Luka 23:5 - AHYERƐLƐ KRONGRON

⁵ Nakoso bɛhane ye serɛserɛ so kyɛ, “Ɔma mmenia yɛ maen ne anwo lɔen; ɔyɛ sɔ ngyerɛkyerɛ ne wɔ Yudea maen nu amukoraa, na ɔhyɛle ye bo Galilea, yeɛ afei wafa waadwu ɛwa po.”

Luka 23:5 Iomraidhean Croise

Edwein 22:16

Ngyea apɛ me nwo bayia, nzɛmmɔnefoɛ fekue bapɛ me nwo kango; bafa nikyee basinasina me gya ne me sa.

Edwein 57:4

Gyata mɔ yeɛ me kra la b’afia ɔ. Bɛ gye te pealɛɛ ne agyaen, bɛ temverema te ngrandɛ nnaennaen.

Edwein 69:4

Bɛ bɔ bɛpɔ me mbaen ne, bɛsone bɛtra me ti nwiaa; bɛ bɔ bɛpena me beku me, bɔ bɛ yeɛ bɛpɛ edwirɛ bɛto me so ne, bɛ nwo yɛ se. Nikyee bɔ nnwuale ɔ, aso odi kyɛ mefa bie mesi ye gya nu?

Mateo 11:1

Mmerɛ bɔ Yesu dwudwo hyirele ye asuafoɛ buru ne nyɔ ne yiele nen, ofili berɛ hɔle kyɛ ɔkwaayɛ ngyerɛkyerɛ ná ɔkã nzɛmba wɔ bɛ nguro nemɔ aso.

Mateo 2:1

Mmerɛ bɔ bɛwole Yesu wɔ Betlehem bɔ ɔwɔ Yudea, wɔ ɛhene Herode aberɛ so nen, nworɛfoɛ biemɔ fili eyia afiteleɛ maen nu dɔ bɛwale Yerusalem,

Mateo 27:24

Na Pilato nwuni kyɛ ɔngɔhora ngɔyɔ ye nwo hwee, ná mmom basabasayɔlɛ yeɛ ɔpena ba ne, ɔfale nzue nwunzini ye sa wɔ ɛlɔen ne anyunu berɛ, na ɔhane kyɛ, “Sona teneneeniɛ he, medi be wɔ ye mogya nwo. Ɛmɔ bɔbɔ ɛ́mɔyɔ bɔ ɛmɔkɔyɔ ɔ!”

Mateo 4:23

Yesu hyinini Galilea amukoraa yɛle ngyerɛkyerɛ wɔ bɛ nyianu sua nemɔ anu, ɔhane ahennie ne nwo nzɛmba ne, na ɔsale anwonyerɛ ne anwommerɛlɛ ahoroɔ wɔ maen ne anu.

Marko 1:14

Na bɛhyele Yohane bɛtole kuku nu ne asi ne, Yesu wale Galilea ɔɔhane Nyameɛ ahennie ne nwo nzɛmba.

Luka 11:53

Na Yesu fili berɛ bɔ ɔkɔ nen, ahyerɛlɛfoɛ ne Farasiifoɛ mɔ hyɛle ye bo bɛfɛle ye so yaa, na bɛfale edwirɛ pee bɛtetale ye bɛfa bɛgyegyele ye,

Luka 23:23

Na bɛhɔle so bɛteateane nu besele kyɛ, odi kyɛ bɛbɔ ye mmeamudua nu; na dede bɔ bɛyɔle ne, ɔbole ye deɛ ne aso.

Luka 23:6

Na Pilato tele dumaa Galilea nen, obisale kyɛ, “Biaa he te Galileaniɛ anaa?”

Yohane 1:43

Aleɛ hyene ne, Yesu yɛle ye adwene kyɛ ɔkɔ Galilea. Onwuni Filipo, na osele ye kyɛ, “Di me si!”

Yohane 19:15

Na bɛteateane nu kyɛ, “Fa ye kɔ! Fa ye kɔ! Bɔ ye mmeamudua nu!” Na Pilato bisale bɛ kyɛ, “Mmɔ ɛmɔ Hene ne mmeamudua nu anaa?” Na asɔfo mbanyi nemɔ buale kyɛ, “Yɛ de, yɛlle hene biala kyɛ Kaesare.”

Yohane 2:11

Yesu nzɛngyerɛnneɛ nemɔ anu bɔ oli moa hɔ ɛne, na ɔyɔle ye wɔ Kana bɔ ɔwɔ Galilea; na ɔyele ye animnyam hyirele, na ye asuafoɛ nemɔ lele ye lili.

Yohane 7:41

Yeɛ ebiemɔ koso hane kyɛ, “Kristo ne ɛhe!” Nakoso ebiemɔ hane kyɛ, “Kristo ne, Galilea yeɛ okofi kɔwa hɔ anaa?

Yohane 7:52

Na bebuale ye kyɛ, “Gyamea wɔ koso efi Galilea hɔ ɔ? Neanea Ahyerɛlɛ ne anu, na ekonwu ye kyɛ ngɔmhyɛlɛniɛ biala ngodwɔso ngofi Galilea le.” [

Asomafoɛ 10:37

Ɛmɔse edwirɛ bɔ bɛbɔle ye dawure wɔ Yudea amukoraa, bɔ bɛhyɛle ye bo wɔ Galilea, asubɔlɛ bɔ Yahane hane ye nwo dwirɛ ne asi ne:

Asomafoɛ 23:10

Afei ɛtealɛ ne hɔle so serɛserɛ maa safohene ne surole kyɛ bɛkɔtete Pɔɔlo nu pasapasa koraa. Yiti ɔhyɛle ye asraafoɛ nemɔ kyɛ bedwu bɛhɔ mmenia ne anu dɔ beefoti ye befi bɛ sa nu, ná bɛfa ye bɛhɔ b’adwuma nu dɔ.

Asomafoɛ 5:33

Na bɛtele sɔ dwirɛ nen, b’ahone huli, na bɛbɔle porɛ kyɛ bekohũ asomafoɛ nemɔ.

Asomafoɛ 7:54

Mmerɛ bɔ badwafoɛ ne tele edwirɛ bɔ Setefano hane nen, b’ahone huli paa, na bɛnwosene bɛ gye behyirele ye; ofikyɛ né bafɛ ye so yaa paa.

Asomafoɛ 7:57

Berɛ ne ala badwafoɛ ne teane nu serɛserɛ, bɛfale bɛ sa betuatuale bɛ so, na bɛbɔle twi bɛɛto bɛhyɛle ye so.