Luka 23:42 - AHYERƐLƐ KRONGRON

⁴² Na osele kyɛ, “Yesu, sɛ ɛba w’ahennie nu a, kaye me.”

Luka 23:42 Iomraidhean Croise

Edwein 2:6

“Me AWURADE, me bɔbɔ, masi me hene mafa ye matena me bokaa krongron Sion so.”

Luka 12:8

“Mekã mekyire ɛmɔ kyɛ, ebiala bɔ ɔkɔbɔ me dumaa mmenia nyunu nen, Sona Awa ne koso ɔkɔbɔ ye dumaa Nyameɛ abɔfo mɔ nyunu.

Luka 18:13

“Nakoso ɛtoɔdidelɛniɛ ne de, oogyinane nziɛ nziɛ, na wanguro kyɛ ɔkɔma ye nye so kɔnea nyameɛso po ɔ, na mmom ɔfale ye sa guale ye ahone so hane kyɛ, ‘O Nyameɛ, nde bɔnefoɛ, na nwu me anwumvoin!’

Luka 23:41

Yɛ deɛ ne de, ɔfata yɛ; ofikyɛ bɔ yayɔ ne, ye nwo akatuaa yeɛ yanya ye ne; nakoso biaa he de, ɔyyɔle bɔne nikyee biala bɔ ɔtte mayee ɔ.”

Luka 23:43

Na obuale ye kyɛ, “Nahorɛ nu, mekã mekyire wɔ kyɛ, ɛnɛ kyẽa ye, ɛkɔboka me so wɔ Paradise.”

Luka 24:26

Aso né onhia kyɛ Kristo ne onwu sɔ amaneɛ ne koraka ná wahɔ ye animnyam nu hɔ ɔ?”

Yohane 1:49

Nataneɛl buale kyɛ, “Rabi, wɔ ole Nyameɛ Awa ne! Wɔ ole Yisrael Hene ne!”

Yohane 20:28

Na Tɔmase buale ye kyɛ, “M’Awurade ne me Nyameɛ!”

Asomafoɛ 16:31

Bebuale ye kyɛ, “Dé Awurade Yesu di na ɛne w’awuro ama konya daa ngoa.”

Asomafoɛ 20:21

na nnili adanzeɛ ngyirele Yudafoɛ ne Amaenmaensofoɛ kyɛ benya Nyameɛ nyunu adwenesakyera ne y’Awurade Yesu Kristo nu gyidie.

1 Petro 1:11

Bɛbɔle mmɔden kyɛ bekonwu mmerɛ horɛ, anaa mmerɛ ahoroɔ mɔ bɔ Kristo Sunzum bɔ né ɔte bɛ nu ne ɔda ye ali ɔ, mmerɛ bɔ olili moa lili Kristo amaneɛnwunɛ nwo adanzeɛ, ɔne animnyam bɔ ɔtoa so ne.

1 Yohane 5:1

Ebiala bɔ ode di kyɛ Yesu ole Kristo ne te Nyameɛ awa. Na ebiala bɔ okuro Baba ne dwirɛ ne, okuro Baa ne koso dwirɛ.