Luka 22:52 - AHYERƐLƐ KRONGRON

⁵² Afei Yesu sele asɔfo mbanyi ne asɔneyɛɛ sua nu awɛmvoɛ nemɔ ne maen mbanyi bɔ bɛwale kyɛ bɛbaahye ye ne kyɛ, “Ɛmɔwale kyɛ ɛmɔbaahye awerɔm awueniɛ hɔ ɔ, bɔ ɛmɔtiratira ngrandɛ ne mmopura ye?

Luka 22:52 Iomraidhean Croise

2 Ahemvo 11:15

Yeɛ ɔsɔfo Yehoada hyɛle safohene mɔ bɔ bɛlela koɛhonɛfoɛ nemɔ noa ne kyɛ, “Ɛmɔhwe ye bɛfa koɛhonɛfoɛ nemɔ anu bɛbra, na ebiala bɔ okogyina ye si ne, ɛ́mɔfa ngrandɛ behũ ye.” Na ɔsɔfo ne hane kyɛ, “Nnɛmaa ɛmɔku ye wɔ AWURADE awuro berɛ.”

Mateo 26:47

Na Yesu gu so bɔ odwudwo nen, Yudase bɔ ɔte asuafoɛ buru ne nyɔ nemɔ anu ko ne, ɔwale. Na né ɛlɔen bɔ betiratira ngrandɛ ne mmopura, bɔ befi asɔfo mbanyi ne maen mbanyi mɔ berɛ ɔ bɛboka ye so.

Mateo 26:55

Na sɔ mmerɛ ne anu ala, Yesu sele ɛlɔen ne kyɛ, “Yiti ngrandɛ ne mmopura yeɛ ɛmɔfa bɛbakye me ɔ, kyɛ awerɔm awueniɛ bɔ ɛmɔba ye so ɔ? Ndenane asɔneyɛɛ sua ne anu nyɛle ngyerɛkyerɛ daa biala, nakoso ɛmɔangye me.

Luka 22:37

Na mekã mekyire ɛmɔ kyɛ, sɔ dwirɛ he bɔ Ahyerɛlɛ ne ɔkã ne, ɔsɛ kyɛ ɔba nu wɔ me nwo kyɛ, ‘Bɛhale ye bɛfrale mmeraatolɛfoɛ.’ Ofikyɛ bɔ ɔfa me nwo ne, ye mmerɛ bɔ ɔsɛ kyɛ ɔba nu ne wadwu.”

Luka 22:4

Yiti osili nu hɔle asɔfo mbanyi ne asɔneyɛɛ sua nu awɛmvoɛ mbanyi nemɔ berɛ, na ɔne bɛ besusuli atee horɛ bɔ ɔkɔfa so kɔye Yesu kɔma bɛ ɔ nwo.

Luka 22:51

Na Yesu hane kyɛ, “Daabi, nnɛma ɛmɔyɔ sɔ ko!” Na ɔfale ye sa hane ye so ne maa ɔyɛle kyɛ ye daa ne ala.

Luka 22:53

Daa biala bɔ né me ne ɛmɔ yɛwɔ asɔneyɛɛ sua ne anu nen, ɛmɔangye me. Na ɛhe yeɛ ɔte ɛmɔ mmerɛ ne awosii tumi ɔ.”

Yohane 17:12

Mmerɛ bɔ né me ne bɛ yɛwɔ wiase ne, mvale bɛ bɔ afa bɛ ama me ne nziele wɔ wɔ dumaa nu. Mabɔ bɛ nwo waen, na bɛ nu biala ammini, sana baa bɔ wamini ne; bɔ ɔnate so Ahyerɛlɛ ne awa nu ɔ.

Asomafoɛ 5:26

Yeɛ asɔneyɛɛ sua so safohene ne ne ye asraafoɛ nemɔ hɔle bɛɛfale asomafoɛ nemɔ bɛwale. Banyɔ ye patapaa so, ofikyɛ né besuro kyɛ mmenia kɔboro bɛ nyɔboɛ.