Luka 21:26 - AHYERƐLƐ KRONGRON

²⁶ Na ahunundetelɛ, ɔne nningyein bɔ bɛnea a ɔbaasisi wiase ne, ɔkɔma mmenia nye so koburu bɛ; ofikyɛ bɛkɔwoso anwuro tumi mɔ.

Luka 21:26 Iomraidhean Croise

Yesaya 5:30

Bekopo bɛ sɔ kyẽa ne, kyɛbɔ ɛpo yɛ wuruwuru ɔ. Na sɛ ɛto wɔ nye nea aseɛ a, awosii ne aworabɔlɛ yeɛ ekonwu ye ɔ, na munungum komundu hyireinn so maa ɔkɔyɛ tunn.

Lewitikɔso 26:36

Na ɛmɔ nu mmenia bɔ bekonya bɛ ti bekodidi nu ne, ngɔfa ahunundetelɛ ngɔto bɛ so wɔ bɛ pɔfoɛ mɔ aseɛ nemɔ aso. Nyaa bɔ mvrama bɔ ye ne, ye nwo dede po kɔmaa bɛkɔnwati, bɛkɔnwati kyɛ ebie bɔ ɔnwati fi ngrandɛ noa ɔ, na bekofifi ase wɔ aberɛ bɔ ebiala mvoa bɛ ɔ.

Mateo 24:29

“Na sɔ mmerɛ ne anu amaneɛnwunɛ ne asi ne, berɛ ne ala, eyia kɔkakyi awosii, na ɛsraen ngɔta, na nzramaa mɔ kotutu kofi anwuro kogua ase, na anwuro tumi mɔ kɔwoso;

Marko 13:25

anwuro nzramaa kotutu kogua ase, na anwuro tumi mɔ kɔwoso.

Luka 21:25

“Na nzɛngyerɛnneɛ kɔwa eyia ne ɛsraen ne nzramaa mɔ nu; na kyɛbɔ ɛpo ne asorɔkye bekosi bekobu bɛkɔfa so ne, ɔkɔfa aworabɔlɛ ne ahunundetelɛ kɔto maen maen mɔ so wɔ aseɛ so.

Luka 21:27

Na afei mmenia konwu Sona Awa ne kyɛ ole tumi ne animnyam piri ɔ́ba wɔ munungum nu ɔ.