Luka 24:30 - AHYERƐLƐ KRONGRON

³⁰ Na ɔwale kyɛ ɔne bɛ bɛtenane poen nwo kyɛ bedidi nen, ɔfale paanoo ne, oyirale so, na obubuli nu fa mane bɛ.

Luka 24:30 Iomraidhean Croise

Mateo 14:19

Afei ɔmane ɛlɔen ne bɛtenatenane ase wɔ ɛserɛ ne aso. Na ɔfale paanoo nnu ne tiré nyɔ ne, ɔtole ye nye neane nyameɛso, oyirale so, obubuli nu, na ɔfale paanoo ne mane ye asuafoɛ nemɔ, na asuafoɛ nemɔ koso bɛfa bɛmane ɛlɔen ne.

Mateo 15:36

Afei ɔfale paanoo nzoo ne ne tiré ne, ɔlale ase, na obubuli nu, ɔfa mane ye asuafoɛ nemɔ, na asuafoɛ nemɔ koso bɛfa bɛmane ɛlɔen ne.

Mateo 26:26

Bɛwɔ so bɔ bedidi nen, Yesu fale paanoo, oyirale so, obubuli nu, ɔfa mane asuafoɛ nemɔ, na ɔhane kyɛ, “Ɛ́mɔle beli; ɛhe te me nwonaen.”

Marko 14:22

Na bedidi nen, Yesu fale paanoo, oyirale so, obubuli nu, ɔfa mane bɛ, na osele kyɛ, “Ɛmɔle, ɛhe te me nwonaen.”

Marko 6:41

Afei Yesu fale paanoo nnu ne tiré nyɔ ne, ɔtole ye nye neane nyameɛso, anwuro, oyirale so, obubuli paanoo ne anu, na ɔfa mane ye asuafoɛ nemɔ kyɛ bɛhyɛ bɛma mmenia ne. Na ɔhyɛle tiré nyɔ ne koso mane bɛ mukoraa.

Marko 8:6

Yeɛ ɔmane ɛlɔen ne bɛtenatenane ase. Na ɔfale paanoo nzoo ne, ɔlale ase, obubuli nu, na ɔfa mane ye asuafoɛ nemɔ kyɛ bɛhyɛ bɛma bɛ, na bɛ koso bɛhyɛ bɛmane ɛlɔen ne.

Luka 22:19

Afei ɔfale paanoo, ɔlale ase, obubuli nu fa mane bɛ, na ɔhane kyɛ, “Ɛhe te me nwonaen bɔ ɛmɔ ti bɛ́fa bɛ́ma ɔ; ɛ́mɔyɔ he bɛ́fa bɛ́kaye me.”

Luka 24:29

na bɛsrɛle ye serɛserɛ so kyɛ, “Maa yɛla, na aleɛ adwo, ewienu pinipini.” Yiti ɔne bɛ bɛhɔle awuro kyɛ ɔne bɛ bɛkwaala berɛ.

Luka 24:35

Yeɛ mmenia nyɔ ne bɛhane bɔ osili atunu dɔ ne, ɔne kyɛbɔ bɛfale paanoo bubulɛ ne anu benwuni kyɛ ye ahɔ ɔ behyirele bɛ.

Luka 9:16

Yeɛ Yesu fale paanoo nnu ne tiré nyɔ ne, ɔtole ye nye neane nyameɛso, oyirale so, obubuli nu, na ɔfa mane asuafoɛ nemɔ kyɛ bɛhyɛ bɛma ɛlɔen ne.

Yohane 6:11

Na Yesu fale paanoo ne, ɔlale ase, na ɔhyɛ mane bɛ bɔ bɛtete berɛ ne; na sɔ ala yeɛ ɔyɛle tiré ne koso ɔ, somaa biala bɔ behia ɔ.

Asomafoɛ 2:42

Na betuli bɛ nwo besiele berɛ besuane asomafoɛ nemɔ ngyerɛkyerɛ ne b’abiɛngoɛfalɛ ne paanoobubulɛ ne mbaeɛbɔlɛ.

Asomafoɛ 2:46

Na alehyeleɛ biala, beyiale asɔneyɛɛ sua nu ngabonu nu, belili adi wɔ b’awuro mɔ nu, na bɛfale anigye ne ahone bɔ nu te ɔ bedidili;

Asomafoɛ 27:35

Na ɔhane sɔ dwirɛ nen, ɔfale paanoo, ɔlale Nyameɛ ase wɔ bɛ mukoraa bɛ nyunu berɛ, obubuli nu, na ɔhyɛle ye bo didili.