Luka 21:1 - AHYERƐLƐ KRONGRON

¹ Yesu mane ye ti so, na onwuni esikafoɛ bɔ bɛ́fa b’ayɛyɛdeɛ begua fotoɛ alaka ne anu ɔ.

Luka 21:1 Iomraidhean Croise

1 Ahemvo 14:26

Ɔsesale AWURADE awuro berɛ nningyein amukoraa ɔne ahemvie berɛ nningyein amukoraa hɔle. Afei koso esikaa kɔkorɛ akokyɛm bɔ Solomon yɔle ne amukoraa, ɔsesa hɔle.

2 Ahemvo 12:9

Yeɛ ɔsɔfo Yehoada fale alaka, otofili bɔen wɔ ye ngatasoɛ ne anu, na ɔfa siele afɔleɛ bokyea ne anwo. Sɛ ɛkwaawura AWURADE awuro ne anu a, ɔwɔ wɔ sa famaa so. Asɔfo mɔ bɔ bɛwɛne anoa ne, bɛfale esikaa bɔ mmenia fa wale AWURADE awuro ne amukoraa beguale alaka ne anu.

2 Ahemvo 24:13

Nebukadenesa sesale AWURADE awuro agudeɛ amukoraa, ɔne ahemvie berɛ agudeɛ ne hɔle. Esikaa kɔkorɛ kulie amukoraa bɔ Yisrael hene Solomon maa bɛyɔle beguale AWURADE asɔneyɛɛ sua ne anu ne, ɔbobɔle bɛ. Ɛhe amukoraa sili kyɛbɔ AWURADE hane ne ala.

2 Aberɛso Dwirɛ 36:18

Nyameɛ awuro berɛ nningyein mbiri mbiri ne mmaa mmaa, nningyein bɔ ɔwɔ AWURADE awuro berɛ nekaa bɔ bɛfa nningyein besie ne, yeɛ Nana Sedekia ne ye mbanyi bɛ nningyein, Babilɔn hene sesale, na ɔfale ye mukoraati hɔle Babilɔn.

Nehemia 13:13

Na nyele ɛhemɔ kyɛ bɛnea sua bɔ bɛfa nningyein besie nu nemɔ aso: ɔsɔfo Selemia, ahyerɛlɛniɛ Sadoke, yeɛ Lewiniɛ Pedaya. Hanan bɔ ye baba ole Sakure bɔ ye baba ole Matania ne, ɔkɔboka bɛ wɔ sɔ adwuma ne anu, ofikyɛ sɔ mmenia nemɔ, mmenia de bɛ di kyɛ bedi nahorɛ. Na b’adwuma ole kyɛ bɛkɔhyɛ aleɛ ne nningyein bɛkɔma b’eliɛma mɔ ɔ.

Mateo 27:6

Yeɛ asɔfo mbanyi nemɔ sesale ɛdwetɛ ne, na bɛhane kyɛ, “Mmeraa mma ate kyɛ yɛkɔfa yɛkogua fotoɛ alaka ne anu ɔ, ofikyɛ ɔte mogya sikaa.”

Luka 20:47

bɛ yeɛ bɛbɔ akunafoɛ mmrasua apoo bede bɛ nningyein ɔ, nakoso bɛpati bɛbɔ mbaeɛ tendenn bekyire. Na bɛ yeɛ bekobua bɛ foɛ piri paa ɔ.”

Yohane 8:20

Mmerɛ bɔ né ɔyɛ ngyerɛkyerɛ wɔ asɔneyɛɛ sua ne anu, wɔ nekaa bɔ fotoɛ alaka nemɔ begyigyi ne yeɛ ɔhane sɔ dwirɛ nemɔ ɔ; nakoso ebiala angye ye, ofikyɛ né ye mmerɛ ne onnya oddwuli.

Yosua 6:19

Nakoso nikyee biala bɔ bafa ɛdwetɛ anaa sikaa kɔkorɛ anaa kɔɔbere anaa buralɛ bayɔ de, ɔte krongron ma AWURADE; odi kyɛ yɛfa yɛkoogua AWURADE nningyein sua ne anu.”

Yosua 6:24

Bɛtole kuro ne anu ɔne nu nningyein amukoraati nu see bɛyerale ye. Nu nikyee biala bɔ bafa ɛdwetɛ anaa esikaa kɔkorɛ anaa kɔɔbere anaa buralɛ bayɔ de, bɛsesale beeguale AWURADE awuro nningyein sua ne anu.