Luka 22:33 - AHYERƐLƐ KRONGRON

³³ Na Petro buale ye kyɛ, “Awurade, maboaboa me nwo kyɛ me ne wɔ yɛkɔhɔ kuku nu ne ewue nu.”

Luka 22:33 Iomraidhean Croise

Anyandera 28:26

Ebiala bɔ ɔfa ye nwo to ye nworɛ so ne, ɔte kwaseaa, nakoso ebiala bɔ ɔfa nworɛ to ye brabɔlɛ nwo ne, okonya ngoa.

Yeremia 10:23

Ao AWURADE, mese kyɛ kuro sona ye asetena nu dwirɛ, ɔnne ye bɔbɔ ye sa nu; kyɛ kuro sona biala ye asetena nu, olle ye nwo.

Yeremia 17:9

Ahone te nnakannaka tra nikyee biala, ɔte kanda paa. Na nwa yeɛ okonwu nu dwirɛ ɔ?

Mateo 20:22

Nakoso Yesu buale kyɛ, “Ɛmɔnze bɔ ɛmɔbisa ɔ. Kulie bɔ mebaano (ye noa) ne, aso ɛmɔkɔhora bɛkɔno anaa? [Yeɛ, asubɔlɛ bɔ bɛbaafa bɛbɔ me ne, ɛmɔkɔhora maa bɛkɔfa ebie bɛkɔbɔ ɛmɔ anaa?”] Na bebuale ye kyɛ, “Yɛkɔhora.”

Marko 14:29

Yeɛ Petro sele ye kyɛ, “Sɛ ɔkɔyɛ sundidua kɔma bɛ mukoraa po a, me de, ɔngɔyɛ sundidua ngɔma me.”

Marko 14:31

Nakoso Petro sili so anyeborolɛ so kyɛ, “Sɛ ɔba kyɛ me ne wɔ yɛwu po a, mengɔpa wɔ si le.” Na sɔ ala yeɛ bɛ mukoraa bɛhane ɔ.

Luka 22:34

Na Yesu sele kyɛ, “Petro, mekã mekyire wɔ kyɛ, ɛnɛ, anzana akɔ kɔbɔ ne, né asa ye pɛen nza kyɛ ɛnze me.”

Luka 22:57

Nakoso ɔsale kyɛ, “Mmobraa, menze ye oo!”

Yohane 13:38

Yeɛ Yesu buale ye kyɛ, “Aso ɛkɔfa wɔ ngoa kɔto berɛ kɔma me? Nahorɛ nu paa, mekã mekyire wɔ kyɛ, akɔ ngɔbɔ né ahã ye pɛen nza kyɛ ɛnze me.”

Asomafoɛ 21:13

Nakoso obuale yɛ kyɛ, “Na esuɛ ye koso ɛ? Bɔ bɛyɔ sɔ bɛma m’aba nu bu ye! Me de, nna kuku nu nnaa ngome yeɛ masiesie me nwo mama ɔ, na mmom kyɛ Awurade Yesu dumaa ti ngowu wɔ Yerusalem ɔ.”