Luka 23:31 - AHYERƐLƐ KRONGRON

³¹ Na sɛ bɛfa ɛhemɔ bɛyɛ bakaa monɛ a, né bakaa wuruwaa de bɛkɔyɛ ye sɛ?”

Luka 23:31 Iomraidhean Croise

Anyandera 11:31

Sɛ bɛbɔ teneneeniɛ aba so wɔ aseɛ ye aso a, ye de ɔkɔyɛ sɛɛ bɔ amumuyɛɛniɛ ne bɔnefoɛ bengotua bɛ so kerɛ ɔ!

Yeremia 25:29

Ofikyɛ, tie, kuro bɔ me dumaa la so ne yeɛ médi moa meprapra musue megua ye so ɔ, na ɛmɔ de, ɛmɔkɔfa ɛmɔ nwo bekoli tɔtorɔtɔɔ anaa? Ɛmɔngɔfa ɛmɔ nwo bengoli tɔtorɔtɔɔ, ofikyɛ mebaasoma ngrandɛ meba aseɛ so ama amukoraa so, Asafo AWURADE noa dwirɛ ɛne.’

Daniel 9:26

Na afoɛ nzoo sɔ alaa aburasia ne nyɔ ne asi ne, bekohã bɔ bapopa ye ngoo ne, bɔ ebiala ngɔpepɛ ngole ye ɔ. Na afei katakyie bie bɔ ɔbaawa ne, ye lɔen ne kɔsɛkye kuro ne ne nekaa krongron ne. Ye ayieleɛ kɔwa ye so ndɛndɛ so, koɛ kɔhɔ so koodwu sɔ mmerɛ n’ayieleɛ, mmerɛ bɔ bahyehyɛ amaneɛ wɔ nu ne.

Mateo 3:12

Otira ye huhuamoa nu; ɔkɔprapra ye nekaa bɔ ɔboro aburoo ne monomono. Ɔkɔboaboa ye aburoo ne noa kogua pata so, nakoso afafu ne de, ɔkɔfa see bɔ onnua le ɔ yeɛ ɔkɔyera ye ɔ.”

Luka 23:30

Yeɛ bɛkɔhyɛ ye bo bɛkɔhã bekohyire mmokaa kyɛ, ‘Ɛ́mɔdwiri bégua yɛ so!’ ɔne pambaa mɔ kyɛ, ‘Ɛ́mɔfa yɛ bɛ́fea!’

Luka 23:32

Na bɛfale bɔnefoɛ nyɔ koso bɛbokale ye so bɛhɔle, kyɛ bɛkwaahũ bɛ.

Yohane 15:6

Na sɛ ebie wandena me nu a, begyi ye bɛto kyɛ bakaa mmaen, na ɔkese; na bɛboaboa mmaen nemɔ noa begua see nu bɛyera bɛ.

Hebrifoɛ 6:8

Nakoso sɛ ofifi mmowue ne ɛfone de a, ye de mvasoɛ biala nne ye so; ɔngyɛ né Nyameɛ apaye ye, na ye ayieleɛ ole kyɛ ɔfa see sɛkye ye.

Yuda 1:12

Sɔ mmenia nemɔ, bɛte ngekalewa wɔ ɛmɔ ɔdɔ adidie bo, bɛne ɛmɔ didi a, bɛte mmoaenneafoɛ bɔ bɛ ngome bɛ ko yeɛ ohia bɛ ɔ, bɛte munungum bɔ nzue nne nu bɔ mvrama fa ye kyinikyini ɔ; mmakaa bɔ odwu bɛ sulɛ a benzu mma ɔ, bawu pɛen nyɔ, bɔ bɛ bo atutu ɔ,