Luka 23:40 - AHYERƐLƐ KRONGRON

⁴⁰ Nakoso ko ne buale ye hwili ye nyunu kyɛ, “Enzuro Nyameɛ hɔ ɔ, kyɛ foɛ komapɛ ne ala yeɛ bafa babua wɔ ɔ?

Luka 23:40 Iomraidhean Croise

2 Aberɛso Dwirɛ 28:22

Mmerɛ bɔ sɔ Nana Ahase ye ala onwu amaneɛ ne po ne, obubuli mmakaa tuale ye so bɔ wandie AWURADE dwirɛ ɔ.

Edwein 36:1

Amumuyɛɛ dwudwo kyire bɔnefoɛ wɔ ye ti anu; bɔnefoɛ nye so de, Nyameɛ nwo nyɛ suro.

Yeremia 5:3

Ao AWURADE, aso nna nahorɛ yeɛ wɔ nye pena kyɛ onwu ye ɔ? Ahwe bɛ so, nakoso wanyɛ bɛ yea; ahũhũ bɛ, nakoso bamva ɛhe bandu bɛ nwo foɛ, bɛ nyunu porɛ bɔ babɔ ɔ, ɔtra nyɔboɛ, na bayɛ b’adwene kyɛ bɛngɔsakyera.

Lewitikɔso 19:17

Nnɛdwene ebiɛngo nwo adwene tɛɛ, na mmom fa edwirɛ tɛɛ bɔ wayɔ ne to ye nyunu, ná anza ye nwo anyɔ bɔne.

Mateo 20:9

Na bɛ bɔ ɔbɔle bɛ paa kɔyɛ nɔsoa nnɔnnum ne, bɛwale ne, ɔmane ebiala denare ko.

Mateo 8:26

Na osele bɛ kyɛ, “O ɛmɔ gyidie te kãa, nzu ati yeɛ ɛserɛ ahã ɛmɔ sɔa e?” Afei odwɔsole, na ɔteateane mvrama ne ne asorɔkye ne, na bɛyɛle dinn.

Luka 12:5

Na mebɔ ɛmɔ kɔkɔ, bɔ ɔsɛ kyɛ ɛmɔsuro ye ɔ: Odi kyɛ ɛmɔsuro bɔ oku yie a, ole tumi kyɛ ogyi to abɔnzam see nu ɔ. Amba, mekã mekyire ɛmɔ kyɛ, ye yeɛ odi kyɛ ɛmɔsuro ye ɔ.

Luka 23:39

Bɔnefoɛ bɔ bɛbɔle bɛ mmeamudua nu ne, bɛ nu ko bɔle ye alapaa kyɛ, “Aso nna wɔ ole Kristo ne anaa? Pepɛ de wɔ nwo ná de yɛ koso e!”

Luka 23:41

Yɛ deɛ ne de, ɔfata yɛ; ofikyɛ bɔ yayɔ ne, ye nwo akatuaa yeɛ yanya ye ne; nakoso biaa he de, ɔyyɔle bɔne nikyee biala bɔ ɔtte mayee ɔ.”

Ɛfesofoɛ 5:11

Nnɛma ɛmɔyɔ awosii nnwumaa bɔ onzu mmaa ne bie, na mmom ɛ́mɔpa bɛ nwo tena!

Nyekyire 15:4

O, Awurade, nwa yeɛ ongosuro wɔ ná ɔngɔhyɛ wɔ dumaa animnyam ɔ? Ofikyɛ wɔ ngome yeɛ ɛte krongron ɔ. Maen maen amukoraa kɔwa kɔɔkoto wɔ, ofikyɛ wɔ ndɛenbualɛ turoloo ne ala ali.”

Nyekyire 16:11

Na ɔnate ye yealɛ ne bɛ nwo ngena ngena ne ati, bɛkekane musue dwirɛ betiale nyameɛso Nyameɛ ne, na banzakyera b’adwene bamvi bɛ yɔleɛ nwo.