Luka 22:26 - AHYERƐLƐ KRONGRON

²⁶ Nakoso ɛmɔ de, ɔnzɛ kyɛ ɔba ye sɔ ɔ; na mmom bɔ ɔte titire wɔ ɛmɔ nu ne, ɔsɛ kyɛ ɔyɛ kyɛ ɔte kãa; yeɛ bɔ ɔla ɛmɔ noa ne, ɔsɛ kyɛ ɔyɛ kyɛ ebie bɔ ɔso ɔ.

Luka 22:26 Iomraidhean Croise

Mateo 20:26

Nakoso ɛmɔ nu de, ɔnzɛ kyɛ ɔba ye sɔ ɔ. Na mmom ebiala bɔ ɔpena kyɛ ɔyɛ ɛmɔ so panyi nen, ɔsɛ kyɛ ɔyɛ ɛmɔ somvoɛ;

Marko 10:43

Nakoso ɛmɔ nu de, ɔnzɛ kyɛ ɔba ye sɔ ɔ. Na mmom ebiala bɔ ɔpena kyɛ ɔyɛ ɛmɔ so panyi nen, ɔsɛ kyɛ ɔyɛ ɛmɔ somvoɛ;

Marko 9:35

Yeɛ Yesu tenane ase, ɔfrɛle asuafoɛ buru ne nyɔ ne, na osele bɛ kyɛ, “Sɛ ebie pena kyɛ odi moa a, maa oli bɛ mukoraa bɛ si, ná ɔyɛ bɛ mukoraa bɛ somvoɛ.”

Luka 9:48

na osele bɛ kyɛ, “Ebiala bɔ okole akwadaa he kɔto nu me dumaa nu nen, né wale me wato nu; yeɛ ebiala bɔ okole me kɔto nu nen, né wale bɔ ɔsomane me ne wato nu. Ofikyɛ, bɔ ɔte kãa paa wɔ ɛmɔ amukoraa bɛ nu ne, ye yeɛ ɔte titire paa ɔ.”

Romanfoɛ 12:2

Nnɛma ɛmɔyɛ ɛmɔ nwo kyɛ wiase he, na mmom ɛ́mɔma ɛmɔ adwene nu foforɛyɛlɛ ne ɔsakyera ɛmɔ, amaa ɔnate so ɛmɔanwu bɔ ɔte Nyameɛ apɛdeɛ ɔ, bɔ ɔte paa, ɔsɔ anyeɛ ná odi mu ɔ.

1 Petro 5:3

bɔ ɔnzɛ kyɛ ɛmɔhyɛ bɛ bɔ bewura ɛmɔ sa ne aso, na mmom kyɛ ɛ́mɔyɛ nhwɛsoɛ bɛ́ma mmoaen kure ne ɔ.

1 Petro 5:5

Sɔ ala yeɛ ɛmɔ bɔ ɛmɔte mmabunu ne koso, ɔsɛ kyɛ ɛmɔbrɛ ɛmɔ nwo ase bewura mbanyi mɔ bo ɔ. Ɛmɔ amukoraa, ɛ́mɔfa anwobrɛaseɛ bɛ́hera, ná ɛ́mɔfa bɛ́so ɛmɔ nwo ngoko ngoko, ofikyɛ Nyameɛ nye sa anwomasoɛfoɛ, na ɔdo anwobrɛaseɛfoɛ.