Luka 20:41 - AHYERƐLƐ KRONGRON

⁴¹ Na Yesu bisale bɛ kyɛ, “Ɔyɛle sɛɛ bɔ bɛnwa Kristo ne te Dawide awa ɔ?

Luka 20:41 Iomraidhean Croise

Yeremia 33:21

ye de me ne me somvoɛ Dawide apam ne kɔhora kɔsɛkye, amaa ɔnate so ongonya baa bienzua bɔ ɔkɔtena ye ahennie bia so koli hene ɔ; na sɔ ala yeɛ me ne me somvoɛ mɔ Lewifoɛ bɔ bɛte asɔfo nemɔ y’apam ne ɔte ɔ.

Mateo 1:1

Yesu Kristo, Dawide bosoniɛ, Abraham bosoniɛ ne, ye afilie nu aworɛ ndoatoasoɛ ɛhe:

Mateo 9:27

Yesu fili berɛ kyɛ ɔkɔ nen, anyesiniwaafoɛ nyɔ lili ye si bɛteateane nu kyɛ, “Dawide Awa, nwu yɛ anwumvoin!”

Yohane 7:42

Ahyerɛlɛ ne, aso wanga kyɛ Kristo ne kɔyɛ Dawide bosoniɛ, na Betlehem kuro bɔ Dawide tenane so ne anu yeɛ okofi ɔ?”

Asomafoɛ 2:30

Né ɔte ngɔmhyɛlɛniɛ, na né ɔse kyɛ Nyameɛ ata ndaen wahã wahyire ye kyɛ ɔkɔma ye bosofoɛ nemɔ ko koli ye bia.

Nyekyire 22:16

“Me, Yesu, yeɛ masoma m’abɔfo kyɛ ooli ɛhemɔ nwo adanzeɛ hyire ɛmɔ wɔ asɔre nemɔ anu ɔ. Me ole Dawide ndii ne ye bosoniɛ, ngyerɛmɔ Nzramaa bɔ ɔta ne.”