Luka 22:19 - AHYERƐLƐ KRONGRON

¹⁹ Afei ɔfale paanoo, ɔlale ase, obubuli nu fa mane bɛ, na ɔhane kyɛ, “Ɛhe te me nwonaen bɔ ɛmɔ ti bɛ́fa bɛ́ma ɔ; ɛ́mɔyɔ he bɛ́fa bɛ́kaye me.”

Luka 22:19 Iomraidhean Croise

Edwein 111:4

Wamaa bɛkaye ye anwanwadeɛ nnwumaa nemɔ; AWURADE do mmenia, na ɔse anwumvoin.

Edwein Nu Dwein 1:4

Twetwe me bra wɔ nwo, ma yɛ nwo ɔyɛ nyera. Ao, ɛhene ne afa me awa ye pumbu nu. Yɛ nye kɔhã, ná yali wɔ nwo ahurusi, wɔ hurolɛ ne, yɛkɔkamvo ye yɛkɔtra bobe nzaa. Ɔnyɛ nwanwa kyɛ bekuro wɔ ɔ.

Hesekiel 37:11

Yeɛ osele me kyɛ, “Sona awa, mmowue hemɔ ole Yisrael awuro ama amukoraa. Tie, bɛnwa: ‘Yɛ mmowue nwo ayɛ kokwakokwa, yɛ anyelasoɛ atu amini, yeɛ waye ye sa wafi yɛ bo koraa.’

Hesekiel 5:5

AWURADE Nyameɛ nwa nyoo: Yerusalem ɛhe; mafa ye magyina maen maen mɔ b’afia, bɔ aseɛ mɔ bapɛ ye nwo bayia ɔ.

Daniel 2:38

Nekaa biala bɔ kuro mmenia, eburo ngaka ne ewienu nnomaa bɛte ne, wafa bɛ wawura wɔ sa, na wamaa ali bɛ mukoraa bɛ so tumi. Wɔ ole sikaa kɔkorɛ tire ne.

Mateo 14:19

Afei ɔmane ɛlɔen ne bɛtenatenane ase wɔ ɛserɛ ne aso. Na ɔfale paanoo nnu ne tiré nyɔ ne, ɔtole ye nye neane nyameɛso, oyirale so, obubuli nu, na ɔfale paanoo ne mane ye asuafoɛ nemɔ, na asuafoɛ nemɔ koso bɛfa bɛmane ɛlɔen ne.

Mateo 15:36

Afei ɔfale paanoo nzoo ne ne tiré ne, ɔlale ase, na obubuli nu, ɔfa mane ye asuafoɛ nemɔ, na asuafoɛ nemɔ koso bɛfa bɛmane ɛlɔen ne.

Luka 22:17

Afei Yesu fale kulie ne, ɔlale ase, na ɔhane kyɛ, “Ɛmɔle he, ná ebiala no bie.

Luka 22:20

Sɔ ala yeɛ bedidili beyiele ne, ɔfale kulie, na ɔhane kyɛ, “Kulie he bɔ ɛmɔ ti béhwie bégua ye, ɔte apam foforɛ wɔ me mogya nu.

Luka 24:30

Na ɔwale kyɛ ɔne bɛ bɛtenane poen nwo kyɛ bedidi nen, ɔfale paanoo ne, oyirale so, na obubuli nu fa mane bɛ.

Yohane 6:23

Nakoso ɛlɛen biemɔ fili Tiberia bɛwale bepingyele nekaa bɔ Awurade lale ase, ná belili paanoo ne.

Yohane 6:51

Me ole ngoa paanoo bɔ ofi nyameɛso wale ase ne; na sɛ ebie di paanoo he bie a, ɔkɔtena ase daa; na paanoo bɔ ngɔfa ngɔma wiase ngoa ne, ye ole me nwonaen.”

1 Korintofoɛ 10:16

Yɛda Awurade Adidie kulie bɔ bayira so ne nwo ase a, aso ongyire kyɛ yɛne Kristo mogya ne afa abiɛngoɛ anaa? Paanoo bɔ yɛbubu ne, aso ongyire kyɛ yɛne Kristo nipadua ne afa abiɛngoɛ anaa?

1 Korintofoɛ 10:4

na bɛ mukoraa bɛnone sunzum nu anonneɛ komapɛ ne ala. Ofikyɛ, sunzum nu Nyɔbotaen bɔ né oli bɛ si ne, nu nzue yeɛ bɛnone ɔ, na sɔ Nyɔbotaen ne ole Kristo.

Galatiafoɛ 1:4

Ye yeɛ ɔfale ye ngoa tole berɛ mane yɛ bɔne ɔ, amaa ɔnate so waye yɛ wafi kekesaala ye bɔne wiase ye anu, kyɛbɔ yɛ Baba Nyameɛ apɛdeɛ te ne.

Galatiafoɛ 4:25

Hagar gyi berɛ ma Sinai bokaa ne bɔ ɔwɔ Arabia, na osa gyi berɛ ma ɛnɛ Yerusalem, ofikyɛ Yerusalem ne ye mma wɔ ngoaasolɛ nu.

Ɛfesofoɛ 5:2

Ɛ́mɔfa ɔdɔ bɛbɔ ɛmɔ bra, kyɛbɔ Kristo koso hurole yɛ dwirɛ ná ɔfale ye ngoa tole berɛ mane yɛ kyɛ ayɛyɛdeɛ ne afɔleɛ fonafona mane Nyameɛ ne.

1 Tɛsalonikafoɛ 5:18

Ɛ́mɔfa asennaa bɛ́ma Nyameɛ wɔ nikyee biala nu, ofikyɛ ɛhe yeɛ ɔte Nyameɛ apɛdeɛ wɔ Kristo Yesu nu ma ɛmɔ ɔ.

Tito 2:14

Ye yeɛ ɔfale ye ngoa tole berɛ mane yɛ ɔ, kyɛbɔ okole yɛ kofi amumuyɛɛ amukoraa nu, ná wate yɛ nwo wafa yɛ wayɛ ye bɔbɔ ye mmenia sonongo bɔ bɛbɔ nnwumaa paa nwo mmɔden ɔ.

1 Petro 2:24

Ye bɔbɔ yeɛ ɔsoale yɛ bɔne wɔ ye nipadua nu hɔle bakaa ne aso ɔ, kyɛ, sɛ yawu yafi bɔne nu de a, ɔsɛ kyɛ yɛtena ase yɛma tenenee. Na ye nwo beabealɛ ne yeɛ wafa wasa ɛmɔ anwonyerɛ ɔ.