Luka 21:37 - AHYERƐLƐ KRONGRON

³⁷ Ɔyɛle ngyerɛkyerɛ daa biala wɔ asɔneyɛɛ sua ne anu, na aleɛ dwo a, né ofi berɛ kɔtena bokaa bɔ bɛfrɛ ye Olive Bokaa ne aso.

Luka 21:37 Iomraidhean Croise

Sakaria 14:4

Sɔ kyẽa ne, ye gya kogyinagyina Olive bokaa bɔ ɔwɔ Yerusalem ndendeneɛ so wɔ eyia afiteleɛ ne aso. Olive bokaa ne anu kodwa nyɔ kofi eyia afiteleɛ koodwu eyia atɔleɛ maa ɔkɔyɛ bɔnza kandinga paa, maa ɔnate so bokaa ne bue kɔhwe kɔhɔ sorɔ dɔ, ná ye bue koso wahwe wahɔ ngwaen dɔ.

Mateo 21:1

Na mmerɛ bɔ bepingyele Yerusalem, ná bedwuli Betefage bɔ ɔwɔ Olive Bokaa ne anwo nen, Yesu somane asuafoɛ nemɔ nyɔ

Mateo 21:17

Na ɔyakyili bɛ berɛ fili kuro ne anu hɔle Betania ɔɔlale berɛ.

Mateo 26:30

Afei bɛtole ayɛyelɛ dwein, na befili berɛ bɛhɔle Olive Bokaa ne aso.

Mateo 26:55

Na sɔ mmerɛ ne anu ala, Yesu sele ɛlɔen ne kyɛ, “Yiti ngrandɛ ne mmopura yeɛ ɛmɔfa bɛbakye me ɔ, kyɛ awerɔm awueniɛ bɔ ɛmɔba ye so ɔ? Ndenane asɔneyɛɛ sua ne anu nyɛle ngyerɛkyerɛ daa biala, nakoso ɛmɔangye me.

Marko 11:12

Na aleɛ hyene ná befi Betania bɛba nen, ɛhɔen huni Yesu.

Marko 11:19

Na aleɛ dwole ne, ofili kuro berɛ hɔle.

Marko 14:49

Né me ne ɛmɔ yɛwɔ asɔneyɛɛ sua ne anu meyɛ ngyerɛkyerɛ daa, nakoso ɛmɔangye me; na Ahyerɛlɛ ne, kyɛbɔ ɔkɔwa nu ti ɔ.”

Luka 19:29

Na opingyele Betefage ne Betania, bɔ ɔwɔ bokaa bɔ bɛfrɛ ye Olive Bokaa ne anwo nen, ɔsomane ye asuafoɛ nemɔ nyɔ

Luka 19:37

Na opingyele berɛ, nekaa bɔ atee ne torotoro kɔ Olive Bokaa ne anwo nen, asuafoɛ ɛlɔen ne amukoraa bɛhyɛle ye bo belili ahurusi, na bɛbɔle ese bɛyele Nyameɛ ayɛ wɔ anwanwadeɛ mbiri mbiri amukoraa bɔ banwu ye ne anwo,

Luka 19:47

Na daa biala ɔyɛle ngyerɛkyerɛ wɔ asɔneyɛɛ sua ne anu. Né asɔfo mbanyi, ahyerɛlɛfoɛ ne maen mbanyi bɛpena kyɛ ahaa beku ye ɔ,

Luka 22:39

Yesu fili berɛ, na kyɛbɔ né ɔtaa yɔ ne, ɔhɔle Olive Bokaa ne aso, na ye asuafoɛ nemɔ belili ye si.

Yohane 12:1

Ɔhale elesia maa Abɔtra ne dwu nen, Yesu wale Betania, nekaa bɔ Lasarɔso bɔ otingyele ye fili awufoɛ nu ne ɔwɔ ne.

Yohane 18:2

Na Yudase bɔ ɔyele ye mane ne, né ɔse berɛ; ofikyɛ né Yesu ne ye asuafoɛ nemɔ bɛtaa bekoyia berɛ.

Asomafoɛ 1:12

Afei befili Olive Bokaa bɔ opingye Yerusalem ne aso besa bɛhɔle Yerusalem. Ɔte kɔyɛ afofikyẽa ɛnatelɛ atee.