Luka 23:33 - AHYERƐLƐ KRONGRON

³³ Na bedwuli nekaa bie bɔ bɛfrɛ berɛ “Tire Kokuroka so,” na berɛ yeɛ bɛbɔle ye ne bɔnefoɛ nemɔ mmeamudua nu ɔ: ko wɔ ye famaa so, yeɛ ko koso wɔ ye bɛen so.

Luka 23:33 Iomraidhean Croise

Edwein 22:16

Ngyea apɛ me nwo bayia, nzɛmmɔnefoɛ fekue bapɛ me nwo kango; bafa nikyee basinasina me gya ne me sa.

Sakaria 12:10

“Ngohwie ɛlolɛ ne sufrɛ sunzum ngogua Dawide awuro ama ne Yerusalemfoɛ so, amaa ɔnate so bafa bɛ nye bato me bɔ basina me ne aso; na bekosu ye kyɛbɔ sona su ye bahorɛ ɔ, yeɛ bekosu ye hahii kyɛbɔ sona sũ ye bamuɛbaa ɔ.

Mateo 20:19

na bɛkɔfa ye bekowura Amaenmaensofoɛ sa kyɛ bɛgoro ye nwo, ná befi ye mbire, ná bɛbɔ ye mmeamudua nu; na ye ɛlɛsa ne aso okotingye.”

Mateo 26:2

“Kyɛbɔ ɛmɔse ne, waha elenyɔ né Abɔtra aluolue ne adwu, na bɛkɔye Sona Awa ne bɛkɔma maa bɛkɔbɔ ye mmeamudua nu.”

Luka 24:7

kyɛ, ‘Ɔsɛ kyɛ bɛfa Sona Awa ne bewura bɔnefoɛ mɔ sa, ná bɛbɔ ye mmeamudua nu, ná ye ɛlɛsa so watingye.’ ”

Yohane 18:32

Na ɛhe sili mane Yesu dwirɛ bɔ ɔhã fale ewue horɛ bɔ okowu ne nwo wale nu.

Yohane 3:14

Na kyɛbɔ Mose mane ewoo ne aso wɔ ɛserɛ so nen, sɔ ala yeɛ odi kyɛ bɛma Sona Awa ne aso ɔ,

Asomafoɛ 13:29

Na beyiele nikyee biala yɔ kyɛbɔ Ahyerɛlɛ ne kã fa ye nwo nen, bɛyele ye befili mmeamudua ne aso besiele ye.

Asomafoɛ 2:23

Na sɔ Yesu ne, bɛyele ye bɛmane, ɔnate kyɛ né Nyameɛ ayɔ sɔ nhyehyɛleɛ ne, yeɛ né koso ɔse sɔ dada. Na ɛmɔfale bɔnefoɛ so bɛbɔle ye mmeamudua nu behuni ye.

Asomafoɛ 5:30

Yɛ nana mɔ Nyameɛ tingyele Yesu bɔ ɛmɔbɔle ye mmeamudua nu behuni ye ne fili ewue nu.

Galatiafoɛ 3:13

Kristo ɔɔyɛle abusudeɛ mane yɛ, na ɔnate so wapɔ yɛ wafi mmeraa musue nu; ofikyɛ bahyerɛ kyɛ, “Banoma sona biala bɔ basinze ye wɔ bakaa so ɔ.”

Deuteronomi 21:23

nnɛyakyi ye fuin ne bakaa ne aso kɔngɔen ne amu. Sie ye sɔ kyẽa ne ala, ofikyɛ sona bɔ basinze ye bakaa so ne, Nyameɛ anoma ye. Yiti aseɛ bɔ AWURADE wɔ Nyameɛ ɔ́fa ma wɔ maa ɔyɛ w’agyapadeɛ ne, nnɛfa efiɛ ka ye.

1 Petro 2:24

Ye bɔbɔ yeɛ ɔsoale yɛ bɔne wɔ ye nipadua nu hɔle bakaa ne aso ɔ, kyɛ, sɛ yawu yafi bɔne nu de a, ɔsɛ kyɛ yɛtena ase yɛma tenenee. Na ye nwo beabealɛ ne yeɛ wafa wasa ɛmɔ anwonyerɛ ɔ.