Luka 4:17 - AHYERƐLƐ KRONGRON

¹⁷ Bɛfale ngɔmhyɛlɛniɛ Yesaya nwomaa ne bɛmane ye; na obukyele nwomaa ne anu nwuni nekaa bɔ bahyerɛ ye kyɛ,

Luka 4:17 Iomraidhean Croise

Luka 16:29

“Nakoso Abraham buale ye kyɛ, ‘Bele Mose ne ngɔmhyɛlɛfoɛ nemɔ wɔ dɔ; odi kyɛ betie bɛ!’

Luka 20:42

Ɔnate kyɛ Dawide bɔbɔ kã ye wɔ Edwein Nwomaa ne anu kyɛ, ‘Awurade sele me Mene kyɛ, Tena me sa famaa so,

Luka 4:16

Yesu hɔle Nasarɛte, nekaa bɔ bɛtetele ye ne; na afofikyẽa ne, kyɛbɔ ɔyɔ ye daa ne, ɔhɔle nyianu sua nu. Na odwɔso gyinane berɛ kyɛ ɔbaakenga.

Luka 4:18

“Awurade Sunzum wɔ me so, ɔnate kyɛ wapopa me ngoo kyɛ nga nzɛmba ne ngyire ehiafoɛ. Wasoma me kyɛ mmɔ fawɔnwodi nwo dawure ngyire bɛ bɔ bahye bɛ nnure ɔ, ɔne nikyee nwunɛ nwo dawure ngyire anyesiniwaafoɛ, kyɛ mma bɛ bɔ bɛwɔ nhyɛsoɛ nu ɔ bɛfa bɛ nwo beli,

Luka 4:20

Yesu bobɔle nwomaa ne, ɔfa mane somvoɛ ne, na ɔtenane ase; na bɛ bɔ bɛwɔ nyianu sua nu berɛ amukoraa betuli bɛ nye beguale ye so.

Asomafoɛ 13:15

Mmerɛ bɔ ebie kengale Mose mmeraa ne ɔne ngɔmhyɛlɛfoɛ nwomaa ne yiele nen, nyianu sua ne anu mbanyi bisale Pɔɔlo ne Banaba kyɛ, “Aliɛmaa mɔ, sɛ ɛmɔle foɛtulɛ dwirɛ bie bɛma mmenia ne a, ɛmɔhã.”

Asomafoɛ 13:27

Na ɔnate kyɛ bɛ bɔ bɛwɔ Yerusalem ne bɛ mbanyi mɔ bammu Yesu kyɛ ye ole Ngoadefoɛ ne, ná afei ngɔmhyɛlɛfoɛ dwirɛ bɔ bɛkenga ye afofikyẽa biala ne bande ye bo ne ati, bebuale ye ewue foɛ mane edwirɛ nemɔ wale nu.

Asomafoɛ 7:42

Yiti Nyameɛ yele ye nye, na ɔyele bɛ mane kyɛ bɛsɔne nyameɛso nzramaa, kyɛbɔ bahyerɛ ye wɔ ngɔmhyɛlɛfoɛ nwomaa ne anu kyɛ, ‘O Yisrael awuro ama! Afoɛ aburanna bɔ ɛmɔlili ye wɔ ɛserɛ so ne, aso ɛmɔfale ngaka ne aleɛ bɛbɔle afɔleɛ bɛmane me?