Luka 22:20 - AHYERƐLƐ KRONGRON

²⁰ Sɔ ala yeɛ bedidili beyiele ne, ɔfale kulie, na ɔhane kyɛ, “Kulie he bɔ ɛmɔ ti béhwie bégua ye, ɔte apam foforɛ wɔ me mogya nu.

Luka 22:20 Iomraidhean Croise

Ɛksadɔso 24:8

Afei ɔfale mogya ne petene mmenia ne anwo, na ɔhane kyɛ, “Apam bɔ AWURADE nate edwirɛ he amukoraa so ɔne ɛmɔ bayɛ ne, mogya he yeɛ osi ye agyinayɛɛ ɔ.”

Yeremia 31:31

“Tie, mmerɛ bie ɔ́ba bɔ me ne Yisrael awuro ama ne Yuda awuro ama yɛkɔyɛ apam foforɛ, AWURADE noa dwirɛ ɛne.

Sakaria 9:11

Na wɔ koso, ɔnate w’apam mogya ne ati, wɔ mmenia bɔ begua kuku nu ne, ngɔye bɛ ngofi kumaa bɔ nzue nne nu ne anu.

Mateo 26:28

ofikyɛ ɛhe yeɛ ɔte me mogya bɔ ogyi berɛ ma apam bɔ mmenia pee ti béhwie bégua bɛ́ma bɔnefakyɛ ɔ.

Marko 14:24

Na osele bɛ kyɛ, “Ɛhe te me mogya bɔ ɔte apam foforɛ mogya bɔ mmenia pee ti béhwie bégua ɔ.

1 Korintofoɛ 11:25

Sɔ ala yeɛ bedidi beyiele nen, ɔfale kulie ne, na ɔhane kyɛ, “Kulie he te apam foforɛ me mogya nu; mmerɛ biala bɔ ɛmɔkɔno ne, ɛ́mɔyɔ he bɛ́fa bɛ́kaye me.”

2 Korintofoɛ 3:6

Ye yeɛ wamaa yafata kyɛ yɛyɛ apam foforɛ ne nwo asomvoɛ ɔ, nna mmeraa bɔ bahyerɛ ɔ nu, na mmom Sunzum nu, ofikyɛ bɔ bahyerɛ ne ma ewue, nakoso Sunzum ne de ɔma ngoa.

Hebrifoɛ 12:24

Ɛmɔawa Yesu bɔ ɔte apam foforɛ ne anu ndamgyinaniɛ, ɔne mogya bɔ bɛfa bɛpetene bɔ ɔkã nningyein paa nwo dwirɛ tra Abel deɛ ne berɛ.

Hebrifoɛ 13:20

Asomdwee Nyameɛ bɔ ɔnate apam bɔ ɔwɔ berɛ afebɔɔ mogya ne aso tingyele y’Awurade Yesu bɔ ɔte Mmoaenneafoɛ panyi ne fili awufoɛ nu ne,

Hebrifoɛ 9:15

Ye sɔ ne ati, Yesu te apam foforɛ ne anu ndamgyinaniɛ. Ɔnate kyɛ, ɔfale ye wue bɔ owuli ne yele adasa fili bɛ bɔne bɔ bɛyɔle ye wɔ apam bɔ oli moa ne anu; amaa bɛ bɔ Nyameɛ afrɛ bɛ ne banya agyapadeɛ afebɔɔ bɔhyɛ ne.

Hebrifoɛ 9:17

ofikyɛ sɛ sona bɔ ɔyɔle sɔ nzamanzeɛ ne tɛte ase de a, ye de nzamanzeɛ ne nyɔ adwuma, sana owu koraka.