Luka 23:11 - AHYERƐLƐ KRONGRON

¹¹ Na Herode ne ye asraafoɛ bɛpepɛle ye nzoaa, bɛgorole ye nwo; na afei ɔfale ataadeɛ nyemenenyemene bie wurale ye, na ɔmaa besa bɛfale ye bɛɛmane Pilato.

Luka 23:11 Iomraidhean Croise

Edwein 22:6

Nakoso me de, nde esuronyi, na nnde sona, mmenia sere me, adasa bu me animtia.

Yesaya 49:7

AWURADE, Yisrael Defoɛ ne ye Krongronniɛ ne, ɔkã kyire bɔ bebu ye kra animtia, bɔ maen maen mɔ bekyi ye, bɔ ɔte maen mbanyi atianuserɛfoɛ bɛ somvoɛ ne kyɛ, “Ahemvo mɔ konwu ye bekodwɔso, atitirefoɛ koso, na bɛkɔfa bɛ nyunu bekobutu berɛ, ɔnate nahorɛniɛ AWURADE, Yisrael Krongronniɛ bɔ waneanea nu waye wɔ ne ati.”

Yesaya 53:3

Mmenia buli ye animtia, na bɛpole ye; ɔte sona bɔ ɔfale aworabɔlɛ nu ná onwuni yealɛ ɔ, bebuli ye animtia kyɛ sona bɔ mmenia nwu ye a bɛye bɛ nye bɛto buro ɔ, yeɛ yamva ye yanyɛ huu.

Mateo 14:1

Sɔ mmerɛ ne anu, manzini hene Herode tele Yesu nga;

Mateo 14:3

Ofikyɛ né Herode wali moa wahye Yohane wakyekye ye wato kuku nu, ɔnate Herode aliɛma Filipo aye Herodiase ti.

Mateo 14:6

Na Herode krakyẽa dwuli nen, Herodiase awa abaayaa gole abilie hyirele bɛ bɔ bayia berɛ ne maa ɔyɛle Herode nyemene.

Marko 9:12

Na obuale bɛ kyɛ, “Elia kɔwa kɔɔtoto nningyein mukoraa yé amba de; nakoso bɔ bahyerɛ bafa Sona Awa ne nwo, kyɛ odi kyɛ onwu amaneɛ pee ná mmenia bu ye animtia ne koso ɛ?

Luka 23:10

Né asɔfo mbanyi ne ahyerɛlɛfoɛ nemɔ begyigyi berɛ bɔ bɛbɔ ye kwaadu yeayea paa.

Yohane 19:5

Yiti Yesu fite wale; né ɔbɔ mmowue abotire ne, na owura ataadeɛ kɔkorɛ ne. Yeɛ Pilato sele bɛ kyɛ, “Ɛ́mɔnea, biaa ne ɛhe!”

Yakobo 2:2

Na sɛ ebie bɔ owura sikaa kɔkorɛ mbɛteaa ne ataadeɛ nyemene ba ɛmɔ nyianu sua nu, ná sɛ ehianiɛ koso bɔ owura ataadeɛ turuwaa koso ba berɛ bie,

Yakobo 2:3

ná sɛ ɛmɔfa anidie bɛma bɔ owura ndaadeɛ nyemene ne, ná ɛmɔkã bekyire ye kyɛ, “Tena bia paa he aso,” ná ɛmɔkã bekyire ehianiɛ ne koso kyɛ, “Wɔ de, gyina dɔ” anaakyɛ “Tena ase wɔ me gya bo wa” a,