata nu a, ɔte kyɛ sikaa kɔkorɛ bɔ bafa bali adwii bagua ɛdwetɛ nu ɔ.

Nworɛ Dwirɛhanɛniɛ 10:12

Nworɛniɛ noa dwirɛ maa onya animnyam, nakoso kwaseaa de, ye noa dwirɛ maa onya dwirɛ.

Edwein Nu Dwein 5:16

Ye noa dwudwolɛ yɛ fɛ paa, ye nwo nekaa biala yɛ nyemene. Ao Yerusalem ndaluwa, me kurofoɛ ne, me damvo ne, ye ɛne.

Yesaya 50:4

AWURADE Nyameɛ ama me suaniɛ ye noa bɔ bɛfa bedwudwo ɔ, kyɛ nwu edwirɛ bɔ ɔfata ɔ, bɔ ngɔhã ngɔkyekye sona bɔ wafɛ ɔ ye wora ɔ. Ngyerɛmɔ biala, otingye me maa me so te dwirɛ, kyɛ mva ndie, kyɛ bɛ bɔ banya nimdeɛ ne ala.

Luka 2:47

Na bɛ bɔ betiele ye ne amukoraa, ye nworɛ ne ye mmuayɛɛ ne yɛle bɛ nwanwa.

Luka 2:48

Na benwuni ye nen, bɛ nwo dwirili bɛ, na ye maame sele ye kyɛ, “Mma, nzikyɛ dwirɛ yeɛ afa ali yɛ sɔa ye? Tie, me ne wɔ baba yɛle ahunundetelɛ yeɛ yapena wɔ ɔ.”

Luka 21:15

ofikyɛ me yeɛ ngɔma ɛmɔ noa ne nworɛ, bɔ ɛmɔ pɔfoɛ amukoraa bɛngɔhora ngotu ngogua anaa bɛngɔhora ngogyina ye noa ɔ.

Luka 4:21

Na ɔhyɛle ye bo sele bɛ kyɛ, “Ɛnɛ kyẽa ye, Ahyerɛlɛ he awa nu maa ɛmɔate.”

Yohane 1:45

Filipo nwuni Nataneɛl, na osele ye kyɛ, “Bɔ Mose, wɔ mmeraa ne anu, ɔne bɔ ngɔmhyɛlɛfoɛ bɛhyerɛle ye nwo dwirɛ ne, yanwu ye: Yesu bɔ ofi Nasarɛte, Yosef awa ne.”

Yohane 6:42

Na bɛhane kyɛ, “Aso nna ɛhe ole Yesu, Yosef awa ne, bɔ yɛse ye baba ne ye maame ɔ? Ɔyɛle sɛɛ bɔ afei ɔkã kyɛ, ‘Mvi nyameɛso yeɛ mmale ase ɔ?’ ”

Yohane 7:46

Na asomvoɛ nemɔ buale kyɛ, “Sona biala nne berɛ bɔ wadwudwo kyɛ biaa he ɔ le!”

Asomafoɛ 6:10

Nakoso bangora bangyina nworɛ ne sunzum bɔ Setefano fa dwudwole ne noa.

Tito 2:8

edwirɛ paa bɔ bengonya ye nwo dwirɛ bɛngɔhã ɔ; amaa ɔnate so ebiala bɔ ɔne wɔ bɛnyɛ adwene ne ye nyunu agua ase, bɔ ongonya yɛ nwo dwirɛ tɛɛ biala ngɔhã ɔ.