Luka 24:19 - AHYERƐLƐ KRONGRON

¹⁹ Na obisale bɛ kyɛ, “Nzikyɛ dwirɛ ɔ?” Na bebuale ye kyɛ, “Ɔfa Nasarɛteniɛ Yesu bɔ ɔte ngɔmhyɛlɛniɛ bɔ ole tumi wɔ nnwumaa ne edwudwolɛ nu, wɔ Nyameɛ ne maen ne amukoraa nyunu nwo,

Luka 24:19 Iomraidhean Croise

Mateo 21:11

Na ɛlɔen ne buale kyɛ, “Ɛhe ole Yesu, ngɔmhyɛlɛniɛ ne bɔ ofi Nasarɛte bɔ ɔwɔ Galilea ne.”

Marko 1:24

“Yesu Nasarɛteniɛ, nzikyɛ yeɛ yɛne wɔ le yɔ ɔ? Awa kyɛ ɛbaasɛkye yɛ hɔ ɔ? Mese wɔ sona sue, Nyameɛ ye Krongronniɛ ne.”

Luka 24:18

Yeɛ bɛ nu ko bɔ bɛfrɛ ye Kleopa ne obuale ye kyɛ, “Wɔ ngome yeɛ ɛte wɔfoɛ wɔ Yerusalem ɔ, bɔ yeɛ ɛnze edwirɛ mɔ bɔ ɛlɛsa ye wasisi dɔ ye?”

Luka 7:16

Na ɛserɛ tɔle bɛ mukoraa bɛ so, na bɛyele Nyameɛ ayɛ kyɛ, “Ngɔmhyɛlɛniɛ piri adwɔso wɔ yɛ nu, na Nyameɛ waanea ye maen!”

Yohane 3:2

Sɔ biaa ne wale Yesu berɛ kɔngɔen oosele ye kyɛ, “Rabi, yɛse kyɛ ɛte kyerɛkyerɛniɛ bɔ efi Nyameɛ berɛ ɔ; ofikyɛ ebiala ngɔhora ngɔyɔ nzɛngyerɛnneɛ hemɔ bɔ ɛyɔ ye, sana Nyameɛ boka ye so.”

Yohane 4:19

Braa ne sele ye kyɛ, “Yɛ mene, menwu ye kyɛ ɛte ngɔmhyɛlɛniɛ.

Yohane 6:14

Na mmenia ne nwuni sɛngyerɛnneɛ bɔ ɔyɔle nen, bɛhane kyɛ, “Amba, ngɔmhyɛlɛniɛ bɔ ɔ́ba wiase ne, ye ɛhe!”

Yohane 7:52

Na bebuale ye kyɛ, “Gyamea wɔ koso efi Galilea hɔ ɔ? Neanea Ahyerɛlɛ ne anu, na ekonwu ye kyɛ ngɔmhyɛlɛniɛ biala ngodwɔso ngofi Galilea le.” [

Asomafoɛ 10:38

kyɛbɔ Nyameɛ fale Sunzum Krongron ne tumi popale Yesu bɔ ofi Nasarɛte; kyɛbɔ ohyinihyini yɛlɛ paa, ɔsale bɛ bɔ abɔnzam hyɛ bɛ so amukoraa anwonyerɛ ɔ, ofikyɛ Nyameɛ boka ye so.

Asomafoɛ 2:22

“Yisraelfoɛ, ɛmɔtie edwirɛ he! Yesu bɔ ofi Nasarɛte ne, ɔte sona bɔ Nyameɛ yele ye tumi ne hyirele ɛmɔ wɔ nzɛngyerɛnneɛ ne anwanwadeɛ bɔ Nyameɛ fale ye so yɔle, kyɛbɔ ɛmɔ bɔbɔ bɛse ne, ofikyɛ ɛhe amu sili ɛmɔ nyunu.

Asomafoɛ 7:22

Bɛfale Misraim nworɛ amukoraa yeɛ bɛtetele Mose ɔ, na onyane nimdeɛ wɔ ye dwudwolɛ ne ye brabɔlɛ nu.

Deuteronomi 18:15

AWURADE wɔ Nyameɛ kɔye ngɔmhyɛlɛniɛ bɔ ɔte kyɛ me kofi eliɛma nemɔ nu, kofi wɔ nu kɔma wɔ, na ye yeɛ ɔsɛ kyɛ ɛmɔtie ye ɔ.