Luka 24:32 - AHYERƐLƐ KRONGRON

³² Na besisele bɛ nwo kyɛ, “Mmerɛ bɔ né ɔne yɛ di ngɔmɔ wɔ atunu dɔ, bɔ né okyirekyire Ahyerɛlɛ ne anu kyire yɛ ne, aso yɛ kunu anyɛ yɛ nufaa?”

Luka 24:32 Iomraidhean Croise

Edwein 104:34

Mesrɛ kyɛ ɔma bɔ medwene ye nwo ne ɔsɔ ye nye, ofikyɛ AWURADE nu yeɛ medi ahurusi ɔ.

Edwein 39:3

Edwirɛ ne yɛle me ateetee, na medwenedwene ye nwo ne, ɔhɔle so yɛle me ateetee, na afei ndele me noa ngane kyɛ,

Anyandera 27:17

Bɛfa buralɛ yeɛ besi buralɛ ɔ, na sɔ ala yeɛ sona ma sona adwene nu bukye ɔ.

Anyandera 27:9

Kyɛbɔ sakyeɛfona ne ayirefona ma sona nye gye ne, sɔ ala yeɛ adamvoa nu fɛɛ, bɔ ɔte foɛtulɛ paa bɔ ɔfa ma wɔ te ɔ.

Yesaya 50:4

AWURADE Nyameɛ ama me suaniɛ ye noa bɔ bɛfa bedwudwo ɔ, kyɛ nwu edwirɛ bɔ ɔfata ɔ, bɔ ngɔhã ngɔkyekye sona bɔ wafɛ ɔ ye wora ɔ. Ngyerɛmɔ biala, otingye me maa me so te dwirɛ, kyɛ mva ndie, kyɛ bɛ bɔ banya nimdeɛ ne ala.

Yeremia 15:16

Nwuni wɔ dwirɛ ne, na ɔyɛle m’aleɛ, wɔ dwirɛ ne yɛle me anika, na ɔma m’ahone tɔle me kunu ofikyɛ wɔ, AWURADE Asafo Nyameɛ, wɔ dumaa yeɛ ɔla me so ɔ.

Yeremia 20:9

Sɛ mekã kyɛ, “Mengɔkaye ye ko, anaa mengodwudwo wɔ ye dumaa nu ko” a, né ye dwirɛ ne ayɛ m’ahone nu kyɛ see bɔ ogye wɔ me mmowue nu ɔ. Mahyɛ me nwo so mafɛ, nakoso mengora.

Yeremia 23:29

Me dwirɛ ne, aso ɔtte kyɛ see? AWURADE noa dwirɛ ɛne. Anaa ɔtte kyɛ bɔsobaka bɔ obubu nyɔbotaen nu ɔ?

Marko 4:34

Anyandera ngome nu yeɛ odwudwo hyirele bɛ ɔ, nakoso sɛ né ɔka ye ne ye asuafoɛ nemɔ ngome de a, okyirekyire bɛ ye mukoraa bo.

Luka 24:45

Afei obukyele b’adwene nu maa bɛtele Ahyerɛlɛ ne abo.

Yohane 6:63

Sunzum ne yeɛ ɔma ngoa ɔ; na anwoɔnaen ne de, ɔtte huu. Edwirɛ bɔ mahã mahyire ɛmɔ ne, ɔte sunzum ne ngoa.

Asomafoɛ 28:23

Bɛ ne Pɔɔlo hyɛle kyẽa, na kyẽa ne dwuli ne, mmeni pee wale ye berɛ wɔ nekaa bɔ ɔte ne. Ɔhane Nyameɛ ahennie ne nwo dwirɛ, na ohyirehyirele nu hyirele bɛ. Na ɔfale Mose mmeraa ne ngɔmhyɛlɛfoɛ dwirɛ ne hyirele bɛ Yesu nwo dwirɛ tonn fite ngyerɛmɔ ma aleɛ dwole.

Hebrifoɛ 4:12

Ɔnate kyɛ Nyameɛ dwirɛ ne te ase na anwoserɛ wɔ nu, na ɔyɛ nna tra sɛpɔ biala. Ɔpɛ tonn kɔworo ɛkra ne sunzum b’afia, sona aporɛ so ne ye bowue nu fonyi b’afia, na ɔpɛnzɛpɛnze ahone ne adwene nu nzusuleɛ mukoraa nu.