Luka 21:17 - AHYERƐLƐ KRONGRON

¹⁷ Na ɔnate me dumaa ti, mmenia mukoraa bɛkɔpɔ ɛmɔ;

Luka 21:17 Iomraidhean Croise

Mateo 10:22

Ɔnate me dumaa ti, mmenia mukoraa kɔpɔ ɛmɔ; nakoso bɔ okotindim koodwu ayieleɛ nen, ye yeɛ bekole ye ngoa ɔ.

Mateo 24:9

“Afei bɛkɔye ɛmɔ bɛkɔma maa ɛmɔkonwu amaneɛ, bekohũhũ ɛmɔ, na ɔnate me dumaa ti maen maen amukoraa bɛkɔpɔ ɛmɔ.

Mateo 5:11

“Ɛmɔanya saleɛ, wɔ mmerɛ bɔ ɔnate me ti mmenia pepɛ ɛmɔ nzoaa, bɛtane ɛmɔ nye, ná bɛpɛ ngondombo bɛkeka edwirɛ tɛɛ ahoroɔ bɛto ɛmɔ so ɔ.

Marko 13:13

Ɔnate me dumaa ti, mmenia mukoraa bɛkɔpɔ ɛmɔ, nakoso bɔ okotindim koodwu ayieleɛ nen, ye yeɛ bekole ye ngoa ɔ.

Luka 21:16

Ɛmɔ awofoɛ ne aliɛmaa mɔ ne abusuafoɛ ne damvo mɔ koso bɛkɔye ɛmɔ bɛkɔma, na bɛkɔmaa bekohu ɛmɔ nu biemɔ.

Luka 21:18

nakoso ɛmɔ ti nwiaa nu ko po ongomini.

Luka 6:22

“Ɛmɔanya saleɛ, wɔ mmerɛ bɔ mmenia bɛpɔ ɛmɔ, bɛyɛ ɛmɔ nyeyemuɛ, bɛbɔ ɛmɔ alapaa, ná bɛpo ɛmɔ dumaa kyɛ ɔte musue nikye, ɔnate Sona Awa ne ati.

Yohane 15:19

Sɛ ɛmɔfi wiase a, ahaa wiase kohuro ɛmɔ dwirɛ kyɛ ye bɔbɔ ye deɛ. Na ɔnate kyɛ nna wiase yeɛ ɛmɔfi ɔ, na mmom me yeɛ maneanea nu maye ɛmɔ mafi wiase ne ati, yiti yeɛ ɔma wiase pɔ ɛmɔ ne.

Yohane 15:21

Na ɔnate me dumaa ti bɛkɔfa ɛhemɔ amukoraa bekoli ɛmɔ, ofikyɛ bɛnze bɔ ɔsomane me ne.

Yohane 17:14

Mafa wɔ dwirɛ ne mama bɛ; na wiase apɔ bɛ, ofikyɛ nna wiase yeɛ befi ɔ, kyɛbɔ me koso mmvi wiase ne.

Yohane 7:7

Wiase ngora mbɔ ɛmɔ, nakoso me yeɛ ɔpɔ me ɔ, ofikyɛ medi adanzeɛ kyɛ ye yɔleɛ te bɔne.

Asomafoɛ 9:16

Na ngohyire ye amaneɛ bɔ me dumaa ti odi kyɛ onwu ye ɔ.”

2 Korintofoɛ 12:10

Na ɔnate Kristo ti, me nye gye wɔ mmerɛyɛlɛ nu, alapaa bɔ bɛbɔ me nu, anwokyere nu, ndaneanyeɛ nu, aworabɔlɛ nu; ofikyɛ sɛ meyɛ mmerɛ a, yeɛ me nwo yɛ se ɔ.

2 Korintofoɛ 4:11

Ofikyɛ mmerɛ bɔ yɛte ase ye de, ɔnate Yesu ti daa biala bɛma ewue di yɛ mvanvando, amaa ɔnate so Yesu ngoa ne koso ala ali wɔ yɛ nwonaen bɔ owu ne anu.

2 Korintofoɛ 4:5

Nna yɛ bɔbɔ yɛ nwo dawure yeɛ yɛbɔ ɔ, na mmom Kristo Yesu bɔ ɔte Awurade ne, ye nwo dawure yɛbɔ ɔ, na yɛsa yɛbɔ dawure kyɛ ɔnate Yesu ti yayɛ ɛmɔ ngoaa.

Filipifoɛ 1:29

Ofikyɛ ɛmɔ de, bafa balo ɛmɔ kyɛ ɔnate Kristo ti, nna kyɛ ɔsɛ kyɛ ɛmɔde ye bedi ngome, na mmom ɔsɛ kyɛ ye ti ɛmɔnwu amaneɛ koso;

1 Petro 4:14

Na sɛ ɔnate Kristo dumaa ti bɛbɔ ɛmɔ alapaa a, ɔte saleɛ ma ɛmɔ; ofikyɛ animnyam sunzum, Nyameɛ sunzum ne, ɔwɔ ɛmɔ so.

Nyekyire 2:3

Mese kyɛ anya animia paa, na ɔnate me dumaa ti anwu amaneɛ, nakoso w’abasa nu mmu.