Luka 23:35 - AHYERƐLƐ KRONGRON

³⁵ Né mmenia nemɔ begyigyi berɛ bɛnea. Na mbanyi nemɔ gorole ye nwo kyɛ, “Olele ebiemɔ, sɛ ye ole Kristo ne bɔ Nyameɛ aneanea nu aye ye ne a, maa ole ye nwo e!”

Luka 23:35 Iomraidhean Croise

Edwein 22:17

Mekora meka me mmowue amukoraa. Mmenia bɛnea me haa, na bɛkã me anyinga.

Edwein 35:15

Nakoso ngɔle anwokyere nu ne, bɛ nye gyele, bɛyɛle ko bedwɔsole betiale me; asanzafoɛ bie bɔ menze bɛ ɔ, bɛhɔle so bɛsɛkyele me dumaa;

Edwein 4:2

Ao adasa, ɛmɔkogua me nyunu ase maa okoodwu kyinzu? Ɛmɔkoli edwirɛ mbaen mbaen ne ngondombo dwirɛ si maa okoodwu kyinzu? Sela

Edwein 69:26

Ofikyɛ sona bɔ abɔ ye apura ye ne, bɛtane ye nye, na bɛ bɔ apura bɛ ne, besa bɛmaa bɛfa yealɛ nu.

Edwein 71:11

Bɛkekã kyɛ, “Nyameɛ apo ye, yiti ɛ́mɔfoa ye bɛhye ye, ofikyɛ ongonya defoɛ biala.”

Yesaya 42:1

Nea, me somvoɛ bɔ ngyi ye si pindinn ne ɛhe, ye bɔ maneanea nu maye ye, bɔ me kra nye gye ye nwo ne; mafa me Sunzum magua ye so, na ye yeɛ okobua maen maen mɔ ndɛen turoloo ɔ.

Yesaya 49:7

AWURADE, Yisrael Defoɛ ne ye Krongronniɛ ne, ɔkã kyire bɔ bebu ye kra animtia, bɔ maen maen mɔ bekyi ye, bɔ ɔte maen mbanyi atianuserɛfoɛ bɛ somvoɛ ne kyɛ, “Ahemvo mɔ konwu ye bekodwɔso, atitirefoɛ koso, na bɛkɔfa bɛ nyunu bekobutu berɛ, ɔnate nahorɛniɛ AWURADE, Yisrael Krongronniɛ bɔ waneanea nu waye wɔ ne ati.”

Yesaya 53:3

Mmenia buli ye animtia, na bɛpole ye; ɔte sona bɔ ɔfale aworabɔlɛ nu ná onwuni yealɛ ɔ, bebuli ye animtia kyɛ sona bɔ mmenia nwu ye a bɛye bɛ nye bɛto buro ɔ, yeɛ yamva ye yanyɛ huu.

Awuye 3:14

Ngakyili ngorohoɛ nikyee mane me maen amukoraa, ngakyili bɛ noa nu dwein daa biala.

Sakaria 12:10

“Ngohwie ɛlolɛ ne sufrɛ sunzum ngogua Dawide awuro ama ne Yerusalemfoɛ so, amaa ɔnate so bafa bɛ nye bato me bɔ basina me ne aso; na bekosu ye kyɛbɔ sona su ye bahorɛ ɔ, yeɛ bekosu ye hahii kyɛbɔ sona sũ ye bamuɛbaa ɔ.

Mateo 12:18

“Tie, Ɛhe ole me somvoɛ bɔ maneanea nu maye ye ne, bɔ mekuro ye dwirɛ, bɔ me kra nye gye ye nwo paa ne. Ngɔfa me Sunzum ngogua ye so, na ɔkɔbɔ ndɛen turoloo nwo dawure kohyire Amaenmaensofoɛ.

Mateo 3:17

na yieee, edwudwolɛ bie fili nyameɛso wale kyɛ, “Mma bɔ ɔla m’ahone nwo ná me nye gye ye nwo paa ne ɛhe.”

Luka 16:14

Na Farasiifoɛ bɔ bɛ nye boro sikaa ne, bɛtele edwirɛ hemɔ amukoraa nen, bɛserele ye.

Luka 23:13

Afei Pilato frɛle asɔfo mbanyi nemɔ, maen mbanyi ne ɛlɔen ne maa beyiale,

Luka 23:39

Bɔnefoɛ bɔ bɛbɔle bɛ mmeamudua nu ne, bɛ nu ko bɔle ye alapaa kyɛ, “Aso nna wɔ ole Kristo ne anaa? Pepɛ de wɔ nwo ná de yɛ koso e!”

1 Petro 2:4

Ɛmɔbra ye berɛ, ngoa nyɔboɛ ne, bɔ mmenia apo ye, nakoso Nyameɛ de, waneanea nu waye ye, bɔ odi mu ne;