Luka 22:18 - AHYERƐLƐ KRONGRON

¹⁸ Na mekã mekyire ɛmɔ kyɛ, ofi ɛnɛ bɔ ɔkɔ ɔ, mengɔno bobe nzaa he ko kɔpem kyɛ Nyameɛ ahennie ne kɔwa ɔ.”

Luka 22:18 Iomraidhean Croise

Edwein 104:15

ɔne nzaa bɔ ɔma sona nye gye ɔ, ɔne sakyeɛ bɔ ɔma sona nyunu yɛ mmenanwo mmenanwo ɔ, yeɛ aleɛ bɔ ɔma sona wora kyekye ɔ.

Edwein Nu Dwein 5:1

Nniɛma brasua, m’atɔmvorɛ braa, mawa me turo ne anu, méboaboa me korobo ne m’ayirefona ne noa, médi me woɛ bɔ ɔwɔ ye nzasameɛ nu ɔne me woɛ ne, méno me nzaa ne me nyɔfonesue ne. Me mmango mɔ, ɛ́mɔdidi ná ɛ́mɔno, adɔfo mɔ, ɛ́mɔno ma ɛmɔ ko yi.

Yesaya 25:6

Bokaa he aso yeɛ Asafo AWURADE kɔto poen kɔma maen amukoraa ɔ: Ɔkɔma bɛ aleɛ paa, nzaa paa, naen bɔ bowue nu fonyi wɔ nu, yeɛ nzaa bɔ basongyi so ɔ.

Yesaya 55:1

“Huuu, ɛmɔ bɔ nzuhɔen ku ɛmɔ ee, ɛmɔbra nzue ne anwo oo; ɛmɔ bɔ ɛmɔlle sikaa po ne, ɛmɔbra bɛɛtɔ ná beli oo! Ɛmɔbra bɛɛtɔ nzaa ne nyɔfonesue bɔ ɛmɔngɔfa sikaa yeɛ bɛkɔtɔ ɔ, bɔ nyɔboɛ biala ɔlla so ɔ.

Daniel 2:44

Na sɔ ahemvo nemɔ aberɛ so, nyameɛso Nyameɛ kɔma ahennie bɔ ɔngɔsɛkye le ɔ kɔye ye ti, na sɔ ahennie ne, bɛngɔkakyi bengowura maen foforɛ sa. Sɔ ahennie ne kɔsɛkye ahennie nemɔ amukoraa kɔmaa bɛkɔbɔ bɔkɔɔ, nakoso ye de, okogyina afebɔɔ.

Sakaria 9:15

Asafo AWURADE kɔbɔ bɛ nwo waen, bekoli ngonim, bekohwi bɛkɔfa taya nyɔboɛ so, bɛkɔno, na bɛkɔbɔ ese kyɛ ebiaa babobo ne, bɛ ko koyi kyɛ talie, kyɛ afɔleɛ bokyea ndweasoɛ nemɔ.

Sakaria 9:17

Ah, kyɛbɔ osi te paa ɔ, kyɛbɔ ye nwo si yɛ nyemene ɔ! Aburoo kɔma mmerandeɛ mɔ kɔyɛ tukutukuu, na nzaa monɛ koso kɔma ndaluwa kɔyɛ sɔ ala.

Mateo 16:18

Na me, mekã mekyire wɔ kyɛ: Wɔ ole Petro, na nyɔbotaen he aso yeɛ ngosi m’asɔre ngosie ɔ, na ewue tumi ngɔhora ngoli so ngonim.

Mateo 26:29

Na mekã mekyire ɛmɔ kyɛ, ofi ɛnɛ bɔ ɔkɔ ɔ, mengɔno bobe nzaa he ko kodwu kyẽa bɔ me ne ɛmɔ yɛkɔno ye foforɛ wɔ me Baba ahennie nu ɔ.”

Marko 14:23

Na ɔfale kulie, na ɔlale ase nen, ɔfa mane bɛ, na bɛ mukoraa bɛnone bie.

Marko 14:25

Nahorɛ nu, mekã mekyire ɛmɔ kyɛ, mengɔno bobe nzaa ko kɔpem kyẽa bɔ ngɔno ye foforɛ wɔ Nyameɛ ahennie ne anu ɔ.”

Marko 15:23

Bɛmane ye nzaa bɔ bafa ayirefona bafra nu ɔ, nakoso wanno.

Marko 9:1

Na Yesu sele bɛ kyɛ, “Nahorɛ nu, mekã mekyire ɛmɔ kyɛ, mmenia biemɔ gyigyi wa bɔ bengonwu ewue, kɔpem kyɛ bekonwu Nyameɛ ahennie ne kyɛ ole tumi wawa ɔ.”

Luka 21:31

Sɔ ala yeɛ ɛmɔ koso, sɛ ɛmɔnwu kyɛ sɔ nningyein hemɔ besisi a, odi kyɛ ɛmɔnwu kyɛ Nyameɛ ahennie ne apingye.

Luka 22:16

Na mekã mekyire ɛmɔ kyɛ, mengoli bie ko maa okoodwu kyɛ ɔkɔwa nu wɔ Nyameɛ ahennie nu ɔ.”

Luka 9:27

Nahorɛ nu, mekã mekyire ɛmɔ kyɛ, mmenia biemɔ gyigyi wa bɔ bengonwu ewue, kɔpem kyɛ bekonwu Nyameɛ ahennie ne koraka ɔ.”

Kolosefoɛ 1:13

Wapepɛ wale yɛ wafi awosii tumi nu, na waasikye yɛ wɔ Ɔwa bɔ okuro ye dwirɛ n’Ahennie nu;

Maenbulɛfoɛ 9:13

Nakoso bobe buale bɛ kyɛ, ‘Aso me nzaa, bɔ ɔma nyameɛ mɔ ne adasa bɛ nye gye ne, nyakyi ye yɔlɛ, ná ngongyini mmakaa mɔ so anaa?’