Luka 21:25 - AHYERƐLƐ KRONGRON

²⁵ “Na nzɛngyerɛnneɛ kɔwa eyia ne ɛsraen ne nzramaa mɔ nu; na kyɛbɔ ɛpo ne asorɔkye bekosi bekobu bɛkɔfa so ne, ɔkɔfa aworabɔlɛ ne ahunundetelɛ kɔto maen maen mɔ so wɔ aseɛ so.

Luka 21:25 Iomraidhean Croise

Edwein 46:3

ná ɛpo nu nzue yɛ wuruwuru obu fa so, ná sɛ ye asorɔkye ma mmokaa bɛwoso po a, ɛserɛ ngɔhã yɛ. Sela

Yesaya 13:10

Ofikyɛ ewienu nzramaa ne nzramaa kure kure mɔ bɛngɔta, eyia pukye a, ɔkɔyɛ tunn, yeɛ ɛsraen koso ngɔta.

Yesaya 17:12

Bɛ yaakɔ! Maen maen mɔ so mmenia pee bɔ bɛyɛ dede ɔ, bɔ bɛyɛ dede kyɛ ɛpo bɔ obu fa so ɔ! Aa, maen maen mɔ bɛteatea nu, bɛyɛ dede kyɛ asue piri bɔ ɔse wuruwuru ɔ!

Yesaya 24:23

Na afei ɛsraen kɔfɛre, yeɛ eyia nyunu kogua ase, ofikyɛ Asafo AWURADE koli hene wɔ Sion bokaa ne aso ne Yerusalem, na ɔkɔye ye animnyam ali wɔ ye mbanyi mɔ nyunu.

Yesaya 5:30

Bekopo bɛ sɔ kyẽa ne, kyɛbɔ ɛpo yɛ wuruwuru ɔ. Na sɛ ɛto wɔ nye nea aseɛ a, awosii ne aworabɔlɛ yeɛ ekonwu ye ɔ, na munungum komundu hyireinn so maa ɔkɔyɛ tunn.

Yesaya 51:15

Ofikyɛ me ole AWURADE, wɔ Nyameɛ, bɔ ɔkã ɛpo nu ma ye asorɔkye bɔ wuruwuru ne, ye dumaa li Asafo AWURADE.

Yeremia 4:23

Ndole me nye nneane aseɛ so, na yieee, né ɔte sesakaa, bɔ nikye fee nne so ɔ; nneane ewienu, na né kanea nne berɛ.

Daniel 12:1

“Sɔ mmerɛ ne, Mikayɛl, bɔ ɔte abɔfo safohene bɔ ogyi wɔ maen mmaa nemɔ asi ne, okodwɔso. Amaneɛnwunɛ mmerɛ kɔwa, bɔ ofi mmerɛ bɔ maen wale bɔ ɔbaadwu sɔ mmerɛ ne ɔ, ebie ɔwwale le ɔ. Nakoso sɔ mmerɛ ne, bɛkɔpepɛ bekole wɔ maen ne, ebiala bɔ bekonwu kyɛ bahyerɛ ye dumaa wɔ nwomaa ne anu ɔ.

Mika 7:4

Bɛ nu sona paa ne po ɔte kyɛ ɛfone, bɛ nu teneneeniɛ paa ne, ɔte mmowue anoa tworɔntworɔn; w’awɛmvoɛ mɔ kyẽa ne, ɔne w’asohwenɛ kyẽa ne ɔ́ba, bɛ basabasayɔlɛ mmerɛ ne wadwu.

Mateo 24:29

“Na sɔ mmerɛ ne anu amaneɛnwunɛ ne asi ne, berɛ ne ala, eyia kɔkakyi awosii, na ɛsraen ngɔta, na nzramaa mɔ kotutu kofi anwuro kogua ase, na anwuro tumi mɔ kɔwoso;

Mateo 27:45

Na ofi eyia duabien mmerɛ ne, awosii katale aseɛ so amukoraa maa ɔɔbɔle eyia nnɔnmmiɛnza.

Marko 13:24

“Na sɔ mmerɛ ne anu amaneɛnwunɛ ne asi ne, eyia kɔkakyi awosii, na ɛsraen ngɔta,

Marko 13:26

Na afei mmenia konwu Sona Awa ne kyɛ ole tumi piri ne animnyam ɔ́ba wɔ munungum nu ɔ.

Marko 15:33

Na ɔbɔle eyia duabien ne, awosii katale aseɛ ne amukoraa so maa ɔɔbɔle eyia nnɔnmmiɛnza.

Luka 21:24

Bɛkɔtotɔ ngrandɛ noa, bɛkɔhye bɛ nnure bɛkɔhɔ maen maen mukoraa so; na Amaenmaensofoɛ kotiatia Yerusalem so koodwu kyɛ Amaenmaensofoɛ nemɔ bɛ mmerɛ ne kɔwa nu ɔ.

Luka 21:26

Na ahunundetelɛ, ɔne nningyein bɔ bɛnea a ɔbaasisi wiase ne, ɔkɔma mmenia nye so koburu bɛ; ofikyɛ bɛkɔwoso anwuro tumi mɔ.

Asomafoɛ 2:19

Na ngɔma anwanwadeɛ kɔwa nyameɛso wɔ anwuro, yeɛ nzɛngyerɛnneɛ wɔ aseɛ so wɔ ase; mogya, see ne nwosina munguu kɔwa;

Nyekyire 20:11

Afei nwuni ahennie bia fufue pirikua bie ɔne bɔ ɔte so ne, bɔ aseɛ ne nyameɛso nwati fili ye nyunu ne; na bannya nekaa bamma bɛ.