Luka 22:36 - AHYERƐLƐ KRONGRON

³⁶ Yeɛ osele bɛ kyɛ, “Nakoso afei de, ebiala bɔ ole sikaabɔtɔ ne, ɔsɛ kyɛ ɔfa, yeɛ ye ateetulɛ bɔtɔ koso sɔ ala; na ebiala bɔ olle ngrandɛ ne de, ɔsɛ kyɛ ɔtɔne ye tena fa tɔ ngrandɛ.

Luka 22:36 Iomraidhean Croise

Mateo 10:10

nnɛma ɛmɔfa ateetulɛ bɔtɔ, anaa ndaadeɛ nyɔ, anaa mbaboa, anaa pɔmaa, ofikyɛ adwumayɔlɛniɛ fata kyɛ ye sa kã ye aleɛ ɔ.

Luka 22:35

Na obisale bɛ kyɛ, “Mmerɛ bɔ nzomane ɛmɔ bɔ ɛmɔamva sikaabɔtɔ, anaa ateetulɛ bɔtɔ, anaa mbaboa ne, nikyee bie hiane ɛmɔ anaa?” Na bebuale kyɛ, “Daabi, yanhia hwee.”

Luka 22:37

Na mekã mekyire ɛmɔ kyɛ, sɔ dwirɛ he bɔ Ahyerɛlɛ ne ɔkã ne, ɔsɛ kyɛ ɔba nu wɔ me nwo kyɛ, ‘Bɛhale ye bɛfrale mmeraatolɛfoɛ.’ Ofikyɛ bɔ ɔfa me nwo ne, ye mmerɛ bɔ ɔsɛ kyɛ ɔba nu ne wadwu.”

Luka 22:38

Yeɛ besele ye kyɛ, “Awurade, nea! Ngrandɛ nyɔ wɔ wa.” Na osele bɛ kyɛ, “Ɛ́mɔpɛ dwirɛ he aso!”

Yohane 15:20

Ɛ́mɔkaye edwirɛ bɔ nga ngyirele ɛmɔ ne, kyɛ, ‘Akoaa ndra ye mene.’ Sɛ bɛtanene me nye a, bɛkɔtane ɛmɔ koso bɛ nye; sɛ belili me dwirɛ so a, bekoli ɛmɔ deɛ so koso.

Yohane 16:33

Mahã ɛhemɔ mahyire ɛmɔ, amaa ɔnate so ɛmɔanya me nu asomdwee. Ɛmɔkɔfa amaneɛ nu wɔ wiase de, nakoso ɛ́mɔma ɛmɔ ahone tɔ ɛmɔ kunu! Mali wiase so ngonim.”

1 Tɛsalonikafoɛ 3:4

Ɔnate kyɛ, mmerɛ bɔ né yɛwɔ ɛmɔ berɛ nen, yɛlili moa yɛhã yɛhyirele ɛmɔ kyɛ yɛkonwu amaneɛ, na kyɛbɔ ɛmɔse nen, sɔ ala koso yeɛ wasi ɔ.

1 Petro 4:1

Na kyɛbɔ ɔnate yɛ ti yeɛ Kristo nwuni amaneɛ wɔ anwoɔnaen nu ne, ɛmɔ koso, ɔsɛ kyɛ ɛmɔnya sɔ adwene ne ná ɛmɔmia ɛmɔ nye; ofikyɛ ebiala bɔ wanwu anwoɔnaen nu amaneɛ ne, wayakyi bɔne yɔlɛ;