Luka 21:20 - AHYERƐLƐ KRONGRON

²⁰ “Na sɛ ɛmɔnwu kyɛ koɛhonɛfoɛ bapɛ Yerusalem nwo bayia a, ye de ɛ́mɔnwu ye kyɛ ye bɔlɛ apingye.

Luka 21:20 Iomraidhean Croise

Daniel 9:27

Ɔne mmeni pee bɛkɔyɛ apam kitii afoɛ nzoo. Na afoɛ nzoo ne, ye bue ko, ɔkɔbera ngaka afɔleɛbɔlɛ ne aleɛ afɔleɛbɔlɛ. Busueniɛ ne, ɔkɔfa akyiwadeɛ amoen ne kosie asɔneyɛɛ sua ne anu, kɔpem kyɛ ɛsɛkyelɛ mmerɛ bɔ Nyameɛ ahyehyɛ ato berɛ ama busueniɛ ne ɔkɔto ye ɔ.

Mateo 24:15

“Yiti sɛ ɛmɔnwu akyiwadeɛ bɔ ɔbɔ maen ne, bɔ ngɔmhyɛlɛniɛ Daniel hane ye nwo dwirɛ ne, kyɛ ogyi nekaa krongron berɛ a, (bɔ ɔkenga ne, maa ɔte ye bo),

Marko 13:14

“Na sɛ ɛmɔnwu akyiwadeɛ bɔ ɔbɔ maen ne, kyɛ ogyi nekaa bɔ ɔnzɛ kyɛ ogyina a, (bɔ ɔkenga ne, maa ɔte ye bo), ye de, bɛ bɔ bɛwɔ Yudea ne, odi kyɛ bɛnwati bɛkɔ mmokaa nemɔ aso;

Luka 19:43

Ofikyɛ mmerɛ bie baawa wɔ so, bɔ wɔ pɔfoɛ mɔ bɛkɔyɔ nyinasoɛ bɛkɔfo so bɛkɔwa wɔ nu, bɔ bɛkɔpɛ bɛkɔbra wɔ nwo bekoyia, ná batua wɔ bahã wɔ bamia;

Luka 21:7

Na bebisale Yesu kyɛ, “Kyerɛkyerɛniɛ, kyinzu yeɛ ɛhemɔ kosi ɔ? Na sɛ ɛhemɔ bɛbaasi a, sɛɛ yeɛ ye nwo sɛngyerɛnneɛ kɔyɛ ɔ?”

Hebrifoɛ 11:30

Ɔnate gyidie so yeɛ Yeriko fasue ne, bɛpɛle ye nwo bɛbra beyiale ɛlɛsoo ne, odwiri guale ɔ.

Hebrifoɛ 12:1

Yɛ de, yɛle adanzefoɛ pembepembe bɔ bapɛ yɛ nwo bayia ɔ, yiti ɛ́mɔma yɛgyi nikyee biala bɔ osi yɛ ngɔsoɛ nwo ate, ɔne bɔne bɔ ɔngyɛ na wakyekye yɛ ne yɛgua, ná yɛ́mia yɛ nye yɛtu amirika bɔ ɔla yɛ nyunu ne.