Luka 20:37 - AHYERƐLƐ KRONGRON

³⁷ Na ɔfa awufoɛ dwɔsolɛ nwo de, Mose koso maa yɛnwu ye wɔ ngyɛkyerɛ ne nwo dwirɛ ne anu, mmerɛ bɔ ɔfrɛ Awurade kyɛ: Abraham Nyameɛ, Yisake Nyameɛ ne Yakob Nyameɛ’ ne.

Luka 20:37 Iomraidhean Croise

Gyenesise 17:7

Ngɔyɛ m’apam maa ɔkɔyɛ apam afebɔɔ, bɔ ɔwɔ berɛ ma me ne wɔ ne kyẽa bie wɔ boso ama wɔ b’aworɛ ndoatoasoɛ mukoraa nu. Na ngɔyɛ wɔ ne kyẽa bie wɔ boso ama Nyameɛ.

Gyenesise 28:13

Ɛlaleɛ ne anu, né AWURADE gyi ye ti sorɔ, na osele kyɛ, “Me ole AWURADE, wɔ nana Abraham ye Nyameɛ bɔ ɔte Yisake koso ye Nyameɛ ne. Ngɔfa aseɛ he bɔ yeɛ ɛla so kekesaala ye ngɔma wɔ ne wɔ bosofoɛ.

Gyenesise 28:21

na ɔmaa mesa meba me se awuro asomdwee nu a, ye de AWURADE kɔyɛ me Nyameɛ.

Gyenesise 32:9

Na Yakob bɔle mbaeɛ kyɛ, “O me nana Abraham Nyameɛ bɔ ɛte me baba Yisake Nyameɛ, O AWURADE bɔ esele me kyɛ, ‘Sá kɔ wɔ maen nu ne wɔ mmenia berɛ, na ngogyina wɔ si’ ɔ,

Ɛksadɔso 3:15

Nyameɛ sa sele Mose kyɛ, “Kã kyire Yisraelfoɛ kyɛ, ‘AWURADE ɛmɔ nana mɔ Nyameɛ ne, Abraham Nyameɛ ne, Yisake Nyameɛ ne, Yakob Nyameɛ ne yeɛ wasoma me ɛmɔ berɛ ɔ.’ Me dumaa bɔ ɔwɔ berɛ afebɔɔ hɔ ɛne, na ɛhe yeɛ aworɛ ndoatoasoɛ mukoraa bɛkɔfa bɛkɔfrɛ me ɔ.

Deuteronomi 33:16

Ma ye aseɛ so nningyein paa mukoraati. Mesrɛ kyɛ, Nyameɛ bɔ ɔyele ye nwo ali wɔ ngyɛkyerɛ nu ne, ɔlo ye. Ma saleɛ hemɔ amukoraati ɔ́yɛ Yosef ti so abotire, ye bɔ odi oliɛma mɔ so hene ne, maa ɔbɔ ye nwoma so.