Luka 23:23 - AHYERƐLƐ KRONGRON

²³ Na bɛhɔle so bɛteateane nu besele kyɛ, odi kyɛ bɛbɔ ye mmeamudua nu; na dede bɔ bɛyɔle ne, ɔbole ye deɛ ne aso.

Luka 23:23 Iomraidhean Croise

Edwein 57:4

Gyata mɔ yeɛ me kra la b’afia ɔ. Bɛ gye te pealɛɛ ne agyaen, bɛ temverema te ngrandɛ nnaennaen.

Sakaria 11:8

Na bosome ko anu, nnuane mmoaenneafoɛ nza nemɔ bɛ boso mvili berɛ. Bɛ nwo yɛle me kra ahi, na me koso me nwo yɛle bɛ kra tɛ.

Marko 14:31

Nakoso Petro sili so anyeborolɛ so kyɛ, “Sɛ ɔba kyɛ me ne wɔ yɛwu po a, mengɔpa wɔ si le.” Na sɔ ala yeɛ bɛ mukoraa bɛhane ɔ.

Luka 23:22

Obisale bɛ ye pɛen nza so kyɛ, “Nzu ɔ? Nzikyɛ bɔne yeɛ wayɔ ɔ? Me de, mennwu nikyee biala bɔ wayɔ bɔ ɔfata kyɛ beku ye ɔ; yiti ngofi ye mbire, ná mayakyi ye.”

Luka 23:24

Yiti Pilato buale ndɛen, kyɛ bɔ bɛpena ne, wayakyi nu wama bɛ.

Luka 23:5

Nakoso bɛhane ye serɛserɛ so kyɛ, “Ɔma mmenia yɛ maen ne anwo lɔen; ɔyɛ sɔ ngyerɛkyerɛ ne wɔ Yudea maen nu amukoraa, na ɔhyɛle ye bo Galilea, yeɛ afei wafa waadwu ɛwa po.”