Luka 22:12 - AHYERƐLƐ KRONGRON

¹² Na okohyire ɛmɔ aborɔsaen so asaso pirikua bɔ basiesie nu ɔ; na berɛ yeɛ ɛ́mɔsiesie Abɔtra aleɛ ne ɔ.”

Luka 22:12 Iomraidhean Croise

Luka 22:11

ná ɛmɔhã behyire awuro ne mene kyɛ, ‘Kyerɛkyerɛniɛ ne, bɔ ɔkã kyire wɔ hɔ ɛhe: Ɛwɔfoɛ sua bɔ nu yeɛ me ne m’asuafoɛ yɛkoli Abɔtra aleɛ nen, ɔwɔ ni?’

Luka 22:13

Bɛhɔle beenwuni nikyee biala pɛpɛɛpɛ kyɛbɔ ɔhã hyirele bɛ ne; na besiesiele Abɔtra aleɛ ne.

Yohane 2:25

yiti onhia kyɛ ebiala koli sona nwo adanzeɛ kohyire ye ɔ, ɔnate kyɛ ye bɔbɔ ɔse mmenia mukoraa ahone nu dwirɛ.

Yohane 21:17

Yesu bisale ye ye pɛen nza so kyɛ, “Simɔn, Yohane awa, aso ekuro me dwirɛ?” Na Petro wora bɔle kyɛ wabisa ye pɛen nza kyɛ, “Aso ekuro me dwirɛ?” Na obuale ye kyɛ, “Awurade, ɛse nikyee biala; ɛse kyɛ mekuro wɔ dwirɛ.” Yeɛ Yesu sele ye kyɛ, “Nea me mmoaen nemɔ so.

Asomafoɛ 1:13

Bedwuli kuro ne anu ne, bɛhɔle sua bie anu wɔ aborɔsaen so; na berɛ yeɛ né Petro, Yohane, Yakobo ne Andrea, Filipo ne Tɔmase, Batolomeo ne Mateo, Alfeo awa Yakobo, Simɔn Selote, yeɛ Yakobo awa Yudase bɛte ɔ.

Asomafoɛ 20:8

Né nganea pee wɔ aborɔsaen ne aso nekaa bɔ yɛyiale ne.