Luka 24:27 - AHYERƐLƐ KRONGRON

²⁷ Na ɔhyɛle ye bo fili Mose ne ngɔmhyɛlɛfoɛ ne amukoraa so ohyirehyire Ahyerɛlɛ ne amukoraa nu dwirɛ bɔ ɔfa ye nwo ɔ nu hyirele bɛ.

Luka 24:27 Iomraidhean Croise

Gyenesise 12:3

Ngoyira bɛ bɔ beyira wɔ, na ebiala bɔ ɔnoma wɔ ne, me koso ngɔnoma ye; na ɔnate wɔ so yeɛ aseɛ so mmusua amukoraa bekonya saleɛ ɔ.”

Gyenesise 22:18

Ɔnate wɔ boso ama so yeɛ aseɛ ye aso maen maen amukoraa bekonya saleɛ ɔ, ofikyɛ atie me dwirɛ.”

Gyenesise 26:4

Ngɔmaa wɔ bosofoɛ kɔsone kyɛ nyameɛso nzramaa, na ngɔfa aseɛ ye amukoraa ngɔma bɛ, na ɔnate bɛ so yeɛ amaen maen mukoraa bekonya saleɛ ɔ,

Gyenesise 3:15

Ngɔfa ɛpɔen ngɔto wɔ ne braa n’afia, yeɛ wɔ boso ama ne ye boso ama b’afia; ɔkɔgyerɛgyerɛ wɔ ti, na wɔ wora aha ye gya si.”

Gyenesise 49:10

Ɛhɔtɔ ngofi Yuda sa nu, yeɛ ahennie pɔmaa ngofi ye gya afia, kɔpem kyɛ mmenia kotua ndɔ bɛkɔma ye ɔ, kɔpem kyɛ maen maen kɔyɛ sotie bɛkɔma ye ɔ.

Edwein 132:11

AWURADE tale ndaen kitii hyirele Dawide, bɔ ongoli ye nwo ngasi ɔ, kyɛ, “Wɔ bɔbɔ wɔ kunu mmaa nemɔ anu ko yeɛ ngɔmaa okoli wɔ bia ɔ.

Yesaya 1:23

Wɔ mbanyi ayɛ lɔen, na bafa awuefoɛ abiɛngoɛ. Bɛ mukoraa bɛ nye gye fea-ase-ma nwo, na bɛpere bɛpena akyɛdeɛ. Bɛnga bie bɛmma nyisiaafoɛ, na akunafoɛ mmrasua dwirɛ ba bɛ nyunu a bɛmvrɛ.

Yesaya 50:6

Mvale me si mane bɛ bɔ befi me mbire ne, mvale me so taa nu mane bɛ bɔ betutu kanza ne. Beguale me nyunu ase, bɛfefele nwɔserɛ beguale me nyunu, nakoso mamva me nyunu mamvea.

Yesaya 7:14

Yiti AWURADE bɔbɔ kɔma ɛmɔ sɛngyerɛnneɛ. Ɛ́mɔtie! taluwa bie kɔnwonzɛ kɔwo baa bienzua, na ɔkɔto ye dumaa Yimanuel.

Yesaya 8:17

AWURADE bɔ waye ye nye wato buro wafea Yakob boso ama ne, ngɔfa me wora ngowura ye nu, ngɔpena ye si atee.

Yesaya 9:1

Nakoso bɛ bɔ bɛ wora abɔ ne, b’amaneɛnwunɛ ne ngɔha berɛ. Daa ne, obuli Sebulɔn aseɛ ne Nafetali aseɛ animtia, nakoso kyẽa bie de, atee bɔ ɔla mboanoa ne, yeɛ aseɛ bɔ ɔwɔ Yɔɔdan si dɔ ne, ɔne Galilea bɔ ɔte Amaenmaensofoɛ mbɔtam ne, ɔkɔhyɛ bɛ animnyam.

Hesekiel 34:23

Ngɔma mmoaenneafoɛ ko kɔnea bɛ so. Ye ole me somvoɛ Dawide. Ɔkɔma bɛ aleɛ, ɔkɔma bɛ aleɛ ná wayɛ bɛ so mmoaenneafoɛ.

Hesekiel 37:25

Bɛkɔtena aseɛ bɔ mva mane me somvoɛ Yakob, bɔ ɛmɔ nana mɔ tenane so ne aso; na bɛ ne bɛ mma mɔ ne bɛ nnomaa mɔ bɛkɔtena berɛ daa, na me somvoɛ Dawide koli bɛ so panyi daa.

Daniel 7:13

Kɔngɔen nu nyekyire nemɔ anu, nwuni ebie bɔ ɔte kyɛ Sona Awa, kyɛ ɔnate nyameɛso munungum nu ɔba ɔ, ɔhɔle Bɔ Ɔwɔ Berɛ Fi Tetetete ne nwo berɛ, na bɛmaa ɔhɔle ye nyunu berɛ.

Mika 5:6

Na bɛkɔfa ngrandɛ bekoli Asiria aseɛ ne aso ngonim, yeɛ Nimrode aseɛ ne aso pambim mɔ anu; sɛ Asiria ɔba y’aseɛ ne aso, ná otiatia y’aseɛ nemɔ aso a, okole yɛ kofi ye sa nu.

Mika 7:20

Ɛkɔye nahorɛlilɛ ali kohyire Yakob, ɔne anwumvoinnwunɛ ali kohyire Abraham, kyɛbɔ ata ye nwo ndaen ahyire yɛ nana mɔ fi daa tete ne.

Sakaria 13:7

O ngrandɛ, dwɔso tia me mmoaenneafoɛ ne, ɔne sona bɔ ɔte me nwoniɛ ne,” Asafo AWURADE noa dwirɛ ɛne. “Pura mmoaenneafoɛ ne, na mmoaen ne kɔbɔ aya, na ngɔkakyi me sa ngɔhɔ mmaa mmaa nemɔ aso.

Sakaria 9:9

O Sion awa brasua, di ahurusi paa! O Yerusalem awa brasua, bɔ ese! Tie, wɔ Hene ne ɔ́ba wɔ berɛ, ɔtengyɛ, na ye yeɛ ngoalelɛ wɔ ye berɛ ɔ, odwo, na ɔte afunum so, afunum akrɔngrɔma so, bɔ ɔte afunum beleɛ ɔ.

Malaki 4:2

Nakoso ɛmɔ bɔ ɛmɔsuro me dumaa ne de, tenenee eyia bɔ anwonyerɛsalɛ wɔ ye ndaa nu ɔ okopukye kɔma ɛmɔ; na ɛmɔkofite bekohuru bɛkɔpepe kyɛ nandwie akrɔngrɔma mɔ bɔ babukye bɛ bafi bɛ tuin nu ɔ.

Numeri 21:14

Yiti yeɛ baha ye wɔ AWURADE Koɛ Nwo Nwomaa ne anu kyɛ, “Wahebo bɔ ɔwɔ Sufa ɔne bɔnza nemɔ anu. Asue Anɔn

Marko 4:34

Anyandera ngome nu yeɛ odwudwo hyirele bɛ ɔ, nakoso sɛ né ɔka ye ne ye asuafoɛ nemɔ ngome de a, okyirekyire bɛ ye mukoraa bo.

Luka 24:25

Afei osele bɛ kyɛ, “O ɛmɔ ndeaseɛ wɔ dede, ɛmɔ adwene te nganga kyɛ ɛmɔkole bɔ ngɔmhyɛlɛfoɛ nemɔ bahã ne amukoraa bekoli ɔ!

Luka 24:44

Na osele bɛ kyɛ, “Ɛhemɔ ole me dwirɛ bɔ nga ngyirele ɛmɔ ne, mmerɛ bɔ né me ne ɛmɔ yɛwɔ berɛ ne, kyɛ bɔ bahyerɛ bafa me nwo amukoraa wɔ Mose mmeraa ne ngɔmhyɛlɛfoɛ ne Edwein Nwomaa ne anu ne, ɔsɛ kyɛ ɔba nu ɔ.”

Yohane 1:45

Filipo nwuni Nataneɛl, na osele ye kyɛ, “Bɔ Mose, wɔ mmeraa ne anu, ɔne bɔ ngɔmhyɛlɛfoɛ bɛhyerɛle ye nwo dwirɛ ne, yanwu ye: Yesu bɔ ofi Nasarɛte, Yosef awa ne.”

Yohane 12:41

Yesaya hane sɔ, ofikyɛ onwuni ye animnyam, na ɔhane ye nwo dwirɛ.

Yohane 5:37

Na Baba ne bɔ ɔsomane me ne, ye bɔbɔ wali me nwo adanzeɛ. Ɛmɔttele ye komvi le, yeɛ ɛmɔnnwuni ye sue le;

Yohane 5:39

Ɛmɔpɛnzɛpɛnzɛ Ahyerɛlɛ ne anu, ofikyɛ ɛmɔdwene kyɛ ɛmɔle daa ngoa wɔ nu; na ye ala yeɛ odi me nwo adanzeɛ ɔ.

Asomafoɛ 10:43

Ye yeɛ Nyameɛ ngɔmhyɛlɛfoɛ ne amukoraa lili ye nwo adanzeɛ kyɛ ebiala bɔ ode ye di ne, ɔnate ye dumaa nu konya bɔnefakyɛ ɔ.”

Asomafoɛ 3:18

Nyameɛ ama bɔ ɔfale ngɔmhyɛlɛfoɛ ne amu so ha tole berɛ daa tete ne kyɛ ye Kristo ne konwu amaneɛ ne awa nu.

Asomafoɛ 3:22

Ofikyɛ Mose hane kyɛ, ‘Awurade, ɛmɔ Nyameɛ kɔsoma ngɔmhyɛlɛniɛ ko maa ɔkɔwa ɛmɔ berɛ kyɛbɔ wasoma me ne, na sɔ sona ne kɔyɛ ɛmɔ nu ko. Odi kyɛ ɛmɔtie ye na ɛmɔyɔ nikyee biala bɔ ɔkɔha kohyire ɛmɔ ne.

Asomafoɛ 3:24

Ngɔmhyɛlɛfoɛ nemɔ amukoraa bɔ bɛso ngraa fi Samuel aberɛ so, ɔne bɛ bɔ bɛwale nziɛ ye ne, bɛbɔle bɔ ɔ́kɔ so ɛnɛ ye anwo dawure.

Asomafoɛ 7:37

Mose komapɛ ne ala yeɛ ɔhã hyirele Yisraelfoɛ kyɛ, ‘Nyameɛ kɔsoma ngɔmhyɛlɛniɛ bɔ ɔte ɛmɔ aliɛma ɔ maa ɔkɔwa ɛmɔ berɛ, kyɛbɔ wasoma me ne.’

Asomafoɛ 8:35

Na Filipo dwudwole, na ɔhyɛle ye bo fale Ahyerɛlɛ he anu dwirɛ hane Yesu nwo nzɛmba ne hyirele ye.

Deuteronomi 1:45

Na ɛmɔsa bɛwale beesu behyirele AWURADE, nakoso AWURADE andie ɛmɔ dwirɛ, yeɛ wandɛ ɛmɔ so.

Deuteronomi 18:15

AWURADE wɔ Nyameɛ kɔye ngɔmhyɛlɛniɛ bɔ ɔte kyɛ me kofi eliɛma nemɔ nu, kofi wɔ nu kɔma wɔ, na ye yeɛ ɔsɛ kyɛ ɛmɔtie ye ɔ.

Nyekyire 19:10

Yeɛ mvale me nyunu mmutuli ase wɔ ye gya bo kyɛ mesɔne ye, nakoso osele me kyɛ, “Nea, nnɛyɔ sɔ! Ofikyɛ me koso nde ebiɛngo akoaa, wɔ ne eliɛma mɔ bɔ betira Yesu adanzeɛ ne anu ne. Sɔne Nyameɛ! Ofikyɛ Yesu adanzeɛ ne, ye ole ngɔmhyɛlɛ sunzum ne.”