Luka 22:43 - AHYERƐLƐ KRONGRON

⁴³ Na abɔfo fili nyameɛso ɔɔyele ye nwo ali hyirele ye, na ɔhyɛle ye nguraen.

Luka 22:43 Iomraidhean Croise

Daniel 11:1

Na me de, Medeseniɛ Dario ahennie afoɛ bɔ oli moa ne anu, ngyinane ye si kyɛ memaa otindim.

Mateo 26:53

Ɛdwene kyɛ mengɔhora ngɔsrɛ me Baba maa ɔngɔsoma abɔfo asafokure bɔ bɛbo buru ne nyɔ kekesaala ye maa bɛngɔɔboka me anaa?

Mateo 4:11

Yeɛ abɔnzam yakyili ye berɛ, na yieee, abɔfo mɔ wale bɛɛsole ye.

Mateo 4:6

na osele ye kyɛ, “Sɛ wɔ ole Nyameɛ Awa ne a, to wɔ nwo ye aseɛnwo dɔ, ofikyɛ bahyerɛ kyɛ, ‘Wɔ ti, ɔkɔfa ahyɛdeɛ kɔma ye abɔfo mɔ, na bɛkɔsoa wɔ wɔ bɛ sa so, amaa ɔnate so wɔ gya ambura nyɔboɛ.’ ”

Luka 22:32

Nakoso mabɔ mbaeɛ mama wɔ, kyɛbɔ wɔ gyidie ngɔtɔ ase ɔ, amaa sɛ esa gyina wɔ gya so a, ahyɛ eliɛma mɔ nguraen.”

Asomafoɛ 14:22

na bɛhyɛle asuafoɛ nemɔ kra nguraen, betuli bɛ foɛ kyɛ bɛhɔ so begyina pindinn wɔ gyidie ne anu, na bɛhane kyɛ, ɔsɛ kyɛ yɛfa amaneɛnwunɛ pee nu yɛkɔ Nyameɛ ahennie nu.

Asomafoɛ 18:23

Ɔhyɛle berɛ kãa, na afei ofili berɛ oohyinini Galatia ne Frigyea mbɔtam hyɛle asuafoɛ nemɔ amukoraa nguraen.

Deuteronomi 3:28

Nakoso fa w’adwuma ne wura Yosua sa, kanyane ye ná hyɛ ye nguraen, ofikyɛ ye yeɛ okotua mmenia hemɔ noa maa bɛkɔpɛ asue ne ɔ, na ye yeɛ ɔkɔma bɛ sa kɔha aseɛ bɔ ekonwu ye ne ɔ.’

1 Timoteo 3:16

Aporowaa biala nne ye nwo kyɛ nyamesom nu mvealeɛ nu dwirɛ ne ɔte piri: Nyameɛ lale ye nwo ali anwoɔnaen nu, olili be wɔ Sunzum nu; abɔfo mɔ nwuni ye, bɛbɔle ye nwo dawure wɔ maen maen nu; belele ye belili wɔ wiase, na bɛfale ye bɛhɔle nyameɛso animnyam nu.

Hebrifoɛ 1:14

Aso bɛ mukoraa bɛtte sunzum asomvoɛ mɔ, bɔ ɔsoma bɛ maa bɛkɔɔso mmenia bɔ bekonya ngoalelɛ ɔ?

Hebrifoɛ 1:6

Nakoso mmerɛ bɔ Nyameɛ baasoma ye bamuɛbaa ne maa ɔba wiase ne de, ɔhane kyɛ, “Ɔsɛ kyɛ Nyameɛ abɔfo mukoraa bɛsɔne ye.”

Hebrifoɛ 2:17

Ɛhe ati, né ohia kyɛ ɔyɛ kyɛ oliɛma nemɔ wɔ atee biala so, amaa wahora wayɛ sɔfo panyi paa bɔ odi nahorɛ, bɔ ɔse anwumvoin wɔ Nyameɛ dwumadie nu, ná wafa ye nwo wayɛ mbata wama adasa bɔne.