Luka 23:34 - AHYERƐLƐ KRONGRON

³⁴ Na Yesu hane kyɛ, “Baba, fa kyɛ bɛ, ofikyɛ bɛnze bɔ bɛyɔ ɔ!” Na beguale serewa bɛhyɛle ye ndaadeɛ ne bɛfale.

Luka 23:34 Iomraidhean Croise

Gyenesise 50:17

‘Ɛ́mɔhã behyire Yosef kyɛ, mesrɛ wɔ, fa eliɛma mɔ amumuyɛɛ ne bɛ bɔne kyɛ bɛ, ofikyɛ bɛyɔle wɔ tɛɛ paa.’ Yiti afei, yɛsrɛ wɔ, fa wɔ baba ye Nyameɛ ngoaa mɔ b’amumuyɛɛ kyɛ bɛ.” Na bɛhane ɛhe behyirele Yosef ne, osuni.

Edwein 22:18

Bɛkyɛ me ndena bɛfa, na begua serewa bɛkyɛ me ndaadeɛ.

Yesaya 53:12

Yiti ngɔfa ye kyɛfa ngɔma ye wɔ atitirefoɛ nu, na ɔne anwoserɛfoɛ bɛkɔhyɛ koɛ nu nzesadeɛ ne, ofikyɛ ɔfale ye kra tole berɛ mane ewue, bɛhale ye bɛfrale mmeraatolɛfoɛ; nakoso ɔfale menni pee bɛ bɔne tole ye nwo so, na olili mmeraatolɛfoɛ bɛ ti dwirɛ mane bɛ.

Mateo 11:25

Sɔ mmerɛ ne anu, Yesu hane kyɛ, “Baba, anwuro ne aseɛ Mene, meda wɔ ase kyɛ afa edwirɛ hemɔ afea nworɛfoɛ ne nimdeɛfoɛ, ná aye ahyire ngokwaammaa ɔ.

Mateo 11:26

Yoo, Baba, sɔ yeɛ ɔte nikyee bɔ ɔyɛ nyemene wɔ wɔ nyunu ɔ.

Mateo 5:44

Nakoso me de, mekã mekyire ɛmɔ kyɛ, ɛ́mɔhuro ɛmɔ pɔfoɛ mɔ dwirɛ, ná ɛ́mɔbɔ mbaeɛ bɛ́ma bɛ bɔ bɛtane ɛmɔ nye ɔ;

Marko 15:24

Na bɛbɔle ye mmeamudua nu nen, bɛhyehyɛle ye ndaadeɛ ne anu, na beguale serewa bɛpenane ebiala deɛ bɔ okonya ɔ.

Luka 22:42

“Baba, sɛ ekuro a, ye sɔ kulie he fi me so; nakoso nna kyɛbɔ mekuro hɔ ɔ, na mmom bɔ ekuro ne yeɛ ɔyɛ berɛ ɔ.” [

Yohane 17:9

“Mésrɛ mema bɛ; menzrɛ memma wiase, na mmom bɛ bɔ afa bɛ ama me ne, ofikyɛ bɛte wɔ deɛ.

Yohane 19:11

Na Yesu buale ye kyɛ, “Sɛ bamva bamvi nyameɛso bamma wɔ a, ahaa elle tumi biala wɔ me so; yiti bɔ ɔyele me mane wɔ ne, ye yeɛ ye bɔne te piri ɔ.”

Asomafoɛ 16:28

Na Pɔɔlo teane nu serɛserɛ sele kyɛ, “Nnɛdi wɔ nwo awue, na yɛ mukoraa yɛwɔ wa!”

Asomafoɛ 3:17

“Na kekesaala ye de, aliɛmaa mɔ, mese kyɛ ɛselɛ bɔ ɛmɔnze ti yeɛ ɛmɔ ne ɛmɔ mbanyi mɔ bɛfale sɔ lili ye ɔ.

Asomafoɛ 7:60

Afei oguale ndwerɛ, na ɔteane nu serɛserɛ kyɛ, “Awurade, fa bɛ bɔne he kyɛ bɛ!” Ɔhane sɔ ne, owuli.

Romanfoɛ 12:14

Ɛ́mɔyirayira bɛ bɔ bɛtane ɛmɔ nye ɔ, ɛ́mɔyirayira bɛ, na nnɛma ɛmɔnoma bɛ.

1 Korintofoɛ 2:8

Ewiase atumifoɛ biala ande nworɛ he abo, ofikyɛ sɛ bɛtele ye bo a, ahaa bammɔ animnyam Hene ne mmeamudua nu.

1 Korintofoɛ 4:12

na yɛyere yɛ nwo yɛfa yɛ bɔbɔ yɛ sa yɛyɔ adwuma. Bɛbɔ yɛ alapaa a, yɛyirayira bɛ. Bɛtane yɛ nye a, yɛgyina pindinn.

1 Timoteo 1:13

Ɔwɔ nu kyɛ daa ne de, ngekane musue dwirɛ ndiale ye, ndanene ye nye, nyɛle ye so patapaa; nakoso onwuni me anwumvoin, ofikyɛ né menze bɔ meyɔ ɔ, na nyɔle ye wɔ elelɛ bɔ né menne menni ne anu.

1 Petro 3:9

Nnɛma ɛmɔfa bɔne betua bɔne so, anaa nzoaapepɛlɛ betua nzoaapepɛlɛ so; na mmom ɛ́mɔyirayira; ofikyɛ ɛhe ati yeɛ bɛfrɛle ɛmɔ ɔ, kyɛ ɛmɔɔnya saleɛ.