Luka 20:36 - AHYERƐLƐ KRONGRON

³⁶ na bɛngora benwu ko; ofikyɛ bɛtɛ kyɛ abɔfo mɔ, na bɛte Nyameɛ mma, ofikyɛ bɛte ewutingyelɛ nu mmaa.

Luka 20:36 Iomraidhean Croise

Yesaya 25:8

Okonunu ewue boso kofi berɛ afebɔɔ. AWURADE Nyameɛ kokyikyi ebiala nye moen, na ɔkɔye ye maen animguaseɛ kofi aseɛ so amukoraa; ofikyɛ AWURADE noa dwirɛ ɛne!

Hosea 13:14

Aso mbɔ bɛ mvi ɛborɔ tumi nu anaa? Aso mbepɛ nne bɛ mvi ewue nu anaa? Wɔ, ewue, wɔ yealɛ ne wɔ ni? Wɔ, ɛborɔ, wɔ sɛkyelɛ ne wɔ ni? Anwumvoinnwunɛ atu afi me nye so.

Sakaria 3:7

“Asafo AWURADE nwa nyoo: Sɛ ɛfa m’atee so ná edi m’ahyɛdeɛ so a, ye de ngɔfa m’awuro ne ngowura wɔ sa, na ɛkɔnea m’aluo berɛ so, na ngɔmaa ekonya atee ɛkɔboka bɛ bɔ begyigyi ɛwa nemɔ aso.

Mateo 22:30

Ofikyɛ awufoɛ dwɔsolɛ ne anu, bengya, yeɛ bɛmva ebie bɛmma agyaa, na mmom bɛte kyɛ nyameɛso abɔfo mɔ.

Marko 12:25

Sɛ bedwɔso befi awufoɛ nu a, bengya, yeɛ bɛmva ebie bɛmma agyaa, na mmom bɛte kyɛ nyameɛso abɔfo mɔ.

Romanfoɛ 8:16

Sunzum ne bɔbɔ ɔne yɛ sunzum bedi adanzeɛ kyɛ yɛte Nyameɛ mma.

1 Korintofoɛ 15:26

Pɔfoɛ bɔ ɔpɛ ye bo koraa bɔ okoli ye so ngonim ole ewue.

1 Korintofoɛ 15:42

Sɔ ala yeɛ awufoɛ ewutingyelɛ ne koso te ɔ. Bɔ bedua ne porɔ, na bɔ betingye ye ne de, ɔmborɔ.

1 Korintofoɛ 15:49

Na kyɛbɔ yanya bɔ ofi nnɛterɛ nu ne sona sue nen, sɔ ala yeɛ yɛkonya bɔ ofi nyameɛso ne sue ɔ.

Filipifoɛ 3:21

na tumi bɔ ɔkora maa ɔfa nnningyein amukoraa wura ye bo ne, ɔkɔfa kɔsakyera yɛ awiɛmvoɛ nipadua ne maa ɔkɔyɛ kyɛ ye animnyam nipadua ne.

Nyekyire 20:6

Na ebiala bɔ ɔboka ewutingyelɛ bɔ oli moa ne aso ne, wanya saleɛ, na ɔte krongron. Sɔ mmenia ne, ewue bɔ ɔtɔ so nyɔ ne olle bɛ so tumi, na mmom bɛkɔyɛ Nyameɛ ne Kristo asɔfo, na bɛne ye koli hene afoɛ apee ko.

Nyekyire 21:4

Okokyikyi bɛ nye abo moen amukoraa. Na ewue nne berɛ ko, aworabɔlɛ ne esuɛ ne yealɛ biala nne berɛ ko, ofikyɛ nningyein daa nemɔ bapɛ nu bahɔ.

Nyekyire 22:9

Na osele me kyɛ, “Nea, nnɛyɔ sɔ! Ofikyɛ me koso nde ebiɛngo akoaa, wɔ ne eliɛma mɔ ngɔmhyɛlɛfoɛ, yeɛ bɛ bɔ betira nwomaa he anu dwirɛ nu ne. Sɔne Nyameɛ!”