Luka 21:36 - AHYERƐLƐ KRONGRON

³⁶ Yiti ɛmɔwɛne ná ɛ́mɔbɔ mbaeɛ daa, amaa ɛmɔanya anwoserɛ bafa banwati bafi bɔ ɔbaasisi ne amukoraati nu, ná ɛmɔahora bagyina Sona Awa ne nyunu.”

Luka 21:36 Iomraidhean Croise

YOB NWOMAA NE 27:10

Aso ole anigye wɔ Tuminiɛ ne anu? Aso osũ frɛ Nyameɛ mmerɛ biala anaa?

Edwein 1:5

Yiti amumuyɛɛfoɛ, bengoli be wɔ ndɛenbualɛ ne anu, yeɛ teneneefoɛ nyianu koso, bɔnefoɛ bengonya berɛ bie bɛngɔhɔ;

Yeremia 35:19

yiti Asafo AWURADE, Yisrael Nyameɛ nwa nyoo: Sona bɔ okogyina me nyunu ɔ, ɔngɔbɔ Rekabo awa Yonadabo le.”

Malaki 3:2

Nakoso kyẽa bɔ ɔ́ba ne, nwa yeɛ ɔkɔhora kogyina ye noa ɔ? Ɔye ye nwo ali a, nwa yeɛ ɔkɔhora kogyina ye nyunu ɔ? “Ofikyɛ ɔte kyɛ sona bɔ ohuro buralɛ ɔ ye see ne, ɔne bɔ ɔkɔ atapoɛ ɔ ye saminaen;

Mateo 24:42

Yiti ɛ́mɔwɛne, ofikyɛ ɛmɔnze kyẽa horɛ bɔ ɛmɔ Awurade kɔwa ɔ.

Mateo 24:43

Na ɔsɛ kyɛ ɛmɔnwu ye kyɛ, sɛ né awuro mene ne ɔse kɔngɔen mmerɛ horɛ bɔ awueniɛ ne kɔwa a, ahaa ɔkɔwɛne, bɔ ahaa ɔngɔma ongootu ye anoa bo ongoowua ye ɔ.

Mateo 24:44

Yiti ɛmɔ koso, ɛ́mɔboaboa ɛmɔ nwo bésie, ɔnate kyɛ mmerɛ bɔ ɛmɔnzusu ɔ nu yeɛ Sona Awa ne kɔwa ɔ.

Mateo 25:13

“Yiti ɛ́mɔwɛne, ɔnate kyɛ ɛmɔnze kyẽa ne anaa dɔnhwere ne [bɔ Sona Awa ne kɔwa ɔ.]”

Mateo 26:41

Ɛ́mɔwɛne ná ɛ́mɔbɔ mbaeɛ, ná ɛmɔangɔ nzɔhwɛ nu. Sunzum ne kuro de, nakoso anwoɔnaen ne yɛ mmerɛ.”

Mateo 8:20

Na Yesu buale ye kyɛ, “Safuboa mɔ bele bɔen mɔ, yeɛ ewienu nnomaa bele saen mɔ; nakoso Sona Awa ne de, olle nekaa bɔ ɔfa ye ti to ɔ.”

Marko 13:33

Ɛ́mɔla ɛmɔ nwo so, ɛmɔwɛne ná ɛmɔbɔ mbaeɛ, ofikyɛ ɛmɔnze kyẽa horɛ bɔ mmerɛ ne kɔwa ɔ.

Marko 13:37

Na bɔ mekã mekyire ɛmɔ ye, mekã mekyire mmenia mukoraa. Ɛ́mɔwɛne!”

Luka 1:19

Na abɔfo ne buale ye kyɛ, “Me ole Gabriel bɔ ngyi Nyameɛ nyunu; na basoma me kyɛ mmanga ngyire wɔ, ná mva ndɛenvɛen he mmrɛ wɔ.

Luka 18:1

Afei Yesu buli bɛ anyandera he fa hyirele kyɛ, ɔsɛ kyɛ sona bɔ mbaeɛ daa biala, bɔ onni kyɛ ɔma ye abasa nu bu ɔ.

Luka 20:35

nakoso bɛ bɔ bekobu bɛ kyɛ bɛfata kyɛ benya kyɛfa wɔ wiase bɔ ɔ́ba ne ne awufoɛ dwɔsolɛ nu ne de, bengya, yeɛ bɛmva bɛ bɛmma agyaa,

Luka 21:35

ofikyɛ ɔkɔwa bɛ bɔ bɛte aseɛ ye aso amukoraa so.

Asomafoɛ 10:2

Ɔte nyamesuroniɛ bɔ ɔne ye awuro ama mukoraati besuro Nyameɛ ɔ. Osa yɔle adɔeɛ pee mane Yudafoɛ ehiafoɛ, na né ɔtaa bɔ mbaeɛ kyire Nyameɛ.

1 Korintofoɛ 16:13

Ɛmɔwɛne, ɛmɔgyina pindinn wɔ gyidie nu, ɛ́mɔma ɛmɔ ahone yɛ se, ná ɛ́mɔmia ɛmɔ nye.

2 Korintofoɛ 4:14

Ofikyɛ yɛse kyɛ, bɔ otingyele Awurade Yesu fili ewue nu ne kotingye yɛ kɔboka Yesu so, ná wafa ɛmɔ ne yɛ wahɔ ye nyunu.

Kolosefoɛ 4:2

Ɛmɔhɔ so bɛbɔ mbaeɛ, ná ɛ́mɔfa asennaa bɛwɛne wɔ mbaeɛbɔlɛ ne anu.

1 Tɛsalonikafoɛ 5:17

nnɛma ɛmɔyakyi mbaeɛbɔlɛ le!

2 Timoteo 4:5

Nakoso wɔ de, ma wɔ nye la berɛ wɔ nikyee biala nu, mia wɔ nye fa amaneɛ nu, yɔ nzɛmbahanɛniɛ adwuma ne, ná yie wɔ solɛ adwuma ne bɔkɔɔ.

1 Petro 4:7

Nakoso nningyein amukoraa ayieleɛ apingye; yiti ɛ́mɔnya adwene paa ná ɛ́mɔma ɛmɔ nye la berɛ ma mbaeɛbɔlɛ.

1 Petro 5:8

Ɛ́mɔdwo ɛmɔ nwo ase, ɛ́mɔma ɛmɔ nye la berɛ; ofikyɛ ɛmɔ pɔfoɛ abɔnzam odi akɔneaba, opo kyɛ gyata, na ɔpena sona bɔ okonya ye kɔhye ye ɔ.

1 Yohane 2:28

Na afei me ngwadaa mɔ, ɛmɔhɔ so bɛtena ye nu, amaa sɛ ye walɛ ne dwu ná ɔye ye nwo ali a, yahora yasi y’ahone, na yamvɛre wɔ ye nyunu.

Yuda 1:24

Na ye bɔ ɔkora sɔ ɛmɔ nu ma ɛmɔmvi ase, ná ɔfa ɛmɔ gyina ye animnyam ne nyunu bɔ ngekalewa biala nne ɛmɔ nwo, wɔ anigye nu ne,

Nyekyire 11:4

Na ɛhemɔ ole olive bakaa nyɔ ne ne kanea bakaa nyɔ bɔ begyigyi aseɛ Mene nyunu ne.

Nyekyire 6:17

ofikyɛ ye ahonehulɛ kyẽa piri ne adwu, na nwa yeɛ ɔkɔhora kogyina ye noa ɔ?”

Nyekyire 7:9

Na ɛhe asi ne, nneane, na nwuni ɛlɔen kandinga bɔ sona biala ngɔhora bɛ ka ɔ, bɔ befi maen maen, mmusua kure, mmenia ne edwudwolɛ amukoraa nu, kyɛ begyigyi ahennie bia ne nyunu ne Boaen Ba ne nyunu, bɔ bewurawura ndaadeɛ fufue, ná betiratira ɛberɛ ɔ.

Nyekyire 8:2

Na nwuni abɔfo nzoo bɔ begyigyi Nyameɛ nyunu ne, na bɛmane bɛ totorobɛndo nzoo.