Luka 23:4 - AHYERƐLƐ KRONGRON

⁴ Na Pilato sele asɔfo mbanyi nemɔ ne ɛlɔen ne kyɛ, “Biaa he, me de, mennwu foɛ biala bɔ odi ɔ.”

Luka 23:4 Iomraidhean Croise

Mateo 27:19

Asa koso, mmerɛ bɔ ɔtenane ndɛenbualɛ bia nu ne, ɔye somane maa bɛɛhã behyirele ye kyɛ, “Nnɛma ndoto biala ba wɔ ne sɔ biaa teneneeniɛ ne b’afia, ofikyɛ, ɔnate ye ti manwu amaneɛ pee wɔ laleɛ nu ɛnɛ kɔngɔen.”

Marko 15:14

Na Pilato bisale bɛ kyɛ, “Nzu ɔ, nzikyɛ bɔne yeɛ wayɔ ɔ?” Nakoso bɛhɔle so bɛteateane nu serɛserɛ kyɛ, “Bɔ ye mmeamudua nu!”

Luka 23:22

Obisale bɛ ye pɛen nza so kyɛ, “Nzu ɔ? Nzikyɛ bɔne yeɛ wayɔ ɔ? Me de, mennwu nikyee biala bɔ wayɔ bɔ ɔfata kyɛ beku ye ɔ; yiti ngofi ye mbire, ná mayakyi ye.”

Yohane 18:38

Na Pilato bisale ye kyɛ, “Nahorɛ, ye ole nzu?” Na ɔhane sɔ dwirɛ nen, afei ofite hɔle Yudafoɛ nemɔ berɛ bieku, na osele bɛ kyɛ, “Me de, mennwu foɛ biala bɔ odi ɔ.

Asomafoɛ 25:25

Nakoso, menea a, ɔyyɔle nikye fee bɔ ɔfata ewue ɔ. Na kyɛbɔ ye bɔbɔ ɔnwa bɛfa edwirɛ ne bɛhɔ Kaesare gya so ne ati, mayɛ kyɛ memaa bɛfa ye bɛkɔ.

Asomafoɛ 3:13

Abraham ne Yisake ne Yakob Nyameɛ bɔ ɔte yɛ nana mɔ Nyameɛ ne, ɔhyɛle Ɔwa Yesu animnyam, nakoso ɛmɔyele ye bɛmane mbanyi mɔ, na ɛmɔgyinane Pilato nyunu bɛpole ye wɔ mmerɛ bɔ ahaa né wayɛ ye adwene kyɛ ɔyakyi ye ɔ.

Hebrifoɛ 7:26

Yiti ɔsɔfo panyi paa bɔ ɔte sɔa yeɛ ɔfata kyɛ yɛnya ɔ. Ɔte krongron, mvomsoɛ anaa bɔne biala nne ye nwo, baye ye basie ahameɛ bafi bɔnefoɛ nu, na babɔ ye panyi paa wɔ nyameɛso.

1 Petro 1:19

na mmom Kristo bɔ ɔte kyɛ boaen ba bɔ ollili nnɛen bɔ ngekalewa biala nne ye nwo ne, ye mogya bɔ odi mu ne yeɛ bɛfa bɛpɔle ɛmɔ ɔ.

1 Petro 2:22

Ye de, wanyɔ bɔne, biala, yeɛ ngondombo dwirɛ biala amvi ye noa.

1 Petro 3:18

Ofikyɛ Kristo koso nwuni bɔne nwo amaneɛ pɛenko; ye bɔ ɔtengyɛ ne, onwuni amaneɛ mane bɛ bɔ bɛndengyɛ ɔ, amaa ɔnate so wafa yɛ wahɔ Nyameɛ berɛ. Behuni ye wɔ anwoɔnaen nu, nakoso bɛfale ye bɛwale ngoa nu wɔ Sunzum nu,