Luka 23:2 - AHYERƐLƐ KRONGRON

² Na bɛhyɛle ye bo bɛbɔle ye kwaadu kyɛ, “Akoaa he, yɛhyele ye kyɛ ɔbɔ yɛ maen ne anwo tokuro, na ɔbera mmenia kyɛ nnɛmaa betua toɔ bɛma Kaesare; afei koso, ɔnwa ye ala ole Ɛhene Kristo ne.”

Luka 23:2 Iomraidhean Croise

1 Ahemvo 18:17

Ahabo nwuni Elia ne, osele Elia kyɛ, “Nna wɔ ɛhe, wɔ bɔ ɛmma Yisrael nwo ndɔ ye ɔ!”

Edwein 35:11

Adanzewiafoɛ bedwɔso begyina, na edwirɛ bɔ menze ye nwo hwee ɔ yeɛ bebisa me ɔ.

Edwein 62:4

Bɛ botaeɛ ala ole kyɛ bekotu ye bekofi bia so ɔ. Bɛ nye gye ngondombo nwo; bɛfa bɛ noa beyira sona, nakoso bɛ ti anu de, bɛnoma ye. Sela

Yeremia 20:10

Mate kyɛ mmeni pee bɛ́yɛ nwuhunwuhu kyɛ, “Anwunanwuna apɛ yɛ nwo ayia, Ɛmɔhã dwirɛ betia ye! Ɛ́mɔma yɛhã dwirɛ yɛtia ye!” Mmenia amukoraa bɔ me ne bɛ yɛnnyane edwirɛ biala ne, bɛpena m’asefinɛ, na bɛnwa: “Ebiaa ɔkɔmaa yɛkɔlakalaka ye, yɛkoli ye so ngonim, ná yatɔ ye so wereɛ.”

Yeremia 38:4

Yeɛ mbanyi nemɔ hã hyirele ɛhene ne kyɛ, “Yɛsrɛ wɔ, maa behũ akoaa he, ofikyɛ ɔnate ye dwirɛ bɔ ɔkekã kyire bɛ ne aso, obu koɛhonɛfoɛ bɔ baha kuro ye anu, ɔne maen ne amukoraa b’abasa nu. Ofikyɛ akoaa he ɔmbena maen he yé, na mmom ɔpena ye ne tɛɛ.”

Amose 7:10

Afei Betel sɔfo Amasia tole ngraa ɔɔmane Yisrael hene Yeroboam kyɛ, “Amose abɔ wɔ nwo porɛ wɔ Yisrael awuro ama mɔ nu’. Ye noa dwirɛ ne amukoraa kɔbɔ maen ne.

Sakaria 11:8

Na bosome ko anu, nnuane mmoaenneafoɛ nza nemɔ bɛ boso mvili berɛ. Bɛ nwo yɛle me kra ahi, na me koso me nwo yɛle bɛ kra tɛ.

Mateo 17:27

Nakoso, kyɛbɔ ɔkɔyɛ bɔ yɛngɔyɛ sundidua yɛngɔma bɛ ne ati, kɔ ɛpo nu kɔto koaa; na tiré bɔ ekoli moa kɔhye ye ne, sɛ ebukye ye noa nu a, ekonwu sikaa prɛnprɛn wɔ nu, na fa kotua me ne wɔ yɛ deɛ.”

Mateo 22:21

Bebuale ye kyɛ, “Kaesare deɛ ɔ!” Yeɛ osele bɛ kyɛ, “Nzaade ɛ́mɔfa Kaesare deɛ bɛ́ma Kaesare, ná ɛ́mɔfa Nyameɛ deɛ bɛ́ma Nyameɛ.”

Mateo 27:11

Né Yesu gyi amrado ne nyunu berɛ; na amrado ne bisale ye kyɛ, “Wɔ ole Yudafoɛ Hene ne anaa?” Yeɛ Yesu buale ye kyɛ, “Ye ala yeɛ ahã ne.”

Marko 12:17

Yeɛ Yesu sele bɛ kyɛ, “Nzaade ɛ́mɔfa Kaesare deɛ bɛ́ma Kaesare, ná ɛ́mɔfa Nyameɛ deɛ bɛ́ma Nyameɛ.” Na ye nwo yɛle bɛ nwanwa.

Marko 15:2

Na Pilato bisale ye kyɛ, “Wɔ ole Yudafoɛ Hene ne anaa?” Na obuale ye kyɛ, “Ye ala yeɛ ahã ne.”

Luka 23:14

na ɔfa tole bɛ nyunu kyɛ, “Ɛmɔfale biaa he bɛbrɛle me, kyɛ ye yeɛ ɔma mmenia bɛyɔ basabasa wɔ maen ne anu ɔ. Na ɛ́mɔtie, mabisabisa ye dwirɛ wɔ ɛmɔ nyunu wa, nakoso kwaadu bɔ ɛmɔafa babɔ biaa he ne, mennwu kyɛ odi nu biala nwo fɔ ɔ.

Luka 23:5

Nakoso bɛhane ye serɛserɛ so kyɛ, “Ɔma mmenia yɛ maen ne anwo lɔen; ɔyɛ sɔ ngyerɛkyerɛ ne wɔ Yudea maen nu amukoraa, na ɔhyɛle ye bo Galilea, yeɛ afei wafa waadwu ɛwa po.”

Yohane 18:29

Yiti Pilato fite wale bɛ berɛ oobisale bɛ kyɛ, “Nzikyɛ kwaadu yeɛ ɛmɔfa bɛbɔ sɔ biaa ye ɔ?”

Yohane 18:30

Na bebuale ye kyɛ, “Sɛ akoaa he ɔtte mmeraatolɛniɛ a, ahaa yamva ye yammrɛ wɔ.”

Yohane 19:12

Na ofi sɔ mmerɛ ne, Pilato penane atee bɔ ɔkɔfa so kɔyakyi ye ɔ, nakoso Yudafoɛ nemɔ teateane nu kyɛ, “Sɛ ɛyakyi sɔ akoaa he a, ye de nna wɔ damvo ole Kaesare; na ebiala bɔ ɔyɛ ye nwo ɛhene ne, ɔko tia Kaesare.”

Asomafoɛ 24:13

Yeɛ koso belle ɛsoentolɛ he nwo adanzeɛ biala benni bengyire wɔ.

Asomafoɛ 24:5

Yanwu kyɛ sɔ akoaa he te busueniɛ bɔ ɔbɔ maen ɔ. Ɔfa manzoen toto Yudafoɛ amukoraa bɔ bɛwɔ ewiase amukoraa b’afia, na ye yeɛ ɔte Nasarɛtefoɛ fekue ne aso panyi ɔ.

Romanfoɛ 13:7

Ɛ́mɔtua ebiala deɛ bɔ ɔfata ye ɔ bɛ́ma ye! Ɛ́mɔtua ɛtoɔ bɛ́ma bɔ ɛtoɔ fata ye ɔ; ɛ́mɔtua ndɔ bɛ́ma bɔ ndɔ fata ye ɔ; ɛ́mɔsuro bɔ odi kyɛ besuro ye ɔ; yeɛ ɛ́mɔfa anidie bɛ́ma bɔ anidie fata ye ɔ.