Luka 23:25 - AHYERƐLƐ KRONGRON

²⁵ Na ɔyakyili biaa bɔ ɔnate ɛlɔenyɛlɛ ne awuelilɛ ti bafa ye bato kuku nu ne mane bɛ, kyɛbɔ bɛsrɛle ye ne ala; nakoso Yesu de, ɔyele ye mane bɛ kyɛbɔ bɛpena ne.

Luka 23:25 Iomraidhean Croise

Ɛseta 3:11

Na Nana Ahasuro sele Haman kyɛ, “Sikaa ne wura wɔ sa, yeɛ mmenia ne koso bewura wɔ sa. Bɔ ekuro biala, fa yɔ bɛ.”

Mateo 27:26

Yeɛ ɔyakyili Baraba mane bɛ ɔ, na ofini Yesu mbire, na ɔyele ye mane bɛ kyɛ bɛɛbɔ ye mmeamudua nu.

Marko 15:15

Né Pilato pena kyɛ ɔyɔ nikyee ma ɛlɔen ne bɛ nye sɔ, yiti ɔyakyili Baraba mane bɛ, nakoso Yesu de, ofini ye mbire, na ɔyele ye mane bɛ kyɛ bɛɛbɔ ye mmeamudua nu.

Luka 23:2

Na bɛhyɛle ye bo bɛbɔle ye kwaadu kyɛ, “Akoaa he, yɛhyele ye kyɛ ɔbɔ yɛ maen ne anwo tokuro, na ɔbera mmenia kyɛ nnɛmaa betua toɔ bɛma Kaesare; afei koso, ɔnwa ye ala ole Ɛhene Kristo ne.”

Luka 23:24

Yiti Pilato buale ndɛen, kyɛ bɔ bɛpena ne, wayakyi nu wama bɛ.

Luka 23:26

Na bɛ́fa ye bɛ́kɔ nen, bɛhyele Simɔn bie bɔ ofi Kirene, bɔ né ofi namue nu ɔba ɔ, na bɛfale mmeamudua ne bɛtole ye so, kyɛ ɔsoa li Yesu si.

Luka 23:5

Nakoso bɛhane ye serɛserɛ so kyɛ, “Ɔma mmenia yɛ maen ne anwo lɔen; ɔyɛ sɔ ngyerɛkyerɛ ne wɔ Yudea maen nu amukoraa, na ɔhyɛle ye bo Galilea, yeɛ afei wafa waadwu ɛwa po.”

Yohane 18:40

Na bɛteateane nu bieku kyɛ, “Nna akoaa he ɔ, na mmom Baraba!” (Né Baraba te awerɔm awueniɛ.)

Yohane 19:16

Na ɔyele ye mane bɛ kyɛ bɛɛbɔ ye mmeamudua nu.

Asomafoɛ 3:14

Ɛmɔpole Krongronniɛ ne Teneneeniɛ ne, na mmom ɛmɔpale kyerɛ maa bɛyakyili kodiawuniɛ ne bɛmane ɛmɔ.

1 Samuel 12:13

Afei, ɛ́mɔnea, ɛhene bɔ ɛmɔaneanea nu baye ye, bɔ ɛmɔsrɛle ne, ye ɛhe. Ɛ́mɔtie, AWURADE asi ɛmɔ hene wama ɛmɔ.