Luka 21:22 - AHYERƐLƐ KRONGRON

²² ofikyɛ sɔ ngyẽa ne te wereɛtɔlɛ ngyẽa, bɔ ɔma bɔ bahyerɛ ne amukoraa ba nu ɔ.

Luka 21:22 Iomraidhean Croise

Yesaya 34:8

Ofikyɛ ɔte AWURADE wereɛtɔlɛ kyẽa, ɔne afoɛ bɔ ɔkɔma Sion kosa konya bɔ wafi ye sa ne ɔ.

Yesaya 61:2

kyɛ mmɔ AWURADE anwumvoinnwunɛ afoɛ ne nwo dawure, ɔne yɛ Nyameɛ wereɛtɔlɛ kyẽa ne nwo dawure, kyɛ ngyekye ebiala bɔ ye wora abɔ ɔ wora;

Yesaya 63:4

Ofikyɛ né madwene wereɛtɔlɛ kyẽa bie anwo, na m’afoɛ bɔ mefa mepepɛ mede me maen ne waso.

Yeremia 51:6

“Ɛ́mɔnwati béfi Babilɔn, ɛ́mɔma ebiala ɔpepɛ ole ye kra; nnɛmɔmaa ɔnate ye amumuyɛɛ ti ɛmɔ boso nua, ofikyɛ AWURADE ye wereɛtɔlɛ mmerɛ ne ɛhe, na okotua ye so kerɛ.

Hosea 9:7

Asohwenɛ ngyẽa ne adwu berɛ, akatuaa ngyẽa ne adwu berɛ. Yisrael kobu ngɔmhyɛlɛniɛ ne kyɛ ɔte kwaseaa, yeɛ sunzum nu sona ne kyɛ wabɔ laen, ɔnate w’amumuyɛɛ somaa ne, ɔne ɛpɔen piri ne ati.

Malaki 4:1

Tie, kyẽa ne ɔ́ba bɔ ɔkɔyera kyɛ foonoo ɔ; na amba, ahandaenfoɛ amukoraa, bɛ ne bɔnefoɛ biala bɛkɔyɛ ngyɛngyɛma. Na kyẽa bɔ ɔbaawa ne, ɔkɔyera bɛ, bɔ ɔngɔyakyi bɛ ndii anaa bɛ mmaen ɔ, AWURADE noa dwirɛ ɛne.

Mateo 1:22

Na ɛhe amukoraa sili maa bɔ Awurade nate ngɔmhyɛlɛniɛ ne aso hane ne wale nu. Ɔhane kyɛ,

Romanfoɛ 2:5

Ɛnze kyɛ ɛyɔ asoserɛ na epini w’ahone a, né ɛboaboa Nyameɛ yaa piri paa noa ma wɔ nwo wɔ ɛyaafɛlɛ piri kyẽa bɔ Nyameɛ baabua ye tenenee ndɛen ne ɔ?

Deuteronomi 32:34

“Aso mmvale ɛhemɔ amukoraa nnziele, bɔ makata so wɔ nekaa bɔ mesie nningyein ɔ?

Deuteronomi 32:43

“O, maen maen, ɛmɔ ne ye mmenia beli ahurusi, [mmosoen amukoraa, ɛ́mɔkoto AWURADE] ofikyɛ ɔkɔtɔ ye ngoaa mɔ mogya so wereɛ, ɔkɔtɔ ye pɔfoɛ mɔ so wereɛ, [okotua bɛ bɔ bekyi ye kerɛ], ná wate aseɛ ne anwo wama ye mmenia.”

2 Petro 2:9

né nzaade Awurade se atee bɔ ɔfa so ɔpepɛ de bɛ bɔ besuro ye ɔ fi nzɔhwɛ nu, ɔne kyɛbɔ ɔtwe bɛ bɔ bɛndengyɛ so ɔfa nwondɛ ndɛenbualɛ kyẽa ne ɔ,

2 Petro 3:7

Na anwuro ne aseɛ bɔ ɔwɔ berɛ ye, ɔnate ye noa dwirɛ komapɛ ne ala so yeɛ otira nu ɔ, na wasiesie ye wama see, na ɔfa nwondɛ ndɛenbualɛ ne amumuyɛɛfoɛ kyẽa ne.