Luka 24:5 - AHYERƐLƐ KRONGRON

⁵ Na ɛserɛ hane bɛ maa bɛfale bɛ nyunu bebutubutuli berɛ. Na mmienzua nemɔ bisale bɛ kyɛ, “Nzu ati yeɛ ɛmɔpena teasefoɛ wɔ awufoɛ nu ɔ?

Luka 24:5 Iomraidhean Croise

Daniel 10:16

Na yieee, ebie bɔ ɔte kyɛ mmenia mmaa sɛso ɔ ɔfale ye sa hane me noa, na mmukyele me noa ndwudwole. Na nzele bɔ ogyi me nyunu berɛ ne kyɛ, “O me mene, nyekyire ne ama me nwo ngaka atu amini, na mabɔ fuin.

Daniel 10:19

Na osele me kyɛ, “O, wɔ bɔ Nyameɛ kuro wɔ dwirɛ paa ɔ, nnɛsuro, asomdwee hã wɔ, gyina pindinn, ná ma w’ahone yɛ se.” Na odwudwo hyirele me nen, me nwo yɛle me se, na ngane kyɛ, “Me mene, dwudwo, ofikyɛ ama me nwo ayɛ me se.”

Luka 1:29

Na edwirɛ ne hale ye paa, na ɔdwenene ye nwo kyɛ, “Nzikyɛ ahyebisalɛ ɛhe?”

Luka 24:4

Na ɔwale kyɛ, ɛhe maa bɛyɛle basaa, na mvum nu, mmienzua nyɔ bɔ bɛ ndaadeɛ te fufue hyɛnhyɛnn ɔ beegyinane bɛ nwo berɛ.

Luka 24:6

[Ɔnne wa, watingye.] Ɛ́mɔkaye bɔ ɔhã hyirele ɛmɔ ne, mmerɛ bɔ né ɔwɔ Galilea ne,

Asomafoɛ 2:24

Nakoso Nyameɛ tingyele ye; olele ye fili ewue sa nu, ofikyɛ ɔyɛ se ma ewue kyɛ okonya ye so tumi ɔ.

Hebrifoɛ 7:8

Na ɛwa, mmenia bɔ bewu ɔ yeɛ bede buru nu ngyɛmuɛ ko ne ɔ; nakoso dɔ de, bɔ bedi ye nwo adanzeɛ kyɛ ɔte ase ne yeɛ ode ɔ.

Nyekyire 1:18

ɔne bɔ ɔte ase ne. Nwuli, na tie, nde ase afebɔɔ, na ndira ewue ne ɛborɔ nzafoaa.

Nyekyire 2:8

“Kyerɛ kɔma Simina asɔre ne anu abɔfo ne kyɛ: Bɔ ɔte ahyɛaseɛ ne ayieleɛ, bɔ owuli ná osa te ase ne, ye noa dwirɛ ɛhe: