Luka 21:8 - AHYERƐLƐ KRONGRON

⁸ Yeɛ Yesu buale kyɛ, “Ɛ́mɔla ɛmɔ nwo so ná bannakalaka ɛmɔ; ofikyɛ mmenia pee bele me dumaa bɛkɔwa bɛkɔɔhã kyɛ, ‘Me ole ye,’ ɔne kyɛ ‘Mmerɛ ne adwu!’ Yiti nnɛma ɛmɔdi bɛ si.

Luka 21:8 Iomraidhean Croise

Yeremia 29:8

Ofikyɛ Asafo AWURADE, Yisrael Nyameɛ nwa nyoo: Nnɛmɔma ɛmɔ nu ngɔmhyɛlɛfoɛ ne ngonyaayelɛfoɛ nemɔ bɛlakalaka ɛmɔ, yeɛ nnɛma ɛmɔtie bɛ laleɛ bɔ bɛkyekye nemɔ.

Mateo 24:11

Na ngɔmhyɛlɛfoɛ ngondombofoɛ pee bekodwɔso, ná balakalaka mmenia pee.

Mateo 3:2

Ɔnwa, “Ɛ́mɔsakyera ɛmɔ adwene, ofikyɛ nyameɛso ahennie ne apingye!”

Mateo 4:17

Ofi mmerɛ sɔ ne yeɛ Yesu hyɛle ye bo hane nzɛmba ne kyɛ, “Ɛ́mɔsakyera ɛmɔ adwene, ofikyɛ nyameɛso ahennie ne apingye!”

Luka 17:23

Na bekose ɛmɔ kyɛ, ‘Nea dɔ!’ anaa ‘Nea wa!’ Nakoso nnɛma ɛmɔkɔ, yeɛ nnɛma ɛmɔdi bɛ si.

Luka 21:7

Na bebisale Yesu kyɛ, “Kyerɛkyerɛniɛ, kyinzu yeɛ ɛhemɔ kosi ɔ? Na sɛ ɛhemɔ bɛbaasi a, sɛɛ yeɛ ye nwo sɛngyerɛnneɛ kɔyɛ ɔ?”

Luka 21:9

Na sɛ ɛmɔte koɛ mɔ ne basabasayɔlɛ nwo dwirɛ a, nnɛma ɛmɔsuro; ofikyɛ, odi kyɛ ɛhemɔ bedi moa besisi, nakoso ayieleɛ ne ngɔwa berɛ ne ala.”

Yohane 5:43

Me Baba dumaa nu yeɛ mmale ɔ, nakoso ɛmɔnne me bɛndo nu; na sɛ ebie ba ye bɔbɔ ye dumaa nu a, ye de ɛmɔkole ye bɛkɔto nu.

Yohane 8:24

Ye sɔ ati yeɛ nzele ɛmɔ kyɛ, ɛmɔkowu ɛmɔ bɔne nu ne; na sɛ ɛmɔanne banni kyɛ me ole ye a, ɛmɔkowu ɛmɔ bɔne nu.”

Yohane 8:28

Yiti Yesu hane kyɛ, “Sɛ ɛmɔnya bɛma Sona Awa ne so a, yeɛ ɛmɔkonwu kyɛ me ole ye ɔ; na memva me bɔbɔ me tumi menyɔ nikye fee, na mmom kyɛbɔ Baba ne hyirehyirele me ne, sɔ ala yeɛ mekã ɔ.

1 Korintofoɛ 6:9

Ɛmɔnze kyɛ bɔnefoɛ ngɔhɔ Nyameɛ ahennie ne anu hɔ ɔ? Nnɛma ɛmɔlakalaka bɛ nwo: adwamanbɔlɛfoɛ, bosoensolɛfoɛ, agyaasɛkyelɛfoɛ, mmrasua bɔ bɛ ne mmrasua da, mmienzua bɔ bɛ ne mmienzua da,

Ɛfesofoɛ 5:6

Nnɛmɔma ebiala fa edwirɛ mbaen mbaen lakalaka ɛmɔ, ofikyɛ sɔ nningyein nemɔ ati yeɛ Nyameɛ ahonehulɛ ba asoserɛfoɛ so ɔ.

2 Tɛsalonika 2:3

Nnɛmɔma ebiala lakalaka ɛmɔ wɔ atee biala so; ofikyɛ sɔ kyẽa ne ngɔwa, sana ɛlɔenyɛlɛ ne ba koraka; na afei bala amumuyɛɛniɛ ne ali koraka, baa bɔ wamini ne.

2 Timoteo 3:13

Na amumuyɛɛfoɛ ne aminɛlilɛfoɛ bɛkɔhɔ so bɛkɔlɔ asukɔ wɔ bɔne nu; bɛkɔlakalaka mmenia, ná mmenia koso alakalaka bɛ.

1 Yohane 4:1

Aliɛmaa mɔ, nna sunzum biala yeɛ ɔsɛ kyɛ ɛmɔde ye bedi ɔ, na mmom ɛmɔso sunzum nemɔ bɛnea sɛ aso bɛte Nyameɛ deɛ anaa; ofikyɛ ngondombo ngɔmhyɛlɛfoɛ pee badwɔso wɔ wiase.

2 Yohane 1:7

Ofikyɛ nnakannakafoɛ pee bawa wiase, na bɛ yeɛ benne bɛndo nu kyɛ Yesu Kristo awa anwoɔnaen nu waayɛ kuro sona ɔ. Na sona biala bɔ ɔyɔ sɔ ne, ɔte ngondomboniɛ ne antikristo.

Nyekyire 1:3

Na ebiala bɔ ɔkenga nyekyire ne kyire, ɔne bɛ bɔ betie, ná betira bɔ bahyerɛ ye wɔ nu ne anu ne, ɔte saleɛ ma bɛ; ofikyɛ mmerɛ ne apingye.

Nyekyire 12:9

Yiti betuli sasrabɔnzam kandinga ne befili berɛ, sɔ daa tetetete ewoo ne, bɔ bɛfrɛ ye Abɔnzam ne Satan ne, bɔ ɔlakalaka wiase amukoraa ne; befindini ye bɛtole aseɛ so, na befindini ye ne ye abɔfo mɔ yeɛ bɛtole ɔ.