Luka 4:18 - AHYERƐLƐ KRONGRON

¹⁸ “Awurade Sunzum wɔ me so, ɔnate kyɛ wapopa me ngoo kyɛ nga nzɛmba ne ngyire ehiafoɛ. Wasoma me kyɛ mmɔ fawɔnwodi nwo dawure ngyire bɛ bɔ bahye bɛ nnure ɔ, ɔne nikyee nwunɛ nwo dawure ngyire anyesiniwaafoɛ, kyɛ mma bɛ bɔ bɛwɔ nhyɛsoɛ nu ɔ bɛfa bɛ nwo beli,

Luka 4:18 Iomraidhean Croise

Gyenesise 3:15

Ngɔfa ɛpɔen ngɔto wɔ ne braa n’afia, yeɛ wɔ boso ama ne ye boso ama b’afia; ɔkɔgyerɛgyerɛ wɔ ti, na wɔ wora aha ye gya si.”

2 Aberɛso Dwirɛ 34:27

mmerɛ bɔ ɛtele ye dwirɛ bɔ ɔhã fale maen he ɔne nu ama nwo ne, ɔnate kyɛ enuni wɔ nwo ná ɛbrɛle wɔ nwo ase wɔ Nyameɛ nyunu, ná abrɛ wɔ nwo ase wɔ me nyunu, asunzua wɔ ndaadeɛ nu, ná asu wɔ me nyunu ne ati, me koso mate bɔ ahã ne; AWURADE noa dwirɛ ɛne.

Edwein 102:20

kyɛ okotie kukunufoɛ bɛ penenɛ, kyɛ ɔkɔpepɛ kole bɛ bɔ bɛbaahu bɛ ɔ,

Edwein 147:3

Ɔkyekye bɛ bɔ bɛ wora abɔ ɔ wora, na ɔteta bɛ ngena nu.

Edwein 2:2

Aseɛ ye aso ahemvo boaboa bɛ nwo, na maenbulɛfoɛ bɛbɔ nu bɛfa adwene betia AWURADE ne bɔ AWURADE wapopa ye ngoo ne kyɛ,

Edwein 2:6

“Me AWURADE, me bɔbɔ, masi me hene mafa ye matena me bokaa krongron Sion so.”

Edwein 34:18

AWURADE pingye bɛ bɔ bɛ wora abɔ ɔ, na ɔpepɛ de bɛ bɔ bɛ kra aboto ɔ.

Edwein 45:7

Ekuro tenenee, na ekyi amumuyɛɛ. Ɛhe ati yeɛ Nyameɛ, wɔ Nyameɛ ne, wafa anika ngoo wapopa wɔ maa wabo wɔ mmango mɔ deɛ so ɔ.

Edwein 51:17

Afɔleɛ bɔ Nyameɛ nye gye ye nwo ole ahone bɔ wabrɛ ye nwo ase ɔ; ao Nyameɛ, ahone bɔ wabrɛ ye nwo ase, ná ye wora abɔ de, ɛngɔpo.

Yesaya 32:3

Bɛ bɔ benwu nikyee ne, bɛ nye so ngɔyɛ bɛ wusiwusi, yeɛ bɛ bɔ bɛte dwirɛ ne, bɛ koso bekotie.

Yesaya 35:5

Na ɛhe kɔma anyesiniwaafoɛ bɛ nye kɔte, asotiniwaafoɛ bɛ so kɔte dwirɛ;

Yesaya 42:7

kyɛ, ɛ́tete anyeɛ mɔ bɔ basi ɔ, kyɛ ɛ́ye kukunufoɛ efi kuku nu, ɔne kyɛ ɛ́ye bɛ bɔ bɛte awosii nu ɔ efi kuku nu.

Yesaya 45:13

Me yeɛ makanyane ye wɔ tenenee nu ɔ, na ngɔtengyɛtengyɛ ye atee amukoraa, ye yeɛ ɔkɔkyekye me kuro ne ɔ, na ye yeɛ ɔkɔyakyi me mmenia bɔ bahye bɛ nnure ne ate maa bekosa bɛkɔhɔ, bɔ ongole bɛ ti nyɔboɛ anaa akyɛdeɛ biala ɔ,” Asafo AWURADE noa dwirɛ ɛne.

Yesaya 49:9

ná ɛkã kyire kukunufoɛ kyɛ, ‘Ɛ́mɔfite bɛbra!’ ɔne bɛ bɔ bɛwɔ awosii nu kyɛ, ‘Ɛmɔbra pandann nu!’ Atee nemɔ noa yeɛ bekodidi ɔ, na pambaa amukoraa bɔ so te pralaa ne, bekonya aleɛ wɔ so.

Yesaya 50:4

AWURADE Nyameɛ ama me suaniɛ ye noa bɔ bɛfa bedwudwo ɔ, kyɛ nwu edwirɛ bɔ ɔfata ɔ, bɔ ngɔhã ngɔkyekye sona bɔ wafɛ ɔ ye wora ɔ. Ngyerɛmɔ biala, otingye me maa me so te dwirɛ, kyɛ mva ndie, kyɛ bɛ bɔ banya nimdeɛ ne ala.

Yesaya 57:15

Ofikyɛ Anwuro Anwuroniɛ ne, bɔ ɔwɔ berɛ afebɔɔ, bɔ ye dumaa ole Krongron ne, ɔnwa nyoo: “Anwuro ne nekaa krongron berɛ yeɛ nde ɔ, na sona bɔ wanya nnuhoɛ ne anwobrɛaseɛ ne, me ne ye yeɛ yɛte ɔ, amaa ɔnate so mama anwobrɛaseɛfoɛ bɛ sunzum anya ngoa, ná mama bɛ bɔ banya nnuhoɛ ne b’ahone anya ngoa.

Yesaya 59:21

“Na me de, m’apam bɔ me ne bɛ yayɛ hɔ ɛne, AWURADE noa dwirɛ ɛne: Me sunzum bɔ ɔwɔ wɔ so, yeɛ me dwirɛ bɔ mafa matua wɔ noa ne, ɛngɔyakyi ye hanɛ, wɔ bosofoɛ ngɔyakyi ye hanɛ, yeɛ wɔ bosofoɛ bɛ bosofoɛ ngɔyakyi ye hanɛ, ofi ɛnɛ bɔ ɔkwaadwu afebɔɔ ɔ, AWURADE noa dwirɛ ɛne.”

Yesaya 61:1

AWURADE Nyameɛ Sunzum wɔ me so, ɔnate kyɛ AWURADE apopa me ngoo kyɛ nga nzɛmba ngyire bɛ bɔ bɛyɛ anwumvo ɔ; wasoma me kyɛ mmangyekye bɛ bɔ bɛ wora abɔ ɔ bɛ wora, kyɛ nga ngyire bɛ bɔ bahye bɛ nnure ɔ kyɛ banya fawɔnwodi, ɔne bɛ bɔ babɔ bɛ panwu ɔ kyɛ bayakyi bɛ;

Yesaya 66:2

Ɛhemɔ amukoraa mafa me sa yeɛ mayɔ ɔ, yiti ɛhemɔ amukoraa bɛte me deɛ, AWURADE noa dwirɛ ɛne. Nakoso sona bɔ ɔte sɔaa yeɛ mepena ɔ: bɔ ɔbrɛ ye nwo ase ná onya sunzum nu anwobrɛaseɛ ɔ, ɔne bɔ ɔfa anidie ma me dwirɛ ɔ.

Hesekiel 9:4

Na AWURADE sele ye kyɛ, “Kohyini Yerusalem kuro ne anu, na mmenia bɔ ɔnate akyiwadeɛ bra mukoraa bɔ ɔkɔ so wɔ kuro ne anu ti bedi aworabɔlɛ ne yealɛ ne, hyɛ bɛ nzorɛ wɔ bɛ nwoma so.”

Daniel 9:24

“Bahyɛ afoɛ aburasoo sɔ alaa nzoo bafa wɔ maen ne wɔ kuro krongron ne anwo, kyɛ bɛ́ma mmeraatolɛ ne ɔbra ayieleɛ, ná bétu bɔne bo, kyɛ bɛ́yɛ amumuyɛɛ nwo mbata, ná bɛ́ma tenenee afebɔɔ ɔbra ɔ, ná bɛ́ma nyekyire ne ne ngɔmhyɛlɛ ne ɔbra nu, ná bɛ́popa nekaa krongron paa ne ngoo.

Sefania 3:12

Anwumvoin mmenia ne awiɛmvoɛ mmenia yeɛ ngɔmaa bɛkɔha wɔ wɔ nu ɔ, na AWURADE dumaa yeɛ bɛkɔfa bɛ wora bekowura nu ɔ.

Sakaria 11:11

Yiti nu pɛle sɔ kyẽa ne, na mmoaen kure ne anu biemɔ bɔ né bɛyɛ anwumvo, bɔ né bɛ nye tua me ne, benwuni kyɛ AWURADE noa dwirɛ ɛne.

Malaki 4:2

Nakoso ɛmɔ bɔ ɛmɔsuro me dumaa ne de, tenenee eyia bɔ anwonyerɛsalɛ wɔ ye ndaa nu ɔ okopukye kɔma ɛmɔ; na ɛmɔkofite bekohuru bɛkɔpepe kyɛ nandwie akrɔngrɔma mɔ bɔ babukye bɛ bafi bɛ tuin nu ɔ.

Mateo 11:5

anyesiniwaafoɛ nwu nikye, bubuafoɛ nate, kwatafoɛ nwo fi, asotiniwaafoɛ te dwudwolɛ, awufoɛ tingye, na bɛkã nzɛmba ne bekyire ehiafoɛ.

Mateo 12:18

“Tie, Ɛhe ole me somvoɛ bɔ maneanea nu maye ye ne, bɔ mekuro ye dwirɛ, bɔ me kra nye gye ye nwo paa ne. Ngɔfa me Sunzum ngogua ye so, na ɔkɔbɔ ndɛen turoloo nwo dawure kohyire Amaenmaensofoɛ.

Mateo 12:20

Elemmire bɔ ɔte fɛngyɛfɛngyɛ ne, ongobu nu, yeɛ kanea nyamaa bɔ ogye monɛɛmonɛɛ ne, ongonua ye, maa okoodwu kyɛ okobua ndɛen turoloo ngonim nu ɔ;

Mateo 4:16

maen bɔ ɔte awosii nu ne, wanwu kanea hyireinn; na bɛ bɔ bɛte ewue aseɛ awosii kabii so ne, kanea bie apukye ama bɛ.”

Mateo 5:3

“Sunzum nu ehiafoɛ banya saleɛ, ofikyɛ bɛ yeɛ nyameɛso ahennie ne te bɛ deɛ ɔ.

Luka 4:17

Bɛfale ngɔmhyɛlɛniɛ Yesaya nwomaa ne bɛmane ye; na obukyele nwomaa ne anu nwuni nekaa bɔ bahyerɛ ye kyɛ,

Luka 6:20

Na Yesu mane ye nye so neane ye asuafoɛ nemɔ, na osele kyɛ, “Ɛmɔ, ehiafoɛ, ɛmɔanya saleɛ, ofikyɛ ɛmɔ yeɛ Nyameɛ ahennie ne ɔte ɛmɔ deɛ ɔ!

Luka 7:22

Yeɛ Yesu buale ɛbɔfoɛ nemɔ kyɛ, “Ɛmɔhɔ bɛɛhã bɔ ɛmɔanwu ye, ɔne bɔ ɛmɔate ɔ behyire Yohane, kyɛ anyesiniwaafoɛ benwu nikye, mmubuafoɛ bɛnate, kwatafoɛ nwo fi, asotiniwaafoɛ bɛte dwudwolɛ, awufoɛ betingye, na nzɛmba ne, bɛkã bekyire ehiafoɛ.

Yohane 1:41

Olili moa nwuni oliɛma Simɔn, na osele ye kyɛ, “Yanwu Mɛsaya ne” (bɔ ye bo kyire Kristo ne).

Yohane 12:46

Mawa wiase kyɛ kanea, na ebiala bɔ ode me di ne, ɔngɔtena awosii nu.

Yohane 3:34

Na bɔ Nyameɛ asoma ye ne, ɔkã Nyameɛ dwirɛ, ofikyɛ Nyameɛ fa Sunzum ne ɔma mmorosoɛ.

Asomafoɛ 10:38

kyɛbɔ Nyameɛ fale Sunzum Krongron ne tumi popale Yesu bɔ ofi Nasarɛte; kyɛbɔ ohyinihyini yɛlɛ paa, ɔsale bɛ bɔ abɔnzam hyɛ bɛ so amukoraa anwonyerɛ ɔ, ofikyɛ Nyameɛ boka ye so.

Asomafoɛ 26:18

Memaa ekobukye bɛ nye, ná ɛye bɛ fi awosii nu ba kanea nu, na ɛye bɛ fi Abɔnzam tumi bo ɛfa bɛ ba Nyameɛ berɛ; amaa banya bɔnefakyɛ, ne tenaberɛ wɔ bɛ bɔ bafa bɛ gyidie bɔ ɔwɔ me nu bate bɛ nwo nemɔ anu.’

Asomafoɛ 4:26

Aseɛ so ahemvo mɔ besiesie bɛ nwo bɛma koɛ, na atitirefoɛ beyia neka horɛ bedwɔso betia Awurade ne ye Kristo ne.’

Asomafoɛ 4:27

Ɔte nahorɛ, Herode ne Pontio Pilato ne Amaenmaensofoɛ ne Yisrael maen beyiale sɔ kuro he anu bɛbɔle wɔ Ɛwa Krongron Yesu bɔ apopa ye ngoo ne ti so porɛ.

Kolosefoɛ 1:13

Wapepɛ wale yɛ wafi awosii tumi nu, na waasikye yɛ wɔ Ɔwa bɔ okuro ye dwirɛ n’Ahennie nu;

Yakobo 2:5

Nniɛma mɔ bɔ ɛmɔla m’ahone nwo ɔ, ɛ́mɔtie! Aso Nyameɛ ɔnneneane nu ɔyyele wiase ahiafoɛ kyɛ bɛyɛ gyidie nu anwonyafoɛ, ná benya agyapadeɛ wɔ ahennie ne anu, ahennie bɔ wafa wahyɛ bɛ bɔ bekuro ye dwirɛ ne bɔ ne?

1 Petro 2:9

Nakoso ɛmɔ de, ɛmɔte mmenia bɔ baneanea nu baye ɛmɔ ɔ, nnehyeɛ asɔfokure, maen krongron, maen bɔ wafa ye wayɛ ye deɛ ɔ, kyɛ ɛmɔɔbɔ bɔ ɔfrɛle ɛmɔ fili awosii nu wale ye kanea bɔ ɔyɛ nwanwa ne anu ne, ye ayɛyelɛ ne dawure.